Sumqayıt seçiciləri Yeni Azərbaycan Partiyasının namizədlərinə səs verəcəklər

Bakı:

26 °C

64 %

10 m/s

Əlaqə

AZ RU EN

Ana səhifə / YAP xəbərləri / Sumqayıt seçiciləri Yeni Azərbaycan Partiyasının namizədlərinə səs verəcəklər

Sumqayıt seçiciləri Yeni Azərbaycan Partiyasının namizədlərinə səs verəcəklər

04.12.2009 [09:33]

Dünən şəhərin 9-cu mikrorayonunda seçicilərlə görüş keçirilib
Dünən Yeni Azərbaycan Partiyası qarşıdan gələn bələdiyyə seçkiləri ilə bağlı təbliğat kampaniyası çərçivəsində növbəti görüşünü Sumqayıt şəhəri 9-cu mikrorayonunda keçirib. Görüşdə çıxış edən Yeni Azərbaycan Partiyası Sumqayıt şəhər təşkilatının sədri Asif İmaməliyev son illərdə ölkəmizdə aparılan siyasətin nəticəsində bütün sahələrdə böyük inkişafın müşahidə olunduğunu qeyd edib. Bu inkişafdan Sumqayıt şəhərinə də pay düşdüyünü söyləyən natiq dövlətimizin başçısının hər zaman Sumqayıta qayğı ilə yanaşdığını önə çəkib. Onun sözlərinə görə, yeni infrastrukturların yaradılması, kommunikasiya xidmətlərinin daha da gücləndirilməsi istiqamətində aparılan işlər, sənaye müəssisələrinin bərpası və yenilərinin açılması, o cümlədən, şəhərdə aparılan abadlıq-bərpa işləri Sumqayıtın son 5 ildə canlanmasına səbəb olub: “Bütün Azərbaycan xalqı, o cümlədən, Sumqayıt əhalisi son 5 ildəki böyükmiqyaslı dəyişiklikləri öz həyatlarında hiss edirlər. Əsası Ulu öndər Heydər Əliyev tərəfindən qoyulan inkişafa xidmət edən siyasət ölkəmizi beynəlxalq arenada güclü bir dövlətə çevirib. Uğurlarımızın təməlində xalqın ölkə hakimiyyəti ilə vəhdəti dayanır. Regionların inkişafı ilə bağlı qəbul olunan dövlət proqramları bölgələrin inkişafına yol açıb. Məhz görülən işlər, aparılan islahatlar Azərbaycan xalqının Azərbaycan hakimiyyətinə, Yeni Azərbaycan Partiyasına olan inamının daha da möhkəmlənməsinə səbəb olub. Mən inanıram ki, qarşıdan gələn bələdiyyə seçkilərində Sumqayıt seçiciləri bir daha bu inamı, etimadı nümayiş etdirəcəklər. Partiyamız bələdiyyə seçkilərində bütün yerlərə namizəd irəli sürüb. Son 5 ildə Sumqayıt bələdiyyəsinin fəaliyyəti də bir daha onu deməyə əsas verir ki, Sumqayıt bələdiyyəsi günü-gündən inkişaf edir, xalqın rifahı üçün çalışır. Mən əminəm ki, bu işlərin davam etdirilməsi üçün Sumqayıt seçiciləri Yeni Azərbaycan Partiyasının namizədlərinə səs verəcəklər”.
çıxış edən Azərbaycan İctimai-Siyasi Universitetinin rektoru, professor Rasim Nəbiyev bələdiyyə sisteminin tarixindən bəhs edib. Natiq bildirib ki, Azərbaycanda bələdiyyə sisteminin yaşının az olmasına baxmayaraq, vətəndaşlarımızın rahatlığı naminə böyük işlər görüblər: “Artıq bələdiyyələrin insanların həyatındakı yeri və rolu da artmaqdadır. Xalqımız hər bir seçkidə Yeni Azərbaycan Partiyasına olan inamını öz səsləri ilə bir daha nümayiş etdirir. Mən əminəm ki, xalqımız ümummilli lider Heydər Əliyev siyasi kursuna, Azərbaycan Respublikasının Prezidenti İlham Əliyev cənablarına və dövlət başçımızın Sədri olduğu Yeni Azərbaycan Partiyasına olan inamını və sevgisini bu dəfə də nümayiş etdirəcək. Hər zaman dövlətçiliyə bağlılıqları ilə seçilən Sumqayıt seçiciləri bu dəfə də inkişafa - yəni, Yeni Azərbaycan Partiyasının namizədlərinə səs verəcəklər”.
