YAP Sumqayıt şəhər təşkilatında fəaliyyət göstərən Heydər Əliyev Məktəbində gənclərlə görüş keçirilib

Bakı:

23 °C

42 %

1 m/s

AZ RU EN

Ana səhifə / YAP xəbərləri / YAP Sumqayıt şəhər təşkilatında fəaliyyət göstərən Heydər Əliyev Məktəbində gənclərlə görüş keçirilib

YAP Sumqayıt şəhər təşkilatında fəaliyyət göstərən Heydər Əliyev Məktəbində gənclərlə görüş keçirilib

16.02.2019 [10:12]

Yeni Azərbaycan Partiyası (YAP) Sumqayıt şəhər təşkilatında fəaliyyət göstərən Heydər Əliyev Məktəbində gənclərlə görüş və məktəbin növbəti məşğələsi keçirilib. Tədbir Prezident İlham Əliyevin 2 fevral - Azərbaycan Gəncləri Gününə həsr olunmuş respublika toplantısındakı çıxışından irəli gələn vəzifələrə həsr edilib. Məşğələdə YAP Sumqayıt şəhər təşkilatının sədri Ramiz Hüseynov, Azərbaycan Respublikası Milli Məclisinin deputatları Mirzəcan Xəlilov, Tahir Mirkişili, Sumqayıt şəhər İcra Hakimiyyəti başçısının birinci müavini Teymur Səmədov, YAP Sumqayıt şəhər təşkilatının İdarə Heyətinin üzvləri, Qadınlar Şurası və Gənclər Birliyinin fəalları, ərazi ilk partiya təşkilat sədrləri iştirak ediblər.
Tədbirdə çıxış edən YAP Sumqayıt şəhər təşkilatının sədri Ramiz Hüseynov Azərbaycan Gəncləri Gününə həsr olunmuş respublika toplantısında Prezident İlham Əliyevin çıxışından irəli gələn və YAP Sumqayıt şəhər təşkilatı Gənclər Birliyinin üzvlərinin də qarşısında duran vəzifələrdən bəhs edib. Bildirilib ki, ölkə başçısının proqram xarakterli çıxışında sağlam düşüncəli, təhsilli, peşəkar, milli-mənəvi dəyərlərimizlə tərbiyə olunan vətənpərvər gənclərimizin həm də müasirliyə açıq olması tövsiyə edilir. Ramiz Hüseynov ölkə Prezidentinin Azərbaycan gəncliyinə inandığını və güvəndiyini xüsusi vurğulayıb.
Daha sonra geniş məruzə ilə çıxış edən YAP Sumqayıt şəhər təşkilatı Gənclər Birliyinin sədri Elvin Məmmədzadə ölkəmizdə uğurla həyata keçirilən dövlət gənclər siyasəti ilə bağlı fikirlərini tədbir iştirakçılarına çatdırıb. Sonra Azərbaycanı BMT səviyyəsində təmsil edən ilk sosial sahibkar, təlimçi, Azərbaycan Gəncləri Günündə Prezident İlham Əliyev tərəfindən təltif olunan Sara Rəcəbli, Qarabağ qazisi, Xüsusi Təyinatlı Qoşunların ehtiyatda olan giziri Eşqin Hüseynov, Sumqayıt Dövlət Universitetinin tələbəsi, YAP Sumqayıt şəhər təşkilatının GB-nin fəalı Tayfun Hacılı, Sumqayıt şəhər poçtamptının şöbə müdiri Nərmin Mehdiyeva və Sumqayıt Gənclər Klubunun təsisçisi və rəhbəri Teymur Aslanlı çıxış ediblər.
Tədbirdə çıxış edən Milli Məclisin deputatı Tahir Mirkişili ölkə Prezidentinin həyata keçirdiyi gənclər siyasəti, Azərbaycan gəncliyi qarşısında duran vəzifələr və Sumqayıt gənclərinə yaradılmış şərait barədə danışıb.
PƏRVİZ

Paylaş:

Baxılıb: 948 dəfə