YAP Qaradağ rayon təşkilatının ərazi ilk partiya təşkilatlarında hesabat-seçki yığıncaqları davam edir

Bakı:

18 °C

50 %

1 m/s

AZ RU EN

Ana səhifə / YAP xəbərləri / YAP Qaradağ rayon təşkilatının ərazi ilk partiya təşkilatlarında hesabat-seçki yığıncaqları davam edir

YAP Qaradağ rayon təşkilatının ərazi ilk partiya təşkilatlarında hesabat-seçki yığıncaqları davam edir

22.02.2017 [09:54]

Yeni Azərbaycan Partiyası (YAP) Qaradağ rayon təşkilatının ərazi ilk partiya təşkilatlarında hesabat-seçki yığıncaqları davam edir. Növbəti yığıncaq rayon təşkilatının Bakı Gəmiqayırma zavodu MMC üzrə ərazi ilk partiya təşkilatında keçirilib. Tədbirdə çıxış edən Bakı Gəmiqayırma zavodu MMC ilk partiya təşkilatının sədri Rəşad Qurbanov son illərdə görülmüş işlər, partiya sıralarına qəbul, rayonun ictimai-siyasi həyatında və ötən müddət ərzində keçirilən bütün siyasi kampaniyalarda partiya üzvlərinin fəal iştirakı haqqında ətraflı məlumat verib. O qeyd edib ki, illik tədbirlər planında nəzərdə tutulan bütün məsələlər uğurla həyata keçirilib.
Tədbirdə çıxış edən rayon təşkilatının sədri, Milli Məclisin deputatı Aydın Hüseynov deyib ki, YAP-ın proqram və Nizamnaməsini əldə rəhbər tutan rayon təşkilatı öz üzərinə düşən vəzifələrin layiqincə yerinə yetirilməsi istiqamətində əzmlə çalışır. Onun sözlərinə görə, ərazi ilk partiya təşkilatında qeydiyyatda olan YAP-ın üzvləri həyata keçirilən tədbirlərdə fəallıq göstərir, partiya sıralarının genişləndirilməsi daim diqqət mərkəzində saxlanılır. Millət vəkili A.Hüseynov daha sonra YAP-ın ölkəmizin və regionun ictimai-siyasi həyatında artan nüfuzu, 2003-cü ildən etibarən yeni bir inkişaf dövrünə qədəm qoyan Azərbaycanın sistemli və kompleks inkişafı, ölkəmizdə əhalinin rifahının yüksəldilməsi məqsədilə həyata keçirilən sosial-iqtisadi proqramlar haqqında danışaraq qeyd edib ki, Prezident İlham Əliyevin rəhbərliyi ilə uğurla reallaşdırılan Dövlət proqramları bu gün bütün sahələrdə əsaslı nailiyyətlərin əldə olunmasını şərtləndirib. Azərbaycanın dünyanın sürətli inkişaf tempinə malik ölkələrindən biri olduğunu diqqətə çatdıran millət vəkili həmçinin əlavə edib ki, YAP Qaradağ rayon təşkilatı rayonda partiyanın nüfuzunu və aparıcı rolunu daha da yüksəltmək üçün bundan sonra da əzmlə çalışacaq.
Daha sonra çıxış edən Gəmiqayırma zavodu MMC-nin direktoru İmamverdi Həsənov, ərazi ilk partiya təşkilatı Gənclər Birliyinin sədri Namiq Vəliyev hesabat haqqında müsbət fikirlərini bildiriblər. Hesabat məruzəsi yığıncaq iştirakçıları tərəfindən qənaətbəxş hesab edilərək qəbul olunub.
Sonda ərazi ilk partiya təşkilatının sədri, sədr müavinləri, YAP Qaradağ rayon təşkilatının XI konfransına nümayəndələr seçiliblər.

Paylaş:

Baxılıb: 812 dəfə