YAP Şəmkir rayon təşkilatının IX Konfransına hazırlıqla əlaqədar ilk partiya təşkilatlarında hesabat-seçki yığıncaqlarının keçirilməsinə başlanılıb

Bakı:

11 °C

82 %

8 m/s

AZ RU EN

Ana səhifə / YAP xəbərləri / YAP Şəmkir rayon təşkilatının IX Konfransına hazırlıqla əlaqədar ilk partiya təşkilatlarında hesabat-seçki yığıncaqlarının keçirilməsinə başlanılıb

YAP Şəmkir rayon təşkilatının IX Konfransına hazırlıqla əlaqədar ilk partiya təşkilatlarında hesabat-seçki yığıncaqlarının keçirilməsinə başlanılıb

12.01.2017 [09:27]

Yeni Azərbaycan Partiyası (YAP) Şəmkir rayon təşkilatının IX Konfransına hazırlıqla əlaqədar ilk partiya təşkilatlarında hesabat-seçki yığıncaqlarının keçirilməsinə başlanılıb. Bu məqsədlə YAP Şəmkir rayon təşkilatı Mədəniyyət və Turizm şöbəsi ilk partiya təşkilatının hesabat-seçki yığıncağı keçirilib. Tədbiri giriş sözü ilə YAP Şəmkir rayon təşkilatı Mədəniyyət və Turizm şöbəsi ilk partiya təşkilatının sədri Cavanşir Pirverdiyev açaraq hesabat məruzəsi ilə çıxış edib, ilk partiya təşkilatının fəaliyyəti barəsində məlumat verib. Onun sözlərinə görə, sədrlik etdiyi ilk partiya təşkilatı özündə 245 nəfər partiya üzvünü birləşdirir. Hesabat dövrü ərzində təşkilatda 70-dən artıq gənc partiya sıralarına üzv qəbul edilib.
Çıxış edən YAP Şəmkir rayon təşkilatının sədri Fəxrəddin Vəliyev Yeni Azərbaycan Partiyasının Azərbaycanda aparıcı siyasi qüvvə olduğunu bildirib. Qeyd olunub ki, bu gün Yeni Azərbaycan Partiyasına müraciət edənlər arasında gənclər üstünlük təşkil edirlər. Gənclər Yeni Azərbaycan Partiyasının Sədri, Prezident İlham Əliyevin ətrafında sıx birləşərək ölkənin ictimai-siyasi, sosial-iqtisadi və digər sahələrində aktiv fəaliyyət göstərir, onlar intellektual imkanları və yaradıcılığı ilə dövlətçiliyimizin möhkəmləndirilməsinə öz töhfələrini verirlər.
Yığıncaqda Şəmkir rayon Mədəniyyət və Turizm şöbəsinin direktoru Əsgər Ələsgərov, YAP Şəmkir rayon təşkilatının fəal üzvlərindən Tural Əliyev, Fəxri Yusibov, YAP Şəmkir rayon təşkilatı Qadınlar Şurasının üzvlərindən Rəfiqə Mürsəlova, Sahibə Əmiraslanova və başqaları çıxış edərək partiyanın yaranması tarixindən, fəaliyyətindən, ölkənin və rayonun ictimai-siyasi həyatındakı rolundan danışıblar. Ərazi ilk partiya təşkilatının ötən müddət ərzində görülmüş işlərə dair hesabatı qənaətbəxş hesab edilib, xüsusilə gənclərin fəaliyyəti yüksək qiymətləndirilib.
Yığıncaqda təşkilat sədrlərinin hesabat məruzəsi dinləndikdən sonra təşkilatın İdarə Heyətinin üzvləri, ilk partiya təşkilat sədri və müavinləri, Yeni Azərbaycan Partiyası rayon təşkilatının konfransına nümayəndələr seçilib.

Paylaş:

Baxılıb: 972 dəfə