YAP Səbail rayon təşkilatında qadın seçicilərlə görüş keçirilib

Bakı:

19 °C

60 %

4 m/s

Əlaqə

AZ RU EN

Ana səhifə / YAP xəbərləri / YAP Səbail rayon təşkilatında qadın seçicilərlə görüş keçirilib

YAP Səbail rayon təşkilatında qadın seçicilərlə görüş keçirilib

19.12.2019 [09:42]

Dünən Yeni Azərbaycan Partiyası (YAP) Mərkəzi Seçki Qərargahının Səbail rayon şöbəsində bələdiyyə seçkiləri ilə əlaqədar təbliğat-təşviqat kampaniyası çərçivəsində Yeni Azərbaycan Partiyası tərəfindən irəli sürülmüş namizədlərin qadın seçicilərlə görüşü keçirilib.
Görüşdə çıxış edən YAP Səbail rayon təşkilatının Aparat rəhbəri Zəfər Bayramov bələdiyyə seçkiləri ilə əlaqədar təbliğat-təşviqat kampaniyası çərçivəsində Səbail rayonunda seçicilərlə keçirilmiş çoxsaylı görüşlər haqqında tədbir iştirakçılarına məlumat verib. Z.Bayramov bildirib ki, qadınlar bütün dövrlərdə respublikamızın ictimai-siyasi həyatında fəal iştirak ediblər. Onun sözlərinə görə, Yeni Azərbaycan Partiyası bu seçkilərdə də ən layiqli partiya fəallarının bələdiyyələrə namizədliyini irəli sürüb. Qadın seçiciləri hər zaman olduğu kimi, bu seçkilərdə də yüksək fəallıq nümayiş etdirməyə dəvət edən Z.Bayramov hər kəsi ən layiqli namizədlər olan YAP namizədlərinə səs verməyə çağırıb.
Çıxış edən Milli Məclisin Ailə, qadın və uşaq məsələləri komitəsinin sədr müavini Sahibə Qafarova deyib ki, Azərbaycan qadınları bu gün cəmiyyətin ictimai-siyasi həyatının bütün sahələrində çox fəaldır, say etibarilə də ciddi elektorat təşkil edirlər. Bələdiyyə seçkilərində namizədlərin sırasında qadınların xüsusi çəkisinin ildən-ilə yüksəldiyini xüsusi qeyd edən deputat diqqətə çatdırıb ki, ölkəmizdə dövlət qadın siyasəti uğurla həyata keçirilir, qadınlar respublikada, eləcə də Səbail rayonunda gedən ictimai, siyasi, iqtisadi, mədəni proseslərdə yaxından iştirak edirlər. Yeni Azərbaycan Partiyası tərəfindən irəli sürülmüş namizədlərə seçkilərdə uğurlar arzu edən S.Qafarova bütün rayon sakinlərini seçki günündə fəal olmağa və YAP namizədlərini dəstəkləməyə çağırıb.
Tədbirdə YAP Səbail rayon Qadınlar Şurasının sədri Təranə Kərimova və YAP Səbail rayon təşkilatının sədr müavini Mehman İsmayılov çıxış edərək qeyd ediblər ki, bələdiyyə seçkilərində qadın namizədlər kifayət qədər çoxdur. Bu amil cəmiyyətdə qadınların rolunun artmasının göstəricisidir.
Görüşdə Səbail, Badamdar və Bibiheybət bələdiyyələrinə Yeni Azərbaycan Partiyası tərəfindən irəli sürülmüş qadın namizədlərdən Sədaqət Həsənova, Xatirə Əliyeva, Nərgiz Ələkbərova və Xədicə Həsənova çıxış ediblər. Qeyd olunub ki, bələdiyyə seçkilərində namizədlərin sırasında qadınların və gənclərin çoxluq təşkil etməsi bələdiyyə institutunun inkişafında mühüm rol oynayacaq. Seçki platformaları və görəcəkləri işlər haqqında seçicilərə ətraflı məlumat verən qadın namizədlər seçiciləri ictimai-siyasi proseslərdə daha da fəal olmağa və seçki günü həmrəylik nümayiş etdirərək Yeni Azərbaycan Partiyasının namizədlərinə səs verməyə çağırıblar.
Görüşdə çıxış edən qadın seçicilər seçki prosesində fəal iştirak edəcəklərini və xalqın partiyası olan YAP-ın namizədlərini dəstəkləyəcəklərini bildiriblər.

Paylaş:

Baxılıb: 638 dəfə