Gənclər bütün sahələrdə aktiv fəaliyyət göstərirlər

Bakı:

24 °C

83 %

3 m/s

Əlaqə

AZ RU EN

Ana səhifə / YAP xəbərləri / Gənclər bütün sahələrdə aktiv fəaliyyət göstərirlər

Gənclər bütün sahələrdə aktiv fəaliyyət göstərirlər

03.03.2015 [09:49]

Yeni Azərbaycan Partiyası Ağsu rayon təşkilatı Gənclər Birliyinin IV hesabat-seçki konfransı keçirilib
Yeni Azərbaycan Partiyası (YAP) Ağsu rayon təşkilatı Gənclər Birliyinin IV hesabat-seçki konfransı keçirilib. Konfransda YAP Ağsu rayon təşkilatı İdarə Heyətinin üzvü, Ağsu rayon İcra Hakimiyyətinin başçısı Ənvər Seyidəliyev, Milli Məclisin deputatı Ərəstun Cavadov, Yeni Azərbaycan Partiyası Siyasi Şurasının üzvü, “İki sahil” qəzetinin baş redaktoru Vüqar Rəhimzadə, YAP Mərkəzi Aparatının məsul işçisi Həsən Daşdəmirov, YAP Ağsu rayon təşkilatının sədri Əli Hüseynov və partiya gəncləri iştirak ediblər.
Azərbaycan Respublikasının Dövlət Himninin səsləndirilməsi ilə açıq elan edilən tədbirdə çıxış edən YAP Ağsu rayon təşkilatının sədri Əli Hüseynov Ulu öndər Heydər Əliyevin rəhbərliyi altında yaradılan Yeni Azərbaycan Partiyasının hər zaman xalqın maraqları, dövlətçilik mənafeyi uğrunda mübarizə apardığını xatırladıb. Onun sözlərinə görə, bu siyasi kurs YAP Sədri, ölkə Prezidenti İlham Əliyevin rəhbərliyi ilə davam və inkişaf etdirilir: “Yeni Azərbaycan Partiyası ölkəmizin siyasi səhnəsində uğurla fəaliyyət göstərir və bu gün cənab İlham Əliyevin rəhbərliyi ilə öz prinsiplərinə sadiqliyini nümayiş etdirir. YAP-ın cəmiyyətdə böyük nüfuz sahibi olduğunu və onun qarşısında şərəfli missiya dayandığını söyləyən Prezident İlham Əliyevin bu fikirləri Yeni Azərbaycan Partiyasının fəaliyyətinə verilən yüksək qiymətdir: “Yeni Azərbaycan Partiyası Azərbaycan xalqının bir parçasıdır. Bütün Azərbaycan xalqının xoşbəxt gələcəyi üçün bizim partiyamız əlindən gələni əsirgəmir və bundan sonra da bunu edəcəyik”.
Daha sonra YAP Ağsu rayon təşkilatı Gənclər Birliyinin sədr müavini Elnur Fərzəlizadə hesabat məruzəsi ilə çıxış edib. Bildirilib ki, Ulu öndər Heydər Əliyevin siyasi kursunun layiqli davamçısı, Azərbaycan Respublikasının Prezidenti İlham Əliyevin rəhbərliyi ilə ölkəmizdə həyata keçirilən dövlət gənclər siyasəti hər zaman böyük uğurlarla müşayiət olunur. Diqqətə çatdırıb ki, YAP Ağsu rayon təşkilatının Gənclər Birliyi 1997-ci ildə təsis olunub. Bu gün partiya rayon təşkilatının 5017 üzvündən 1886 nəfərini gənclər təşkil edir və gənclər bütün sahələrdə aktiv fəaliyyət göstərirlər.
Çıxış edən Altun Şeydayev, Rəvanə Abbasova, Hüseyn Fərzəliyev və digərləri Prezident İlham Əliyev tərəfindən gənclərə göstərilən qayğı və diqqəti əməli işlərində layiqincə doğruldacaqlarını bəyan ediblər. Konfrans iştirakçıları YAP Ağsu rayon təşkilatı Gənclər Birliyinin hesabat dövründəki fəaliyyətini qənaətbəxş qiymətləndiriblər.
Sonra konfransda təşkilati məsələlərə baxılıb. YAP Ağsu rayon təşkilatı Gənclər Birliyinin İdarə Heyətinin üzvləri, sədr və müavinləri seçiliblər. İştirakçıların yekdil rəyi ilə Elnur Fərzəlizadə YAP Ağsu rayon təşkilatı Gənclər Birliyinin sədri, Nərminə Məhərrəmova və Tamerlan Abışov sədr müavinləri seçiliblər. Konfransda YAP Gənclər Birliyinin respublika konfransına nümayəndələr də seçiliblər.
Daha sonra çıxış edən Yeni Azərbaycan Partiyası Siyasi Şurasının üzvü, “İki sahil” qəzetinin baş redaktoru Vüqar Rəhimzadə, Milli Məclisin deputatı Ərəstun Cavadov, YAP Ağsu rayon təşkilatı İdarə Heyətinin üzvü, Ağsu rayon İcra Hakimiyyətinin başçısı Ənvər Seyidəliyev, Yeni Azərbaycan Partiyası Mərkəzi Aparatının məsul işçisi Həsən Daşdəmirov ölkəmizdə gənclərə göstərilən diqqət və qayğıdan söz açıblar.

Paylaş:

Baxılıb: 1053 dəfə