76 saylı Lənkəran-Astara seçki dairəsi üzrə YAP-ın deputatlığa namizədi Ziyafət Əsgərovun təbliğat-təşviqat kampaniyası uğurla davam etdirilir

Bakı:

15 °C

72 %

8 m/s

AZ RU EN

Ana səhifə / YAP xəbərləri / 76 saylı Lənkəran-Astara seçki dairəsi üzrə YAP-ın deputatlığa namizədi Ziyafət Əsgərovun təbliğat-təşviqat kampaniyası uğurla davam etdirilir

76 saylı Lənkəran-Astara seçki dairəsi üzrə YAP-ın deputatlığa namizədi Ziyafət Əsgərovun təbliğat-təşviqat kampaniyası uğurla davam etdirilir

24.01.2020 [11:16]

Azərbaycan Respublikası Milli Məclisinə fevralın 9-da keçiriləcək seçkilərdə Yeni Azərbaycan Partiyasının (YAP) irəli sürdüyü namizədlərin təbliğat-təşviqat kampaniyası uğurla davam etdirilir.
Yanvarın 23-də YAP tərəfindən 76 saylı Lənkəran-Astara seçki dairəsi üzrə namizədliyi irəli sürülən Ziyafət Əsgərov təbliğat-təşviqat kampaniyası çərçivəsində Lənkəran rayonunun Hirkan, Parakənd, Xanbulan, Bürcəli, Daştatük, Mamusta, Vel və Siyavar kəndlərinin seçiciləri ilə görüş keçirib.
Z.Əsgərov əvvəlcə seçiciləri müstəqil Azərbaycanın son illərdə əldə etdiyi uğurlardan bəhs edib. Deputatlığa namizədin sözlərinə görə, dövlət başçısı cənab İlham Əliyevin ötən il həyata keçirdiyi genişmiqyaslı islahatlar nəticəsində ölkəmiz yeni inkişaf mərhələsinə qədəm qoyub, vətəndaşların sosial müdafiəsinin gücləndirilməsi yönündə müvafiq addımlar atılıb.
Daha sonra Z.Əsgərov Lənkəran rayonundan olan seçiciləri seçkilərdə mütəşəkkil olmağa çağırıb, onların 9 fevralda parlaq gələcəyimizə, daha güclü Azərbaycan naminə səs verəcəklərinə əminliyini dilə gətirib.
76 saylı Lənkəran-Astara seçki dairəsinin ərazisində yerləşən Hirkan, Parakənd, Xanbulan, Bürcəli, Daştatük, Mamusta, Vel və Siyavar yaşayış məntəqələrindən olan seçicilər də Milli Məclisin rəhbərliyində təmsil olunan deputatlığa namizəd Z.Əsgərovun son illərdəki fəaliyyətindən razılıqlarını bildirib, həmçinin gələcək fəaliyyətində ona uğurlar diləyiblər.
76 saylı Lənkəran-Astara seçki dairəsindən YAP-ın deputatlığa namizədi Z.Əsgərovun seçicilərlə növbəti görüşü Astara rayonunun Şahağacı kəndində baş tutub.
Z.Əsgərov əvvəlcə Şahağacı kənd seçicilərinə onunla görüşə gəldikləri üçün təşəkkürünü bildirib. Astaralı seçicilərin qarşısında çıxış edən Z.Əsgərov növbəti parlament seçkilərində seçiciləri fəal olmağa, seçki günü YAP-ın namizədinə səs verməyə çağırıb. Deputatlığa namizəd dövlət tərəfindən regionlarda iqtisadi inkişafın əldə edildiyini, o cümlədən kənd təsərrüfatı, infrastruktur quruculuğu və digər sahələrdə mühüm uğurlara nail olunduğunu qeyd edib.
Şahağacı kənd seçiciləri də YAP-ın deputatlığa namizədi Z.Əsgərova onlarla görüşə gəldiyi üçün təşəkkür ediblər, öz təkliflərini çatdırıblar və gələcək fəaliyyətində müvəffəqiyyətlər arzulayıblar.

Paylaş:

Baxılıb: 647 dəfə