YAP-ın 25 illik yubileyi Ağcabədidə böyük təntənə ilə qeyd edilib

Bakı:

12 °C

87 %

3 m/s

Əlaqə

AZ RU EN

Ana səhifə / YAP xəbərləri / YAP-ın 25 illik yubileyi Ağcabədidə böyük təntənə ilə qeyd edilib

YAP-ın 25 illik yubileyi Ağcabədidə böyük təntənə ilə qeyd edilib

15.11.2017 [10:14]

Yeni Azərbaycan Partiyasının (YAP) 25 illik yubileyi Ağcabədi rayonunda böyük təntənə ilə qeyd edilib. Tədbir iştirakçıları öncə Ümummilli lider Heydər Əliyevin abidəsi önünə tər çiçək dəstələri qoyaraq, Onun əziz xatirəsini yad ediblər.
Sonra “Qızıl Saray” şadlıq evində davam edən tədbirdə Azərbaycanın dövlət himni səslənib və YAP-ın 25 illik yubileyi münasibətilə hazırlanmış videofilm nümayiş etdirilib.
Tədbirdə çıxış edən YAP Ağcabədi rayon təşkilatının sədri Rövşən Əhmədov partiyanın 25 illik fəaliyyətinin zəfərlərlə zəngin olduğunu bildirib. Çıxışında ölkəmizdə həyatın bütün sahələrində qazanılmış uğurlarda Yeni Azərbaycan Partiyasının rolunu yüksək qiymətləndirən natiq YAP-ın Sədri, Prezident İlham Əliyevin həyata keçirdiyi düzgün, məqsədyönlü siyasət nəticəsində Azərbaycanın Cənubi Qafqazda lider dövlətə çevrildiyini diqqətə çatdırıb.
O qeyd edib ki, YAP yarandığı vaxtdan siyasi cəhətdən gündən-günə güclənən rayon təşkilatlarından biri də Yeni Azərbaycan Partiyası Ağcabədi rayon təşkilatıdır: “Rayon təşkilatı 1995-ci ilin yanvar ayının 15-də yaradılaraq 267 nəfər YAP üzvü ilə I Konfransını keçirib. Hazırda partiyanın rayon təşkilatı 94 ilk təşkilatda 14006 nəfər partiya üzvünü özündə birləşdirir. Onlardan 5695 (40,6%) nəfəri gənclər, 6527 nəfəri (46,6%) isə qadınlardır”.
Tədbirdə Ağcabədi rayon İcra Hakimiyyətinin başçısı, YAP Siyasi Şurasının üzvü Şahin Məmmədov çıxış edərək bildirib ki, 1993-cü ildə xalqın təkidli tələbi ilə yenidən siyasi hakimiyyətə qayıdan Ulu öndər Heydər Əliyev dərin düşünülmüş siyasəti, qətiyyəti və müdrik qərarları sayəsində Azərbaycanı düşdüyü böhranlı vəziyyətdən çıxara bilib, qısa müddətdə böyük uğurların qazanılmasında müstəsna xidmətlər göstərib, xalqın etimadını layiqincə doğruldub. Məhz bütün bunların nəticəsidir ki, Ulu öndərin yaratdığı və hazırda Prezident İlham Əliyevin Sədri olduğu YAP ümumxalq partiyası kimi Azərbaycan tarixinə düşüb.
Çıxış edən Milli Məclisin deputatı Tahir Rzayev tədbir iştirakçılarını təbrik edib, siyasi fəaliyyətlərində onlara uğurlar arzulayıb.
Sonra Yeni Azərbaycan Partiyasının 25 illik yubileyi münasibətilə keçirilən müsabiqə və yarış qaliblərinə fəxri fərmanlar və hədiyyələr, partiya işində səmərəli fəaliyyətinə görə fərqlənən YAP fəallarına fəxri fərmanlar, YAP sıralarına daxil olan bir qrup gəncə isə üzvlük vəsiqələri təqdim edilib.
Tədbir Ağcabədi Regional Mədəniyyət və Turizm İdarəsi tərəfindən hazırlanmış bədii proqramla davam edib.

Paylaş:

Baxılıb: 703 dəfə