YAP bu seçkilərdə də möhtəşəm qələbə qazanacaq

Bakı:

15 °C

72 %

10 m/s

Əlaqə

AZ RU EN

Ana səhifə / YAP xəbərləri / YAP bu seçkilərdə də möhtəşəm qələbə qazanacaq

YAP bu seçkilərdə də möhtəşəm qələbə qazanacaq

02.12.2014 [09:52]

Yeni Azərbaycan Partiyasının Qaradağ rayon təşkilatı təbliğat-təşviqat kampaniyasına uğurla start verib
Yeni Azərbaycan Partiyasının (YAP) Qaradağ rayon təşkilatı da təbliğat - təşviqat kampaniyasına uğurla start verib. Dünən rayon təşkilatında yaradılan Seçki Qərargahının üzvləri ilə və Lökbatan qəsəbəsi üzrə bələdiyyə üzvlüyünə namizədlərlə görüş keçirilib. Tədbirdə çıxış edən YAP Siyasi Şurasının üzvü, partiyanın Qaradağ rayon təşkilatının sədri Aydın Hüseynov bələdiyyə seçkilərinə hazırlıqla bağlı görülən işlər haqqında məlumat verib. O deyib ki, bələdiyyələr demokratik bir təsisat kimi vətəndaş cəmiyyətinin bir formasıdır. Azərbaycanın demokratiya yolunda irəliləyən bir dövlət olduğunu nəzərə alsaq, müstəqil özünüidarəetmə strukturunun - bələdiyyələrin fəaliyyəti vacibdir.
Yeni Azərbaycan Partiyasının bu seçkilərə ciddi şəkildə hazırlaşdığını vurğulayan Siyasi Şuranın üzvü deyib ki, YAP seçkilərin keçirilməsində böyük və zəngin təcrübəyə malikdir. Onun sözlərinə görə, bələdiyyə seçkilərində də qazanılan təcrübədən səmərəli istifadə olunur: “Partiyanın Mərkəzi Aparatının müvafiq tapşırıq və tövsiyələrinə uyğun olaraq, tərtib olunmuş plan üzrə işlərimizi davam etdiririk. Seçkilər üzrə böyük təcrübə qazanmış xeyli sayda mütəxəssislərimiz var ki, onlar kampaniya dövründə dairə və məntəqələrdə təmsil olunurlar. Eləcə də, müşahidəçi funksiyasını yerinə yetirən fəallarımız var. Bizim təşkilatın minlərlə üzvü seçki proseslərində böyük fəallıq göstərir. Bu gündən təbliğat kampaniyasına start vermişik. Artıq Seçki Qərargahının və təbliğat qrupunun üzvləri təyin olunmuş yerlərdə təbliğat lövhələrinə şüar və namizədlərin portretlərini yapışdırıblar. Bundan sonra isə seçicilərlə görüşlərə start veriləcək. Kampaniya ərzində bütün seçicilərlə görüşəcək, onlarla ünsiyyət yaradacağıq”.
Aydın Hüseynov qeyd edib ki, Qaradağ rayonunda 11 bələdiyyə fəaliyyət göstərir: “YAP bu bələdiyyələr üzrə müvafiq yerlərin hamısına öz namizədlərini irəli sürüb. İnanırıq ki, YAP növbəti möhtəşəm qələbəsini qazanacaq”.
Tədbirdə daha sonra çıxış edən YAP Qaradağ rayon təşkilatının Aparat rəhbəri Ruslan İsmayılov, Gənclər Birliyinin sədri Ramiz Yusubov, həmçinin, Zaməddin Həmşəyev, Təhməz Abbasov, Əlzamin Abbasov və digərləri də ümumxalq partiyası olan Yeni Azərbaycan Partiyasının bu seçkilərdə daha bir inamlı qələbə qazanacağına əminliklərini ifadə ediblər.
Dünən, həmçinin, YAP Qaradağ rayon təşkilatında yaradılan Seçki Qərargahının və təbliğat qrupunun üzvləri təyin olunmuş yerlərdə təbliğat lövhələrinə şüar və namizədlərin portretlərini yapışdırıblar, seçicilərə buklet və broşürlar paylayıblar.

Paylaş:

Baxılıb: 820 dəfə