YAP Cəlilabad rayon təşkilatının IX konfransı keçirilib

Bakı:

11 °C

82 %

2 m/s

Əlaqə

AZ RU EN

Ana səhifə / YAP xəbərləri / YAP Cəlilabad rayon təşkilatının IX konfransı keçirilib

YAP Cəlilabad rayon təşkilatının IX konfransı keçirilib

22.07.2017 [09:56]

İyulun 19-da Yeni Azərbaycan Partiyası (YAP) Cəlilabad rayon təşkilatının IX konfransı keçirilib. Konfrans nümayəndələri və qonaqlar əvvəlcə Ulu öndər Heydər Əliyevin abidəsini ziyarət edib, önünə tər gül-çiçək dəstələri qoyublar.
Rayonun Heydər Əliyev Mərkəzində keçirilən konfransda YAP Cəlilabad rayon təşkilatının sədri Mirsüleyman Mirxaslı məruzə ilə çıxış edərək təşkilatın hesabat dövrü ərzindəki fəaliyyəti barədə məlumat verib, partiyanın yaranma tarixinə toxunub. Natiq çıxışında həmçinin Ulu öndər Heydər Əliyevin xalqın tələbi ilə yenidən hakimiyyətə qayıdışı və YAP-ın iqtidar partiyasına çevrilməsinin müstəqilliyimizin qorunması, dövlətçiliyimizin möhkəmlənməsi, ölkənin tərəqqiyə doğru irəliləməsini təmin edən əsas amil olduğunu xüsusi vurğulayıb.
O da bildirilib ki, 96 ərazi ilk təşkilatını özündə birləşdirən YAP Cəlilabad təşkilatının hazırda 6923 nəfər üzvü var. Üzvlərin 30,5 faizini qadınlar, 25,3 faizini isə gənclər təşkil edir. Əvvəlki konfransdan ötən müddət ərzində partiya sıralarına 1576 nəfər qəbul olunub.
YAP Cəlilabad rayon təşkilatı Qadınlar Şurasının sədri Fərqanə Məmmədova, ərazi ilk partiya təşkilatının sədri Elçin Hüseynov, YAP rayon təşkilatı Gənclər Birliyinin sədri Vüsal Kazımov, Gənclər Birliyinin idarə heyətinin üzvü Günel Məmmədova məruzə ətrafında çıxış ediblər.
Rayon təşkilatının IX konfransında həmçinin Milli Məclisin Sosial siyasət komitəsinin sədri, YAP Siyasi Şurasının üzvü Hadı Rəcəbli, YAP Siyasi Şurasının üzvü, Milli Məclisin deputatı Mirkazım Kazımov, Milli Məclisin deputatı Malik Həsənov, rayon İcra Hakimiyyətinin başçısı Əziz Əzizov çıxış edərək Yeni Azərbaycan Partiyasının ümumxalq partiyasına çevrilməsində onun yaradıcısı, Ulu öndər Heydər Əliyevin tarixi xidmətlərini vurğulayıblar.
Çıxışlarda bildirilib ki, Ümummilli liderimizin siyasi xəttinin, ideyalarının bu gün partiyanın Sədri, ölkə Prezidenti cənab İlham Əliyev tərəfindən uğurla davam etdirilməsi xalqımızda sabaha böyük inam yaradır. Natiqlər son dövrlər Cəlilabadın iqtisadi və mədəni həyatında böyük dəyişikliklərin baş verdiyini, geniş tikinti-quruculuq işlərinin aparıldığını da qeyd ediblər.
Sonra təşkilati məsələlərə baxılıb, Mirsüleyman Mirxaslı yenidən YAP Cəlilabad rayon təşkilatının sədri seçilib. Konfransda həmçinin sədrin müavinləri, rayon təşkilatının Şurası, İdarə Heyəti və Nəzarət-Təftiş Qrupu da seçilib.

Paylaş:

Baxılıb: 1033 dəfə