YAP Lerik rayon təşkilatında Milli Qurtuluş Gününə həsr olunan tədbir keçirilib

Bakı:

17 °C

53 %

3 m/s

Əlaqə

AZ RU EN

Ana səhifə / YAP xəbərləri / YAP Lerik rayon təşkilatında Milli Qurtuluş Gününə həsr olunan tədbir keçirilib

YAP Lerik rayon təşkilatında Milli Qurtuluş Gününə həsr olunan tədbir keçirilib

11.06.2016 [09:37]

Dünən Yeni Azərbaycan Partiyası (YAP) Lerik rayon təşkilatında 15 İyun - Milli Qurtuluş Gününə həsr olunmuş tədbir keçirilib. Tədbiri giriş sözü ilə açan YAP Lerik rayon təşkilatının sədri Elxan Qəmbərov qeyd edib ki, Ulu öndər Heydər Əliyevin 1993-cü ilin iyununda xilaskar missiyası ilə yenidən Azərbaycana ikinci dəfə ali hakimiyyətə tarixi qayıdışı ilə Azərbaycanın xilasının və əsl müstəqilliyinin təməli qoyuldu: “1993-cü ilin 15 iyun tarixi Azərbaycan siyasi tarixində dövlətçiliyimizin, milli-mənəvi dəyərlərimizin, soy-kökümüzün, dövlətçilik ənənələrimizin qayıdışı günüdür. Bu tarix həm də qanı bahasına Vətən torpaqlarını qoruyan, dünyanın ən böyük siyasi arenalarından səsi gələn Azərbaycan gəncliyinin özünə qayıdış tarixidir”.
Natiq daha sonra qeyd edib ki, qurtuluş missiyalı bu qayıdış Azərbaycan xalqının itirilmiş inamını özünə qaytardı, sabaha, gələcəyə olan ümidini artırdı. Məhz Ümummilli liderimiz Heydər Əliyevin ikinci dəfə siyasi hakimiyyətə qayıdışından sonra ölkədə ilk demokratik prezident seçkiləri keçirildi. İctimai-siyasi sabitliyi pozan qanunsuz silahlı dəstələr ləğv edildi. Nizami ordu quruculuğuna başlanıldı. Müstəqil Azərbaycanın ilk Konstitusiyasının yaradıcısı olan Ulu öndər Heydər Əliyev demokratik, hüquqi dövlət quruculuğu istiqamətində ardıcıl siyasət yeridərək, ölkədə insan hüquq və azadlıqlarının bərqərar olması üçün əsaslı zəmin yaratdı.
Ulu öndər Heydər Əliyev siyasətinin bu gün Prezident İlham Əliyev tərəfindən uğurla davam etdirildiyini vurğulayan E.Qəmbərov bu siyasi kursun daha da zənginləşdirilməsi nəticəsində Azərbaycanın bütün sahələrdə yüksək sürətlə inkişaf etdiyini, dünya dövlətləri arasında öz yerini daha da möhkəmləndirdiyini qeyd edib. “Prezident İlham Əliyevin rəhbərliyi ilə ölkəmizin dinamik inkişafı, sürətli tərəqqisi, həyata keçirilən əzəmətli layihələr, Azərbaycanın hərtərəfli yeniləşməsi, modernləşməsi, doğma Vətənimizi dünyaya yeni formada təqdim etməyə imkan yaradan müsbət dəyişikliklər Ulu öndərin qoyduğu yolun davamından başqa cür qiymətləndirilə bilməz. Bu yüksəliş Ümummilli liderimiz Heydər Əliyevin müəyyən etdiyi inkişaf konsepsiyasının alternativsizliyini tam dolğunluğu ilə təsdiq edir”, - deyə təşkilat sədri vurğulayıb.
Tədbirdə çıxış edən digər natiqlər Ümummilli lider Heydər Əliyevin ideyalarının daim xalqımızla birgə yaşayacağını, xalqımızın isə Ulu öndərin xatirəsini həmişə uca tutacağını vurğulayıblar.
Səlim LOĞMANOĞLU

Paylaş:

Baxılıb: 1083 dəfə