YAP Yasamal rayon təşkilatının yaranmasının 23-cü ildönümü münasibətilə tədbir keçirilib

Bakı:

27 °C

54 %

7 m/s

Əlaqə

AZ RU EN

Ana səhifə / YAP xəbərləri / YAP Yasamal rayon təşkilatının yaranmasının 23-cü ildönümü münasibətilə tədbir keçirilib

YAP Yasamal rayon təşkilatının yaranmasının 23-cü ildönümü münasibətilə tədbir keçirilib

20.02.2016 [09:50]

Dünən Yeni Azərbaycan Partiyası (YAP) Yasamal rayon təşkilatının yaranmasının 23-cü ildönümü münasibətilə tədbir keçirilib. Tədbirdə YAP Yasamal rayon təşkilatının sədri Tağı Əhmədov, Yasamal rayon İcra Hakimiyyətinin başçısı İbrahim Mehdiyev, YAP İdarə Heyətinin üzvü, BDU-nun rektoru, akademik Abel Məhərrəmov, YAP Qadınlar Şurasının sədri Nurlana Əliyeva və partiya fəalları iştirak ediblər.
Tədbir iştirakçıları öncə Ümummilli lider Heydər Əliyevin rayon təşkilatının inzibati binasındakı büstü önünə gül dəstələri düzüblər.
Sonra akt zalında işini davam etdirən tədbirdə çıxışına əlamətdar gün münasibətilə toplantı iştirakçılarını təbriklə başlayan YAP Yasamal rayon təşkilatının sədri Tağı Əhmədov partiyanın keçdiyi şərəfli yol haqqında ətraflı məlumat verib. Onun sözlərinə görə, Azərbaycanın son illərdə əldə etdiyi uğurlar, qazandığı böyük nailiyyətlər Ulu öndər Heydər Əliyevin yaratdığı və bu gün Prezident İlham Əliyevin Sədri olduğu YAP-ın fəaliyyəti ilə bilavasitə bağlıdır: “Tarixi zərurətdən yaranan YAP müstəqilliyimizin qorunması, dövlətçiliyimizin möhkəmləndirilməsində mühüm rol oynayıb. 1992-ci ilin noyabrında ölkəmizin bütün bölgələrini əhatə edən 550 nəfər Naxçıvan şəhərində Ulu öndər Heydər Əliyevin ətrafında sıx birləşdi. Beləliklə 550 nəfərin iştirakı ilə Yeni Azərbaycan Partiyası yaradıldı və Heydər Əliyev yekdilliklə bu partiyanın Sədri seçildi”.
Hazırda YAP-ın üzvlərinin sayının 700 minə çatdığını bildirən T.Əhmədov deyib ki, partiyaya olan bu maraq Ulu öndərə sədaqətdən, Prezident İlham Əliyevə inam və etimaddan irəli gəlir: “Bu gün tam əminliklə söyləyə bilərik ki, YAP ölkəmizin ictimai-siyasi həyatında fəal iştirak edərək, yeni, müstəqil Azərbaycan dövlətinin möhkəmləndirilməsində və inkişafında tarixi rol oynaya bilib”.
Daha sonra YAP Yasamal təşkilatının yaranma tarixi barədə danışan natiq əlavə edib ki, 1993-cü il fevral ayının 20-də 560 nəfərin iştirakı ilə yaranan YAP Yasamal rayon təşkilatının hazırda 27 mindən artıq üzvü ətrafında birləşdirən 141-ə yaxın ilk ərazi təşkilatı fəaliyyət göstərir.
Çıxış edən Yasamal rayon İcra Hakimiyyətinin başçısı İbrahim Mehdiyev bildirib ki, Ulu öndər Heydər Əliyevin “Dünənin, bu günün və gələcəyin partiyası” deyə həm keçmişini, həm bu gününü, həm də gələcəyini müəyyən etdiyi YAP-ın yarandığı gündən öz siyasi xəttinə sadiqliyi, xalq, dövlət qarşısında xidmətləri, ölkəmizin bir-birini əvəzləyən uğurlarına atdığı imzası onun cəmiyyətdəki mövqeyini daha da möhkəmləndirib, ümumxalq partiyası olduğunu təsdiqləyib.
Çıxış edən YAP İdarə Heyətinin üzvü, BDU-nun rektoru, akademik Abel Məhərrəmov deyib ki, xalqa, vətənə, dövlətçiliyə xidmət edən YAP Ümummilli lider Heydər Əliyev ideyalarına əsaslanaraq ölkəmizin ictimai-siyasi həyatında fəal iştirak edir, dövlətçiliyimizin möhkəmlənməsinə və dinamik inkişafa töhfələr verir. Natiq YAP-ın siyasi kampaniyalarda qazandığı qələbəni xalqımızın Heydər Əliyev ideyalarına sadiqliyinin, həmçinin Azərbaycan Prezidenti, partiyanın Sədri İlham Əliyevə etimadının nümunəsi adlandıraraq, ölkəmizin qazandığı uğurlarda, rayon ərazisində aparılan quruculuq işlərində partiya fəallarının rolunu və xidmətlərini yüksək dəyərləndirib.
Tədbirin sonunda YAP Yasamal rayon təşkilatının fəaliyyətində fərqlənənlərə fəxri fərmanlar, partiyaya yeni qəbul olunanlara isə üzvlük vəsiqələri təqdim edilib.

Paylaş:

Baxılıb: 1211 dəfə