Mehdiabad qəsəbəsinin sakinləri YAP-ın namizədlərini dəstəkləyir

Bakı:

19 °C

63 %

9 m/s

Əlaqə

AZ RU EN

Ana səhifə / YAP xəbərləri / Mehdiabad qəsəbəsinin sakinləri YAP-ın namizədlərini dəstəkləyir

Mehdiabad qəsəbəsinin sakinləri YAP-ın namizədlərini dəstəkləyir

04.12.2009 [09:30]

YAP Abşeron rayon təşkilatı Mehdiabad qəsəbəsində tədbir keçirib
Dünən dekabr ayının 23-də keçiriləcək bələdiyyə seçkilərilə əlaqədar olaraq təbliğat-təşviqat kampaniyası çərçivəsində Yeni Azərbaycan Partiyası (YAP) Abşeron rayon təşkilatı Mehdiabad qəsəbəsində tədbir keçirib. Tədbirdə çıxış edən YAP Abşeron rayon təşkilatının sədri Bilman Vəliyev qeyd edib ki, təbliğat-təşviqat kampaniyası başlanandan bəri rayon təşkilatı tərəfindən bir sıra seçki hərəkətləri həyata keçirilib. Keçirilən görüşlərdə seçicilər ölkəmizin inkişafına, xalqımızın rifah halının yaxşılaşdırılmasına xidmət edən, əsası ümummilli liderimiz Heydər Əliyev tərəfindən qoyulan və Azərbaycan Respublikasının Prezidenti cənab İlham Əliyev tərəfindən yeni keyfiyyət və məzmunda həyata keçirilən siyasi kursu dəstəklədiklərini bəyan etməklə Yeni Azərbaycan Partiyası tərəfindən irəli sürülən namizədlərə yekdilliklə səs verəcəklərini bildiriblər: “İnanıram ki, görülən işlər məntiqi nəticəni verəcək və partiyamız tərəfindən irəli sürülən namizədlər layiqli qələbə qazanacaqlar”.
Bilman Vəliyev, həmçinin, bələdiyyələr haqqında da danışıb: “Azərbaycanda bələdiyyə institutu 1999-cu ildə formalaşdı. ötən müddət ərzində bələdiyyələrin fəaliyyətində müəyyən çatışmazlıqlar olsa da, bu gün artıq onlar aradan qaldırılmaq üzrədir. Yəni, bələdiyyələrlə bağlı qanunvericilik bazası gücləndirilib, bu strukturların fəaliyyətinin daha da təkmilləşdirilməsi üçün bir sıra vacib qanunlar qəbul edilib”.
Bilman Vəliyev Mehdiabad qəsəbəsi bələdiyyəsi üzrə YAP-ın 13 namizədi olduğunu diqqətə çatdıraraq vurğulayıb ki, namizədlərin irəli sürülməsində Yeni Azərbaycan Partiyasının bələdiyyə seçkilərilə bağlı konsepsiyasına uyğun olaraq qadınların və gənclərin namizədliklərinin irəli sürülməsi ötən illərə nisbətən üstünlük təşkil edib.
Tədbirdə çıxış edən YAP-ın Mehdiabad qəsəbəsi bələdiyyəsinə namizədi Natiq Dünyamalıyev ötən müddət ərzində qəsəbədə bələdiyyə tərəfindən görülmüş işlərdən söz açıb. Onun sözlərinə görə, bələdiyyə tərəfindən qəsəbədə məktəblər, xəstəxana təmir edilib, yollara asfalt döşənib, istilik problemi həll olunub, su və kanalizasiya xətləri çəkilib: “İnanıram ki, Mehdiabad sakinləri bu dəfə də doğru seçim edərək YAP-ın namizədlərinə səs verəcək və bu işlərin davamlılığını təmin edəcəklər”.
çıxış edən Mehdiabad qəsəbəsi bələdiyyəsinə namizəd Höcətağa Cəbrayılov da qəsəbədə görülmüş işlərdən danışıb: “Mehdiabadda bir sıra məktəblər təmir edilərək yenidən insanların istifadəsinə verilib. Yeni Azərbaycan Partiyası budəfəki bələdiyyə seçkilərində də gənclərə və qadınlara böyük diqqət ayırdı. Bu, dövlətin gənclərə, qadınlara olan etimadının göstəricisidir. Biz çalışmalıyıq ki, partiyamızın, insanların bizə olan etimadını doğruldaq”.
Digər namizəd ülkər Həsənova bildirib ki, bələdiyyələr yerli problemlərin həlli ilə yanaşı, qəsəbədə bir çox məsələlərin də həllində yaxından iştirak etməlidir. çünki, yerli özünüidarəetmə orqanı olan bələdiyyələr birbaşa olaraq insanlara xidmət edir.
Mehdiabad qəsəbəsi bələdiyyəsinə namizəd Samirə Məmmədzadə isə bildirib ki, Yeni Azərbaycan Partiyasının namizədləri seçicilərin etimadını doğruldacaq və gördüyü işlərlə bir daha insanların öz seçimlərində yanılmadıqlarını sübut edəcək.
Namizəd Vüsal Süleymanov isə bildirib ki, YAP öz üzərinə xalqımıza ən yüksək səviyyədə xidmət etmək missiyasını götürüb və bu günə qədər həyata keçirilən tədbirlərlə həmin missiyanın öhdəsindən layiqincə gəlib.
çıxış edən digər namizəd Aybəniz Mahmudova da deyib ki, hər zaman siyasi kampaniyalarda aktiv iştirak edən Mehdiabad sakinləri budəfəki seçkilərdə də yüksək fəallıq göstərəcəklər.
Abşeron rayon Ağsaqqallar Şurasının sədri Nadir Ağayev Mehdiabad qəsəbəsi bələdiyyəsinin fəaliyyətinə toxunub və görülən işləri yüksək qiymətləndirib: “Mən inanıram ki, hər zaman dövlətçiliyə sədaqəti ilə seçilən mehdiabadlılar bu dəfə də Yeni Azərbaycan Partiyasının namizədlərinə səs verəcək”.
Sonra çıxış edən qəsəbə sakinləri bələdiyyənin gördüyü işləri yüksək qiymətləndiriblər. Bir sıra çatışmazlıqların olduğunu, Yeni Azərbaycan Partiyasının namizədləri bələdiyyələrə seçildikdən sonra onların da aradan qaldırılacağına inandıqlarını söyləyən sakinlər, budəfəki bələdiyyə seçkilərində də YAP-ın namizədlərinə səs verəcəklərini bildiriblər.

Paylaş:

Baxılıb: 1455 dəfə