YAP Qaradağ rayon təşkilatının Gənclər Birliyi Ümummilli lider Heydər Əliyevin anım günü ilə əlaqədar tədbir keçirib

Bakı:

19 °C

54 %

3 m/s

AZ RU EN

Ana səhifə / YAP xəbərləri / YAP Qaradağ rayon təşkilatının Gənclər Birliyi Ümummilli lider Heydər Əliyevin anım günü ilə əlaqədar tədbir keçirib

YAP Qaradağ rayon təşkilatının Gənclər Birliyi Ümummilli lider Heydər Əliyevin anım günü ilə əlaqədar tədbir keçirib

09.12.2017 [00:47]

Yeni Azərbaycan Partiyası (YAP) Qaradağ rayon təşkilatının Gənclər Birliyi rayon Gənclər və İdman İdarəsi ilə birlikdə Azərbaycan xalqının Ümummilli lideri Heydər Əliyevin anım günü ilə əlaqədar tədbir keçirib. Tədbirdə çıxış edən YAP Qaradağ rayon təşkilatının Gənclər Birliyinin sədri Ramiz Yusubov müasir Azərbaycanın memarı Heydər Əliyevin Azərbaycanın inkişafı üçün gördüyü mühüm işlərdən geniş bəhs edib, dahi şəxsiyyətin dövlətçiliyimizin möhkəmləndirilməsində və iqtisadiyyatımızın inkişafında əvəzsiz xidmətlərindən danışıb. Vurğulanıb ki, Azərbaycanı məhv olmaq təhlükəsindən xilas edən Ulu öndər ölkəni xaos və böhrandan qurtardı, vətəndaş müharibəsinin qarşısını aldı, atəşkəsə nail oldu, ölkədə siyasi sabitlik yaratdı. Heydər Əliyevin müdrikliyi, siyasi iradəsi, uzaqgörənliyi nəticəsində bütün sahələrdə genişmiqyaslı islahatlar həyata keçirilib, mühüm nailiyyətlər əldə olunub.
Qaradağ rayon Gənclər və İdman İdarəsinin rəisi Elçin Abbasov çıxış edərək deyib ki, Ümummilli liderin davamlı və dayanıqlı, sosialyönümlü və innovativ iqtisadiyyatın formalaşması istiqamətində həyata keçirdiyi strategiya, o cümlədən neft, aqrar islahatlar, özəlləşdirmə, regionların tarazlı inkişafı siyasəti, sahibkarlığın inkişafı, infrastrukturun, yeni istehsal sahələrinin yaradılması, nüfuzlu beynəlxalq maliyyə institutları ilə əlaqələrin qurulması kimi kompleks tədbirlər sonrakı illərdə ölkə iqtisadiyyatının dinamik inkişafı üçün möhkəm zəmin yaradıb.
Daha sonra tədbirdə çıxış edən YAP Qaradağ rayon təşkilatının Gənclər Birliyinin fəalı Taleh Məhərrəmov və digər gənclər Ulu öndər Heydər Əliyevin əsasını qoyduğu və bu gün Prezident İlham Əliyev tərəfindən davam etdirilən gənclər siyasətinin uğurlarından, Azərbaycan gənclərinin ölkəmizin inkişafına töhfələrindən, YAP-ın gənclər üçün yaratdığı böyük imkanlardan danışıblar. Həmçinin qeyd olunub ki, Prezident İlham Əliyevin rəhbərliyi ilə ölkəmizdə bütün sahələrdə aparılan uğurlu islahatlar, əldə olunan nəticələr xalqın sabaha olan inamını qat-qat artırıb, Heydər Əliyev yolunun layiqincə davam etdirildiyinə, memarı olduğu müstəqil Azərbaycanın etibarlı əllərdə olduğuna möhkəm əminlik yaradıb.

Paylaş:

Baxılıb: 746 dəfə