YAP ümumxalq partiyası olduğu üçün hər zaman xalqdan dəstək alıb

Bakı:

25 °C

50 %

4 m/s

Əlaqə

AZ RU EN

Ana səhifə / YAP xəbərləri / YAP ümumxalq partiyası olduğu üçün hər zaman xalqdan dəstək alıb

YAP ümumxalq partiyası olduğu üçün hər zaman xalqdan dəstək alıb

21.11.2015 [10:08]

Yeni Azərbaycan Partiyası Yasamal rayon təşkilatı tərəfindən partiyanın yaranmasının 23-cü ildönümü münasibətilə tədbir keçirilib
Dünən Yeni Azərbaycan Partiyası (YAP) Yasamal rayon təşkilatı tərəfindən partiyanın yaranmasının 23-cü ildönümü münasibətilə tədbir keçirilib. Tədbir iştirakçıları öncə Fəxri xiyabana gələrək müasir, müstəqil Azərbaycan dövlətinin memarı və qurucusu, xalqımızın Ümummilli lideri Heydər Əliyevin xatirəsini dərin ehtiramla yad edib, abidəsi önünə əklil qoyublar. Görkəmli oftalmoloq alim, akademik Zərifə xanım Əliyevanın da xatirəsi ehtiramla anılıb, məzarı üzərinə tər çiçəklər düzülüb.
Sonra Bakı Biznes Universitetində dövlət himninin oxunmasından sonra çıxış edən YAP Yasamal rayon təşkilatının sədri Tağı Əhmədov Yeni Azərbaycan Partiyasının yaranmasının tarixi zərurət olduğunu bildirib. Qeyd edib ki, YAP zamanın tələbi və xalqın istəyi ilə yaranan ümumxalq partiyasıdır: “Yeni Azərbaycan Partiyası 23 illik fəaliyyəti dövründə zəngin və şərəfli inkişaf yolu keçib. Ümummilli liderimiz Heydər Əliyevin rəhbərliyi ilə yaradılan Yeni Azərbaycan Partiyası hakimiyyətə gəldikdən sonra Azərbaycan xaos və hərc-mərclikdən xilas oldu, ölkəmizdə ictimai-siyasi sabitlik təmin olundu. Bu mənada Ulu öndər Heydər Əliyev Azərbaycan xalqı və dövlətinin xilaskarıdır”.
T.Əhmədov bildirib ki, Yeni Azərbaycan Partiyasının yarandığı gündən öz siyasi xəttinə və Ümummilli lider Heydər Əliyevin ideyalarına sadiqliyi, xalq və dövlət qarşısında xidmətləri onun cəmiyyətdəki mövqeyini daha da möhkəmləndirib, ümumxalq partiyası olduğunu təsdiqləyib: “YAP ümumxalq partiyası olduğu üçün hər zaman xalqdan dəstək alıb. Məhz bunun nəticəsidir ki, noyabrın 1-də keçirilən növbəti parlament seçkilərində partiyamız möhtəşəm qələbə qazandı”.
Tədbirdə çıxış edən AMEA-nın vitse-prezidenti, YAP Siyasi Şurasının üzvü İsa Həbibbəyli diqqətə çatdırıb ki, Yeni Azərbaycan Partiyası Azərbaycan xalqı və dövlətinin olduqca mürəkkəb vəziyyətlə qarşı-qarşıya olduğu bir şəraitdə xalqın istəyi və çağırışı ilə yaranıb: “Ümummilli lider Heydər Əliyevin qurucusu olduğu Yeni Azərbaycan Partiyasının milli maraqlara əsaslanan fəaliyyəti sayəsində Azərbaycan əsl müstəqilliyə qovuşdu, ölkədə ictimai-siyasi sabitlik bərqərar olundu, milli inkişafın əsası qoyuldu”.
İsa Həbibbəyli əlavə edib ki, Ümummilli lider Heydər Əliyevin ideyaları əsasında fəaliyyətini davam etdirən Yeni Azərbaycan Partiyası bu gün Azərbaycan Prezidenti İlham Əliyevin Sədrliyi ilə yeni inkişaf mərhələsinə qədəm qoyub.
Çıxışında partiyamızın yaranma tarixinə qısa ekskurs edən YAP Siyasi Şurasının üzvü, professor İradə Hüseynova isə vurğulayıb ki, mürəkkəb tarixi şəraitdə yaranaraq Azərbaycan dövlətini xaosdan xilas edən Yeni Azərbaycan Partiyası Ümummilli lider Heydər Əliyevin siyasi nüfuzunun, zəngin dövlətçilik təcrübəsinin, siyasi səriştəsinin məhsuludur: “YAP-ın yaranması tarixi hadisədir. YAP Azərbaycanın gələcəyinə xidmət edən ümumxalq partiyasıdır”.
Tədbirdə çıxış edən Yasamal rayon İcra Hakimiyyətinin başçısı İbrahim Mehdiyev bildirib ki, Azərbaycanın ağır günlərində yaranmış YAP üzərinə götürdüyü missiyanı şərəflə yerinə yetirdi. Onun sözlərinə görə, Ulu öndər Heydər Əliyevin banisi olduğu partiya hüquqi, demokratik dövlət quruculuğuna öz töhfələrini verib. İ.Mehdiyev onu da bildirib ki, partiya üzvləri rayonda aparılan quruculuq işlərində, həmçinin rayonun ictimai-siyasi və mədəni həyatında fəal iştirak edirlər.
Tədbirdə gənclər adından çıxış edən Sərxan Məmmədov YAP-ın sıralarında təmsil olunan gənclərin dövlətçiliyimizə, Ulu öndər Heydər Əliyev siyasətinə və bu siyasəti həyata keçirən Prezident İlham Əliyevə hər zaman sədaqətli olduqlarını bildirib.
Sonda isə partiya sıralarına qoşulan bir qrup gəncə YAP-ın üzvlük vəsiqələri təqdim olunub, həmçinin partiyanın fəaliyyətində aktivlik nümayiş etdirən bir neçə şəxsə fəxri fərman verilib.
Nadir AZƏRİ

Paylaş:

Baxılıb: 1229 dəfə