YAP Siyəzən rayon təşkilatı üzərinə düşən vəzifələrin öhdəsindən layiqincə gəlmək əzmindədir

Bakı:

17 °C

72 %

2 m/s

AZ RU EN

Ana səhifə / YAP xəbərləri / YAP Siyəzən rayon təşkilatı üzərinə düşən vəzifələrin öhdəsindən layiqincə gəlmək əzmindədir

YAP Siyəzən rayon təşkilatı üzərinə düşən vəzifələrin öhdəsindən layiqincə gəlmək əzmindədir

22.08.2015 [11:00]

Rayon təşkilatının Seçki Qərargahının üzvləri arasında iş bölgüsü aparılıb
“Məlum olduğu kimi, noyabr ayında ölkəmizdə növbəti parlament seçkiləri keçiriləcək. Yeni Azərbaycan Partiyası (YAP) bütün seçkilərdə olduğu kimi, bu seçkilərə də yüksək səviyyədə hazırlaşır. Öz növbəsində YAP Siyəzən rayon təşkilatı da bu istiqamətdə üzərinə düşən vəzifələrin öhdəsindən layiqincə gəlmək əzmindədir”. Bunu qəzetimizə YAP Siyəzən rayon təşkilatının sədri və bu təşkilatın Seçki Qərargahının rəhbəri Etibar Heydərov deyib. Onun sözlərinə görə, YAP Siyəzən rayon təşkilatının Seçki Qərargahı 13 nəfər üzvdən ibarətdir. “Artıq qərargah üzvləri arasında iş bölgüsü aparılıb. Qərargahın işi YAP Mərkəzi Seçki Qərargahı tərəfindən təsdiq olunmuş Fəaliyyət Proqramına əsasən qurulub. Onu da deyim ki, Siyəzən rayonu 54 saylı Şabran-Siyəzən seçki dairəsində yerləşir. Rayonda 24 seçki məntəqəsi fəaliyyət göstərir ki, bunlardan da 10-u şəhərdə, 14-ü isə qəsəbə və kəndlərdədir. Siyəzən rayonu üzrə seçicilərin ümumi sayı 20745 nəfərdir”.
Seçki kampaniyasına hazırlıq məqsədilə rayon təşkilatı Seçki Qərargahının nəzdində 5 nəfərdən ibarət təbliğat qrupu və məntəqələr üzrə seçicilərlə işin təşkili üçün 40 nəfər fəalın seçildiyini də deyən Etibar Heydərov artıq fəallarla ilkin görüşün keçirildiyini və onlara bir sıra tövsiyələrin verildiyini bildirib: “YAP Siyəzən rayon təşkilatı tərəfindən hər seçki məntəqəsi üçün müəyyən edilən 10 nəfər müşahidəçi və 1 nəfər məşvərətçi səs hüquqlu üzvlərin siyahıları hazırdır. Artıq Qərargahda seçki məntəqələrinin ərazisində yaşayan seçicilərin siyahısının dəqiqləşdirilməsi, onların ünvanı və telefon nömrələrinin müəyyənləşdirilməsi və s. istiqamətdə işlər yekunlaşmaq üzrədir”.
Öz növbəsində, Seçki Qərargahının gənc üzvü Ehtiram Heydərli ölkəmiz üçün mühüm əhəmiyyət kəsb edən belə bir prosesdə iştirak etdikləri üçün qürur hissi keçirdiyini söyləyib. O, noyabr ayında baş tutacaq parlament seckilərində də gənclərin fəal iştirak edəcəyini bildirib: “Qərargah üzvləri olaraq seçki prosesinə fəal şəkildə hazırlaşırıq. Sevindirici və qürur verici haldır ki, bütün secgilərdə olduğu kimi bu seckilərdə də biz gənclər yaxından iştirak etmək, həmçinin, bu prosesə öz töhfəmizi vermək imkanı əldə etmişik. Bu, bir daha dövlətimizin biz gənclərə göstərdiyi etimadın nəticəsidir”.
Secki Qərargahının daha bir gənc üzvü Qərənfil Nəsibova isə deyib ki, gənclər bu seçkilərdə də xüsusi fəallıq nümayiş etdirəcəklər: “Hazırda rayonumuzda qarşıdan gələn parlament seskiləri ilə bağlı hazırlıq işlərinə start verilib. Biz gənclər də bu işlərdə yaxından iştirak edirik. Təbii ki, bu da bizi qürurlandırır”.
Vüsalə CAVANŞİR

Paylaş:

Baxılıb: 944 dəfə