Xalqın qurtuluş və özünü təsdiq tarixi

Bakı:

17 °C

53 %

3 m/s

Əlaqə

AZ RU EN

Ana səhifə / YAP xəbərləri / Xalqın qurtuluş və özünü təsdiq tarixi

Xalqın qurtuluş və özünü təsdiq tarixi

11.06.2016 [09:35]

Yeni Azərbaycan Partiyası (YAP) Sədərək rayon təşkilatında 15 İyun - Milli Qurtuluş Günü münasibətilə “Qurtuluşdan başlayan yol mövzusunda” tədbir keçirilib. Tədbiri giriş sözü ilə açan YAP Sədərək rayon təşkilatının sədri, Naxçıvan Muxtar Respublikası Ali Məclisinin deputatı Arif Qasımov deyib ki, Ulu öndər Heydər Əliyev hələ Naxçıvan Ali Məclisinə rəhbərlik etdiyi vaxtlarda əsl vətənpərvərliklə, lider təəssübkeşliyi ilə dövlət müstəqilliyinin qazanılması və milli özünüdərkin təmin olunması prosesində yaxından iştirak edib.
Təşkilat sədrinin sözlərinə görə, respublikamızda geniş vüsət almış milli azadlıq hərəkatı ilə eyni dövrdə xalqda milli özünüdərki daha da gücləndirən, milli dövlət rəmzlərinə hörmət təlqin edən genişmiqyaslı addımlar da məhz Ulu öndər Heydər Əliyevin Naxçıvan Muxtar Respublikasına rəhbərlik etdiyi dövrdə atılıb: “1993-cü ilin iyununda son dərəcə mürəkkəb bir dövrdə xalqın təkidli tələbi ilə respublika rəhbərliyinə qayıdan Ümummilli lider Heydər Əliyev ictimai-siyasi sabitliyi təmin etməklə, vətəndaş qarşıdurmasını aradan qaldırmaqla, respublikanı parçalanmaq təhlükəsindən xilas etməklə, sözün əsl mənasında, milli qurtuluşu təmin edib. Ulu öndərin Azərbaycan Respublikası Ali Sovetinin Sədri seçildiyi 15 iyun tarixinin sonradan Milli Qurtuluş Günü elan edilməsi və hər il əlamətdar gün kimi qeyd olunması da məhz bu reallığa əsaslanır”.
Natiq qeyd edib ki, böyük şəxsiyyət olan Ümummilli liderimiz Heydər Əliyevin 1993-cü ilin iyununda xalqın təkidli tələbi ilə ikinci dəfə hakimiyyətə qayıdışı ölkəmizin çoxəsrlik tarixinə möhtəşəm siyasi hadisə kimi daxil oldu: “Məhz bu qayıdış sayəsində Azərbaycan üçün çoxdan bəri hazırlanan məkrli planların qarşısına möhkəm sipər çəkildi, dövlətimizin müstəqilliyi Ulu öndərin bəyan etdiyi kimi əbədi, dönməz, sarsılmaz oldu. Ulu öndərin uzaqgörən siyasəti nəticəsində bütün problemlər aradan qaldırıldı, müstəqil Azərbaycan inkişaf etdi, möhkəmləndi və demokratik, dünyəvi bir dövlətə çevrildi”.
Təşkilatın sədri Ümummilli liderin siyasi kursunun bu gün də dövlətimizin başçısı cənab İlham Əliyev tərəfindən böyük əzm və uğurla davam etdirildiyini və xalqımızı daha parlaq, firavan gələcək gözlədiyini vurğulayıb.
Tədbirdə çıxış edən YAP fəalları Ümummilli lider Heydər Əliyevin Azərbaycan xalqı qarşısında əvəzsiz xidmətlərindən danışıblar. Çıxış edənlərdən Pərvanə Rəhimova, Əjdər Məmmədhəsənov, Asya İmamverdiyeva, Ceyhun Qurbanov və başqaları qeyd ediblər ki, Ulu öndərin böyük siyasi iradəsi, qətiyyəti, müdrikliyi, Azərbaycana bəslədiyi hədsiz sevgisi sayəsində ölkəmizin gələcək tərəqqisi üçün yaradılmış etibarlı bünövrə hazırda respublikamızın sağlam təməl üzərində sürətlə inkişafına şərait yaradıb.
Sonda YAP sıralarına yeni qoşulmuş bir qrup gəncə partiyanın üzvlük vəsiqələri təqdim olunub.
Arif ƏSƏDOV

Paylaş:

Baxılıb: 1053 dəfə