Azərbaycanda yüksək intellektual səviyyəyə, vətənpərvərlik hissinə və milli düşüncəyə malik gənclik formalaşıb

Bakı:

29 °C

46 %

4 m/s

AZ RU EN

Ana səhifə / YAP xəbərləri / Azərbaycanda yüksək intellektual səviyyəyə, vətənpərvərlik hissinə və milli düşüncəyə malik gənclik formalaşıb

Azərbaycanda yüksək intellektual səviyyəyə, vətənpərvərlik hissinə və milli düşüncəyə malik gənclik formalaşıb

05.03.2015 [10:01]

YAP Qax rayon təşkilatı Gənclər Birliyinin IV hesabat-seçki konfransı keçirilib
Dünən Yeni Azərbaycan Partiyası (YAP) Qax rayon təşkilatı Gənclər Birliyinin IV hesabat-seçki konfransı keçirilib.
Konfransı giriş sözü ilə açan YAP Qax rayon təşkilatının sədri Nizami Əhmədov qeyd edib ki, Azərbaycanda gənclər siyasəti dövlət siyasətinin mühüm tərkib hissəsidir: “Bu gün Azərbaycan gəncliyi müxtəlif sahələrdə, o cümlədən idarəetmədə aktivlik nümayiş etdirir. Dövlətin gənclərə yüksək diqqət və qayğısı xüsusi stimul mənbəyi qismində çıxış edir. Öz növbəsində, YAP gəncliyin inkişafına xüsusi diqqət göstərir”.
Daha sonra hesabat məruzəsi ilə çıxış edən YAP Qax rayon təşkilatı Gənclər Birliyinin sədri Elbrus Tağıyev vurğulayıb ki, bu gün rayon təşkilatının tərkibindəki 4081 nəfər partiya üzvündən 1791 nəfəri gənclərdir: “YAP sıralarına yeni daxil olanların sırasında gənclər üstünlük təşkil edirlər. YAP sıralarında birləşmiş gənclər rayonun ictimai-siyasi həyatında fəallıq nümayiş etdirir, müxtəlif layihələr həyata keçirirlər”.
Daha sonra çıxış edənlər - Günel Məmmədova, Elvin Həsilov, Elnurə Qasayeva dövlətimizin gənclərə göstərdiyi diqqət və qayğının təqdirəlayiq hal olduğunu bildiriblər.
Sonra tədbirdə çıxış edən Milli Məclisin deputatı Kamilə Əliyeva və “Yeni Azərbaycan” qəzetinin baş redaktoru Hikmət Babaoğlu diqqətə çatdırıblar ki, Azərbaycanın milli inkişafına təkan verən strateji faktorlardan biri də uğurlu gənclər siyasətidir. Bildirilib ki, dövlət başçısının gənclər siyasəti ilə bağlı imzaladığı proqramların əhatəliliyini, onların gənclərlə bağlı ən müxtəlif sahələrdə görüləcək işləri əks etdirməsini və yüksək səviyyədə icrasını nəzərə aldıqda, Azərbaycanda gəncliyə və gənclərə, həqiqətən də, böyük önəm verildiyi bir daha aydın olur. Bu gün Azərbaycanda yüksək intellektual səviyyəyə, vətənpərvərlik hissinə, milli düşüncəyə malik gənclər formalaşır. Azərbaycan gəncləri gündən-günə ölkənin ictimai-siyasi həyatında daha böyük rol oynayırlar. Hazırda respublikada mövcud olan yüzlərlə qeyri-hökumət və gənclər təşkilatlarının aktiv fəaliyyəti dövlətin yaratdığı şərait sayəsində mümkün olub. Məhz dövlətin gənclərə dəstək və diqqət göstərməsinin nəticəsində Azərbaycan gəncliyində özünə, öz gücünə, istedadına inam hissi artıb. Vurğulanıb ki, YAP, o cümlədən, partiyanın Gənclər Birliyi gənclərin fəallığına, onların potensialından səmərəli istifadə olunmasına xüsusi diqqət yetirir.
Sonda təşkilati məsələlərə baxılıb. YAP Qax rayon təşkilatının Gənclər Birliyinin 29 nəfərdən ibarət Şurası, 9 nəfərdən ibarət İdarə Heyəti müəyyənləşib. Elbrus Tağıyev yenidən YAP Qax rayon təşkilatı Gənclər Birliyinin sədri seçilib. Eyni zamanda, YAP Gənclər Birliyinin respublika konfransına nümayəndələr seçilib.
Konfransda partiya sıralarına yeni qəbul olunmuş gənclərə üzvlük vəsiqələri təqdim olunub.
Nurlan QƏLƏNDƏRLİ

Paylaş:

Baxılıb: 1041 dəfə