YAP-ın Nərimanov rayon təşkilatının Seçki Qərargahı çevik fəaliyyət göstərir

Bakı:

21 °C

52 %

7 m/s

Əlaqə

AZ RU EN

Ana səhifə / YAP xəbərləri / YAP-ın Nərimanov rayon təşkilatının Seçki Qərargahı çevik fəaliyyət göstərir

YAP-ın Nərimanov rayon təşkilatının Seçki Qərargahı çevik fəaliyyət göstərir

18.08.2015 [10:10]

Seçki Qərargahının üzvləri gündəlik olaraq seçki prosesinə hazırlıq işlərini həyata keçirirlər
Məlum olduğu kimi, noyabrın 1-də ölkəmizdə növbəti parlament seçkiləri keçiriləcək. Artıq cəmiyyətimizdə seçki ab-havası hökm sürür.
İndiyə kimi ölkəmizdə keçirilən bütün seçkilərdə inamlı qələbə qazanan Yeni Azərbaycan Partiyası (YAP) parlament seçkilərinə də yüksək səviyyədə hazırlaşır. Artıq partiyanın yerli strukturlarında seçki qərargahları yaradılıb və bu qərargahlar aktiv fəaliyyət göstərirlər. YAP-ın Nərimanov rayon təşkilatının Seçki Qərargahı da parlament seçkilərinə fəal şəkildə hazırlaşır. Qərargahın rəhbəri, YAP Nərimanov rayon təşkilatının sədri Təmraz Tağıyev bildirib ki, partiyamızın böyük seçki təcrübəsi var. Hazırda YAP Nərimanov rayon təşkilatının 136 ilk ərazi partiya təşkilatından ibarət olduğunu deyən T.Tağıyevin sözlərinə görə, burada 20 min 635 nəfər birləşib. Onların da 8 min 993 nəfəri qadın, 7 min 500-ü isə gənclərdir. Seçki Qərargahının 23 nəfər üzvü olduğunu deyən sədr bildirib ki, onlar mütəmadi olaraq toplaşırlar. Bu toplantılarda hər bir qərargah üzvü gördüyü işlərlə bağlı məlumatlar verir. Seçki Qərargahının işi ilə tanışlıq zamanı, həqiqətən də, ciddi, operativ fəaliyyətin şahidi olduq. Bu məqamda qeyd edək ki, Nərimanov rayonu üzrə 3 Seçki Dairəsi mövcuddur. 18 saylı Nərimanov-Nizami Seçki Dairəsi üzrə 16 məntəqədə 20 min 716 seçici, 19 saylı Nərimanov birinci Seçki Dairəsi üzrə 35 məntəqədə 45 min 718 seçici, 20 saylı Nərimanov ikinci Seçki Dairəsində isə 33 məntəqədə 44 min 773 seçici qeydiyyatdadır.
T.Tağıyevin bildirdiyinə görə, artıq qərargahda seçkilərə hazırlıqla bağlı bir sıra tədbirlər görülüb. Belə ki, partiyanın namizədləri üçün seçici imzası toplayacaq 25 partiya fəalı müəyyənləşib. Həmin 25 nəfər isə rayon ərazisini yaxşı tanıyan, seçki təcrübəsi olan insanlardır. Eyni zamanda, hər Seçki Dairəsinə və məntəqələrə bir müşahidəçi və bir məşvərətçi səs hüquqlu üzv təyin ediləcək. Yeri gəlmişkən, dünən YAP-ın Nərimanov rayon təşkilatının Seçki Qərargahının növbəti toplantısı da keçirilib. Toplantıda qərargahın rəhbəri Təmraz Tağıyev, təşkilatın Gənclər Birliyinin sədri Yusif Babanlı və digərləri çıxış edərək parlament seçkiləri ilə əlaqədar görüləcək işlər barədə fikirlərini bildiriblər. Onu da qeyd edək ki, Seçki Qərargahında gənclər də təmsil olunurlar. Onlardan biri - Azər Quliyev hesab edir ki, YAP-ın seçkilərə hazırlığı yüksək səviyyədə gedir: “Biz də qərargah üzvləri olaraq üzərimizə düşən vəzifələri layiqincə yerinə yetirməyə çalışırıq”.
Digər gənc Nərminə Yunusova isə bildirib ki, YAP hər zaman bütün seçkilərdə uğurlu seçki kampaniyası həyata keçirir: “Seçki kampaniyasının səmərəli təşkil olunması uğur qazanılmasında mühüm rol oynayır. Ona görə də biz seçki prosesinə ciddi şəkildə hazırlaşırıq. İndiki mərhələdə işlər plana uyğun davam edir. İnanıram ki, partiyamız növbəti seçkilərdə də parlaq qələbə qazanacaq”.
Beləliklə, göründüyü kimi, Yeni Azərbaycan Partiyasının Nərimanov rayon təşkilatının Seçki Qərargahında parlament seçkiləri ilə əlaqədar çevik, operativ, ciddi işlər gedir. Təbii ki, bu prosesin nəticəsinin uğurlu olacağını da indidən demək mümkündür.
N.BAYRAMLI

Paylaş:

Baxılıb: 856 dəfə