çıxış edən Sumqayıt bələdiyyəsi üzvlüyünə Yeni Azərbaycan Partiyasının namizədi Əbülfəz Babayev Sumqayıt bələdiyyəsinin son 5 ildə gördüyü işlərdən bəhs edib. Tədbirin keçirildiyi 9-cu mikrorayonda aparılan abadlıq işləri ilə bağlı məlumat verən natiq qeyd edib ki, seçicilər Yeni Azərbaycan Partiyasının namizədlərinə bir daha etimad göstərəcəkləri təqdirdə bu işlər davam etdiriləcək və daha geniş miqyas alacaq: “Bunun üçün isə bütün seçicilərdən seçkiyə gəlməyi və aktiv olmağı xahiş edirik. Yeni Azərbaycan Partiyası bələdiyyə seçkilərinə 15 mindən artıq namizədlə qatılıb. Bu rəqəm bir daha göstərir ki, Yeni Azərbaycan Partiyası xalqımız tərəfindən sevilir, dəstəklənir. Əsası ümummilli lider Heydər Əliyev tərəfindən qoyulan və bu gün Prezident İlham Əliyev tərəfindən uğurla davam etdirilən siyasi kurs ölkə vətəndaşlarının rifahına, dövlətimizin inkişafına xidmət göstərir. ölkəmizin inkişafı haqda çox danışmaq olar, tək bir faktı qeyd etmək lazımdır ki, son 5 ildə Azərbaycan vətəndaşlarının gəlirləri üzrə bütün postsovet məkanında liderdir. Bu inkişafa yönəlik siyasətin düzgün aparılması isə ümummilli lider Heydər Əliyev siyasi kursunun layiqli davamçısı Prezident İlham Əliyevin müstəsna xidmətidir. 10 illik təcrübəsi olan Azərbaycan bələdiyyəsi də inkişaf yolundadır. Yeni Azərbaycan Partiyasının namizədi olaraq hər zaman seçicilərin etimadını doğrultmaq istiqamətində işlədiyimizi və bundan sonra da işləyəcəyimizi indidən bəyan edirik”.
Sumqayıt şəhər bələdiyyəsi üzvlüyünə Yeni Azərbaycan Partiyasının namizədi Leyla Abdullayeva da son illərdə ölkəmizdə aparılan islahatlardan bəhs edib. Azərbaycan Respublikasının Milli Məclisinin bələdiyyələrlə bağlı qanunvericilikdə etdiyi dəyişiklikdən danışan natiq bildirib ki, bu islahatlar bələdiyyələrin fəaliyyətini daha da gücləndirəcək. Sumqayıt bələdiyyəsinin işinin hər zaman seçicilər tərəfindən qiymətləndirildiyini söyləyən L.Abdullayeva görüş iştirakçılarını real işə qiymət verməyə çağırıb: “Dekabrın 23-də növbəti beşillik üçün bələdiyyələr seçiləcək. Yeni Azərbaycan Partiyası hər zaman olduğu kimi, bu dəfə də xalqın iradəsinə inanır və əmindir ki, vətəndaşlarımız onların həyat şəraitlərinin yaxşılaşdırılmasına xidmət göstərən ümummilli lider Heydər Əliyev siyasi kursuna dəstək verəcək. çünki Yeni Azərbaycan Partiyası xalqın partiyasıdır və bu seçkiyə də xalqa xidmət naminə gedir. Bizlər-Yeni Azərbaycan Partiyasının bələdiyyə seçkisində namizəd kimi iştirak edən insanlar isə bu etimadı var gücümüzlə, görəcəyimiz işlərlə doğrultmağa çalışacağıq”.
Daha sonra çıxış edən Yeni Azərbaycan Partiyasının Sumqayıt şəhər bələdiyyəsi üzvlüyünə namizədləri Pərvanə Səfərova, Şəfa Həsənova, İlqar Nuriyev, Məhəbbət Nağıyev və digərləri də Yeni Azərbaycan Partiyasının seçki proqramından bəhs ediblər. çıxış edən namizədlər qeyd ediblər ki, təmsil etdikləri Yeni Azərbaycan Partiyası hər zaman xalqın iradəsinə uyğun hərəkət edib və dövlətçilik maraqlarından çıxış edib. Bu baxımdan Azərbaycan xalqı Yeni Azərbaycan Partiyasına inanır və etibar edir. Bu, xalqımızın ümummilli lider Heydər Əliyev siyasi kursuna sevgisindən və Yeni Azərbaycan Partiyasının xalqın partiyası olmasından irəli gəlir. Tədbir iştirakçıları seçiciləri maraqlandıran sualları cavablandırıblar.

Paylaş:

Baxılıb: 1510 dəfə