YAP-ın namizədi Nəsib Məhəməliyevin təşviqat kampaniyası çərçivəsində seçicilərlə növbəti görüşləri keçirilib

Bakı:

17 °C

67 %

7 m/s

AZ RU EN

Ana səhifə / YAP xəbərləri / YAP-ın namizədi Nəsib Məhəməliyevin təşviqat kampaniyası çərçivəsində seçicilərlə növbəti görüşləri keçirilib

YAP-ın namizədi Nəsib Məhəməliyevin təşviqat kampaniyası çərçivəsində seçicilərlə növbəti görüşləri keçirilib

05.02.2020 [09:53]

9 fevral tarixində Milli Məclisə keçiriləcək seçkilərdə Yeni Azərbaycan Partiyasının (YAP) 109 saylı Balakən seçki dairəsi üzrə namizədi Nəsib Məhəməliyevin təbliğat-təşviqat kampaniyası çərçivəsində seçicilərlə görüşləri uğurla davam edir. Növbəti belə görüş rayonun Qullar kəndində keçirilib.
Görüşdə çıxış edən namizədin vəkilləri və təşviqat qrupunun üzvləri parlament seçkilərinin əhəmiyyəti və Nəsib Məhəməliyevin fəaliyyəti barədə geniş məlumat verərək seçiciləri YAP-ın namizədinə səs verməyə çağırıblar.
Seçicilər qarşısında çıxışında əvvəlcə Azərbaycanda həyata keçirilən islahatlar barədə məlumat verən Nəsib Məhəməliyev deyib ki, ölkəmiz zamanın çağırışları ilə səsləşən islahatları uğurla həyata keçirməklə iqtisadi sahədə dinamik inkişafa nail olub. Namizədin sözlərinə görə, son 16 ildə milli iqtisadiyyatımız 3,3 dəfə genişlənib ki, bu da dünya üzrə ən yaxşı göstəricilərdən biridir. Azərbaycan 2019-cu ildə də islahatlar kursuna sadiq qalıb və müxtəlif sahələri əhatə edən islahatlar həyata keçirilib. Bunun nəticəsində də iqtisadi aktivliyin artırılmasına, şəffaflığın təmin olunmasına, biznes mühitinin daha da optimallaşdırılmasına imkan yaranıb.
Daha sonra fəaliyyəti haqqında yüksək fikirlər səsləndirdiklərinə və hərtərəfli dəstəyə görə seçicilərə minnətdarlıq edən Nəsib Məhəməliyev yenidən Milli Məclisin deputatı seçiləcəyi təqdirdə yenə də daim seçicilərinin yanında olacağını və onların qayğılarına həssaslıqla yanaşacağını vurğulayıb.
Görüşdə çıxış edən seçicilər - Elman Xipiyev, Mahir Hacıyev, Rasim Göylərov, Arzu Qocayev, Elçin Musayev və digərləri Nəsib Məhəməliyevin ən fəal millət vəkillərindən biri olduğunu ifadə edərək, qarşıdan gələn parlament seçkilərində mütəşəkkil qaydada seçki məntəqələrinə gedib YAP-ın namizədinə səs verəcəklərini bildiriblər.
Nəsib Məhəməliyevin daha bir görüşü rayonda ilk dəfə səs verəcək gənclərlə keçirilib. Görüşdə ölkəmizdə həyata keçirilən uğurlu gənclər siyasəti barədə məlumat verilib və qeyd olunub ki, gənclər ölkəmizdə ictimai-siyasi proseslərdə fəal iştirak edirlər. Çıxış edən gənclər - Zeynal Əmirəliyev, Rasim Zeynalov, Əli Adıgözəlov, Orxan Əliyev, Emiliya Əmiraslanova, Ləman Seyidova, Vüsalə Mikayılova və digərləri gənclərin parlament seçkilərində fəal iştirak edəcəklərini və YAP-ın namizədinə səs verəcəklərini bildiriblər.

Paylaş:

Baxılıb: 609 dəfə