Yevlaxlılar aprelin 11-də cənab İlham Əliyevə səs verəcəklər

Bakı:

19 °C

77 %

14 m/s

Əlaqə

AZ RU EN

Ana səhifə / YAP xəbərləri / Yevlaxlılar aprelin 11-də cənab İlham Əliyevə səs verəcəklər

Yevlaxlılar aprelin 11-də cənab İlham Əliyevə səs verəcəklər

03.04.2018 [10:27]

Prezident seçkilərinin təbliğat-təşviqat kampaniyası çərçivəsində Yevlaxda izdihamlı mitinq-görüş keçirilib
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası çərçivəsində Yevlaxda seçicilərlə görüşlər davam edir. Növbəti belə mitinq-görüş isə Yevlax şəhər mərkəzində keçirilib.
Azərbaycan Həmkarlar İttifaqları Konfederasiyasının sədri, millət vəkili Səttar Möhbalıyevin, Milli Məclisin Hüquq siyasəti və dövlət quruculuğu komitəsinin sədri Əli Hüseynlinin, həmçinin YAP Mərkəzi Aparatının məsul işçisi Araz Xudadanovun da iştirak etdiyi izdihamlı mitinq-görüşü giriş sözü ilə açan YAP Yevlax rayon təşkilatının sədri, millət vəkili İlham Məmmədov qarşıdan gələn prezident seçkiləri ilə bağlı məlumat verib.
Milli Məclisin deputatı, Azərbaycan Həmkarlar İttifaqları Konfederasiyasının sədri Səttar Möhbalıyev çıxışında bildirib ki, bu gün hər bir Azərbaycan vətəndaşı məmnunluq hissi ilə dərk edir ki, ölkəmizin hərtərəfli inkişafı birbaşa Prezident, YAP Sədri İlham Əliyevin adı və həyata keçirdiyi siyasətlə bağlıdır. Çünki cənab İlham Əliyevin rəhbərliyi ilə son 15 il ərzində Azərbaycan böyük və şərəfli inkişaf yolu keçib, möhtəşəm tarixi nailiyyətlər qazanıb.
Milli Məclisin Hüquq siyasəti və dövlət quruculuğu komitəsinin sədri Əli Hüseynli isə bildirib ki, regionların sosial-iqtisadi inkişafına dair Dövlət proqramları çərçivəsində görülən işlər nəticəsində Azərbaycanın hər bir rayonu, hətta kəndləri belə inkişaf etdirilib: “Əminəm ki, bu nailiyyətlərin davamlı olması üçün bütün seçicilər, o cümlədən yevlaxlılar aprelin 11-də Azərbaycan xalqının alternativsiz lideri cənab İlham Əliyevə səs verəcəklər”.
Görüşdə çıxış edən YAP Yevlax rayon təşkilatının Qadınlar Şurasının sədri Əminə Əhmədova Prezident İlham Əliyevin rəhbərliyi ilə Azərbaycanın bütün bölgələrinin yüksək səviyyədə inkişaf etdiyini bildirərək, bu inkişafdan Yevlağa da pay düşdüyünü deyib.
Çıxış edən YAP Yevlax rayon təşkilatının sədr müavini, Aparat rəhbəri Əli Quliyev isə “seçicilərlə görüşlərdə aydın olur ki, hər bir seçici partiyamızın Sədri, ölkə Prezidenti İlham Əliyevin fəaliyyəti ilə bağlı kifayət qədər məlumatlıdır və aprelin 11-də Azərbaycan xalqının, o cümlədən yevlaxlıların seçimi yenə də cənab İlham Əliyev olacaq. Vətəndaşlar ölkəmizdəki inkişafın, sabitliyin davam etməsi üçün yenə də cənab İlham Əliyevə səs verəcəklər”, - deyib.
Mitinq-görüş respublikamızın incəsənət xadimlərinin konsert proqramı ilə davam edib.

Paylaş:

Baxılıb: 784 dəfə