YAP Qadınlar Şurasının nümayəndələri Bilgəh qəsəbəsində yerləşən müharibə və əmək əlilləri üçün pansionatda olublar

Bakı:

22 °C

73 %

2 m/s

AZ RU EN

Ana səhifə / YAP xəbərləri / YAP Qadınlar Şurasının nümayəndələri Bilgəh qəsəbəsində yerləşən müharibə və əmək əlilləri üçün pansionatda olublar

YAP Qadınlar Şurasının nümayəndələri Bilgəh qəsəbəsində yerləşən müharibə və əmək əlilləri üçün pansionatda olublar

06.03.2015 [09:59]

Dünən Yeni Azərbaycan Partiyası (YAP) Qadınlar Şurasının nümayəndələri 8 Mart - Beynəlxalq Qadınlar Günü və Novruz Bayramı münasibətilə Əmək və Əhalinin Sosial Müdafiəsi Nazirliyinin Bilgəh qəsəbəsində yerləşən müharibə və əmək əlilləri üçün pansionatında olublar. Pansionatın sakinləri qarşısında çıxış edən YAP Qadınlar Şurasının sədri Nurlana Əliyeva onları qarşıdan gələn bayramlar münasibətilə təbrik edib. Nurlana Əliyeva bildirib ki, Azərbaycan dövləti, Prezident İlham Əliyev xüsusi qayğıya ehtiyacı olan şəxslərə diqqət və qayğı ilə yanaşır. Onların rahat yaşaması, ehtiyaclarının ödənməsi üçün lazımi addımlar atılır. Azərbaycanın son illər qazandığı böyük uğurlardan danışan Nurlana Əliyeva, həmçinin, qeyd edib ki, Yeni Azərbaycan Partiyası əhalinin müxtəlif təbəqələrinin nümayəndələri ilə, o cümlədən də, ahıl insanlarla, qocalar evində yaşayanlarla mütəmadi görüşlər keçirir. “Bizim arzumuz doğma Azərbaycanımızı firavan, xoşbəxt görməkdir. Arzu edirik ki, hamılıqla bir yerdə torpaqlarımızın işğaldan azad olunmasını bayram edək, belə bayramları həmin torpaqlarda keçirək. Azərbaycan Prezidenti bu məqsədlərə çatmaq üçün uğurlu siyasət həyata keçirir”, - deyə YAP Qadınlar Şurasının sədri vurğulayıb. Onun sözlərinə görə, YAP daim müxtəlif layihələr həyata keçirərək qayğıya ehtiyacı olan insanlarla görüşlər keçirir. Nurlana Əliyeva belə görüşlərin bundan sonra da davam edəcəyini deyib.
YAP Qadınlar Şurasının sədri qeyd edib ki, bu pansionatın sakinləri üçün lazım olan bütün imkanlar və şərait yaradılıb: “Burada yaşayan insanların əhval-ruhiyyəsinin yaxşı olması bizi sevindirir. Bu, bizim hökumətimizin və partiyamızın həyata keçirdiyi siyasətin humanizmindən, insanpərvərliyindən, insanlara qayğısından xəbər verir. Prezident İlham Əliyevin həyata keçirdiyi siyasətin əsas qayəsi də ondan ibarətdir ki, dövlətimizin iqtisadi imkanlarından hər bir vətəndaşın həyatının yaxşı təmin olunması üçün istifadə edilsin, o cümlədən də, qayğıya ehtiyacı olan bütün insanlar diqqət mərkəzindən kənarda qalmasın. Bizim belə tədbirlərimiz də dövlətimizin, Prezident İlham Əliyevin siyasətinə, Azərbaycanın birinci xanımı, Heydər Əliyev Fondunun prezidenti, millət vəkili Mehriban Əliyevanın ölkəmizdə həyata keçirdiyi layihələrə dəstək xarakteri daşıyır”.
Pansionatın direktoru Qətibə Əsədova çıxış edərək göstərilən diqqətə görə minnətdarlıq edib. O qeyd edib ki, pansionatın sakinləri dövlətin qayğısı ilə əhatə olunub.
Pansionat sakinləri də çıxış edərək respublika rəhbərliyinin onlara göstərdiyi qayğıya görə minnətdarlıqlarını bildiriblər. Qeyd edilib ki, bu gün ölkədə aparılan geniş quruculuq işləri onları da sevindirir.
Daha sonra pansionat sakinlərinə Yeni Azərbaycan Partiyası Qadınlar Şurasının bayram sovqatı təqdim olunub. Həmçinin, konsert proqramı təqdim edilib.

Paylaş:

Baxılıb: 922 dəfə