Bələdiyyə seçkiləri Azərbaycanda növbəti dəfə demokratiyanın təntənəsini ifadə edəcək

Bakı:

29 °C

55 %

2 m/s

Əlaqə

AZ RU EN

Ana səhifə / YAP xəbərləri / Bələdiyyə seçkiləri Azərbaycanda növbəti dəfə demokratiyanın təntənəsini ifadə edəcək

Bələdiyyə seçkiləri Azərbaycanda növbəti dəfə demokratiyanın təntənəsini ifadə edəcək

10.12.2014 [10:06]

YAP Nərimanov rayon təşkilatında bələdiyyə üzvlüyünə qadın namizədlərlə görüş keçirilib
Dünən Yeni Azərbaycan Partiyası (YAP) Nərimanov rayon təşkilatında bələdiyyə üzvlüyünə YAP tərəfindən irəli sürülmüş qadın namizədlərlə görüş keçirilib. Tədbir iştirakçıları öncə Ulu öndər Heydər Əliyevin əziz xatirəsini bir dəqiqəlik sükutla yad ediblər.
Sonra YAP Nərimanov rayon təşkilatının sədri Təmraz Tağıyev seçkiyə hazırlıqla bağlı görülən işlər barədə məlumat verib, qarşıdan gələn bələdiyyə seçkilərinin əhəmiyyətindən danışıb. O qeyd edib ki, dövlətimizin uğurlu siyasətinin nəticəsi olaraq qadınların idarəetmə orqanlarında və seçki proseslərindəki iştirakı daim artır. T.Tağıyev, həmçinin, qadın seçicilərin bu seçkilərdə fəal iştirak edəcəyinə əminliyini ifadə edib.
Tədbirdə çıxış edən YAP Nərimanov rayon təşkilatı Qadınlar Şurasının sədri Məhəbbət İbrahimova bildirib ki, cəmiyyətdə qadınların fəallığının artırılması nəticəsində onların seçkili orqanlarda da təmsilçiliyi yüksəlib: “Bu mənada, dekabrın 23-də keçiriləcək bələdiyyə seçkilərində də savadlı və layiqli qadın namizədlərin sayı kifayət qədərdir. Məsələn, təkcə Nərimanov bələdiyyəsinə partiyamız tərəfindən 7 nəfər qadın namizəd irəli sürülüb. Bu, qadınlara göstərilən etimaddır”.
Çıxış edən bələdiyyə üzvlüyünə namizəd İradə Qarayeva Azərbaycanın və regionun ən güclü siyasi partiyası olan YAP-ın yarandığı gündən iştirak etdiyi bütün seçkilərdə qələbə qazandığını və Partiyanın Prezident İlham Əliyevin Sədrliyi ilə dövlətimizin inkişafı və xalqımızın əmin-amanlıq içində yaşaması uğrunda mühüm töhfələr verdiyini vurğulayıb.
Tədbirdə çıxış edən Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva Azərbaycanda son 15 il ərzində bələdiyyə institutunun formalaşdığını və bu seçki prosesində də qadınların rolunun əvəzsiz olduğunu bildirib. Millət vəkili, qarşıdan gələn bələdiyyə seçkilərində qadın namizədlərin say çoxluğunun iş prosesində və həyata keçiriləcək layihələrin müsbət nəticələrlə tamamlanmasında böyük rol oynayacağına əminliyini söyləyib və bütün namizədlərə uğurlar arzulayıb.
S.Fətəliyeva deyib ki, bələdiyyə seçkiləri yerli demokratiyanın inkişafında vacib rol oynayır: “Təbii ki, Azərbaycan dünya üçün açıq ölkədir və keçirdiymiz seçkilər dünyada diqqətlə izlənilir. Azərbaycan hüquqi və demokratik dövlətdir və mükəmməl seçki sistemi mövcuddur. İnanırıq ki, bələdiyyə seçkiləri Azərbaycanda növbəti dəfə demokratiyanın təntənəsini ifadə edəcək”.
Nardar BAYRAMLI

Paylaş:

Baxılıb: 931 dəfə