YAP Nərimanov rayon təşkilatında fəal gənclərlə görüş keçirilib

Bakı:

15 °C

82 %

3 m/s

Əlaqə

AZ RU EN

Ana səhifə / YAP xəbərləri / YAP Nərimanov rayon təşkilatında fəal gənclərlə görüş keçirilib

YAP Nərimanov rayon təşkilatında fəal gənclərlə görüş keçirilib

29.08.2015 [11:05]

Yeni Azərbaycan Partiyası (YAP) Nərimanov rayon təşkilatında cari ilin noyabr ayında Milli Məclisə keçiriləcək seçkilərlə əlaqədar bir qrup fəal gənclə görüş keçirilib. Tədbirdə YAP Nərimanov rayon təşkilatının sədri Təmraz Tağıyev, YAP Nərimanov rayon təşkilatı Gənclər Birliyinin sədri Yusif Babanlı, Nərimanov rayon Gənclər və İdman İdarəsinin rəisi Nəcəf Novruzov və fəal gənclər iştirak ediblər.
Tədbiri giriş sözü ilə YAP Nərimanov rayon təşkilatının sədri Təmraz Tağıyev açaraq, qarşıdan gələn parlament seçkiləri haqqında danışıb, seçkilərin ölkəmizin ictimai-siyasi həyatında mühüm bir hadisə olduğunu qeyd edib. O, eyni zamanda, qarşıdan gələn parlament seçkilərində YAP tərəfindən namizədliyi irəli sürüləcək şəxslərin təbliğat-təşviqat kampaniyasının uğurla həyata keçirilməsində gənclərin yaxından iştirak edəcəklərinə, həmçinin, gənclərin məhz YAP tərəfindən irəli sürülmüş namizədləri dəstəkləyəcəklərinə əminliyini vurğulayıb. T.Tağıyev, bununla yanaşı, gənclərin, xüsusilə 18 yaşına çatmış ilk dəfə səs verəcək gəncləri seçkidə iştiraka səsləyəcək sosial layihələrin həyata keçirilməsində də təşkilatın fəal gənclərini aktiv iştirak etməyə səsləyib.
YAP Nərimanov rayon təşkilatı Gənclər Birliyinin sədri Yusif Babanlı çıxış edərək, bütün seçkilərdə namizədlər sırasında ölkənin və partiyanın ictimai-siyasi həyatında fəallıq göstərən gənclərin yer almalarının Prezident İlham Əliyev tərəfindən gənclərə göstərilən diqqət və qayğının nəticəsi olduğunu qeyd edib. O, həmçinin, Yeni Azərbaycan Partiyasının sıralarında birləşən gənclər ordusunun bu seçkilərdə də yüksək fəallıq göstərərək etimadı doğruldacaqlarını, YAP-ın namizədlərinin qələbə qazanacaqlarından əmin olduğunu deyib.
Daha sonra rayon Gənclər və İdman İdarəsinin rəisi Nəcəf Novruzov çıxış edərək Yeni Azərbaycan Partiyasının Sədri, Prezident İlham Əliyev tərəfindən gənclərə göstərilən diqqət və qayğının nəticələrindən, dövlət gənclər siyasətindən geniş bəhs edib. Həmçinin, N.Novruzov, ölkədə keçirilən hər bir seçkidə olduğu kimi, parlament seçkilərində də YAP namizədlərinin qələbə qazanacaqlarına və bu prosesdə hər bir gəncin aktiv iştirak edəcəyinə əminliyini qeyd edib.
YAP Nərimanov rayon təşkilatının fəal gənclərindən olan İlahə Sadıqova, Aytən Məmmədova və Mehti Namazov da çıxış edərək bildiriblər ki, Azərbaycanın və regionun ən güclü siyasi partiyası olan YAP yarandığı gündən iştirak etdiyi bütün seçkilərdə qələbə qazanıb. “YAP Prezident İlham Əliyevin rəhbərliyi ilə dövlətimizin inkişafı və xalqımızın əmin-amanlıq içində yaşaması üçün mühüm töhfələr verməkdədir. Bütün bunlar da xalqımızın və gənclərin partiyamızı bu seçkilərdə də dəstəkləyəcəyinə təminat verir. Biz gənclər də hər zaman olduğu kimi, təbliğat-təşviqat kampaniyası çərçivəsində əlimizdən gələni əsirgəməyəcəyik. Bu eyni zamanda, biz gənclər üçün böyük təcrübə rolunu da oynayacaq”, - deyə gənclər vurğulayıblar.
Sonda rayon təşkilatının sədri T.Tağıyev Milli Məclisə keçiriləcək seçkilərdə Nərimanov rayon sakinləri ilə yanaşı, gənclərin də YAP-ın irəli sürəcəyi namizədlərə səs verəcəyinə, eyni zamanda, partiyamızın namizədlərinin dövlətimizin tərəqqisi, xalqımızın rifahı naminə öz üzərlərinə düşən vəzifələrin öhdəsindən gələcəklərinə şübhə etmədiyini bildirib.
Nardar BAYRAMLI

Paylaş:

Baxılıb: 893 dəfə