YAP Ağcabədi rayon təşkilatında bələdiyyə seçkilərinə ciddi hazırlıq gedir

Bakı:

24 °C

58 %

5 m/s

Əlaqə

AZ RU EN

Ana səhifə / YAP xəbərləri / YAP Ağcabədi rayon təşkilatında bələdiyyə seçkilərinə ciddi hazırlıq gedir

YAP Ağcabədi rayon təşkilatında bələdiyyə seçkilərinə ciddi hazırlıq gedir

12.11.2014 [09:54]

Rövşən Əhmədov: Hazırda bələdiyyə üzvlüyünə namizədliyi irəli sürülənlər üçün imzatoplama kampaniyası həyata keçirilir
“Yeni Azərbaycan Partiyasının bütün şəhər və rayon təşkilatlarında olduğu kimi, partiyanın Ağcabədi rayon təşkilatında da bələdiyyə seçkilərinə ciddi hazırlıq gedir. Partiyanın İcra Katibliyinin seçkilərlə bağlı verdiyi tövsiyə və tapşırıqları zamanında və keyfiyyətli şəkildə yerinə yetirmək üçün rayon təşkilatının hər bir üzvü səfərbər olunub. Seçkilərə hazırlıqla bağlı bütün işləri YAP Ağcabədi rayon təşkilatının 15 nəfərdən ibarət Seçki Qərargahı koordinasiya edir”.
Bunu “Yeni Azərbaycan” qəzetinə açıqlamasında YAP Ağcabədi rayon təşkilatının, həmçinin, rayon təşkilatının Seçki Qərargahının sədri Rövşən Əhmədov deyib. Onun sözlərinə görə, bələdiyyə seçkilərinə hazırlıqla bağlı hazırlanmış plana müvafiq olaraq bir sıra addımlar atılıb: “Belə ki, ilk olaraq rayon ərazisində yaşayan bütün seçicilərin siyahısı dəqiqləşdirilərək, YAP Ağcabədi rayon təşkilatının kompüter bazasına yığılıb. Bunun ardınca isə seçkilərdə rayon təşkilatı tərəfindən dairə və məntəqələrdə fəaliyyət göstərəcək məşvərətçi səs hüquqlu üzvlər və müşahidəçilər müəyyən edilib. Eyni zamanda, Seçki Qərargahında fəaliyyət göstərəcək təşviqat qruplarının tərkibi və seçici imzası toplayan YAP fəalları müəyyən edilib”.
Rövşən Əhmədov onu da deyib ki, hazırda YAP Ağcabədi rayon təşkilatı 98 ilk partiya təşkilatında 11180 nəfər partiya üzvünü birləşdirir. Onlardan 5016 nəfərini qadınlar (44,9%), 4415 nəfərini isə gənclər (39,5%) təşkil edir. Onun sözlərinə görə, Ağcabədi rayonu ərazisində 2 Seçki Dairəsi fəaliyyət göstərir: “82 saylı Ağcabədi Seçki Dairəsi üzrə 46 seçki məntəqəsində 44405 nəfər, 83 saylı Ağcabədi-Füzuli seçki dairəsi üzrə 27 seçki məntəqəsində 20464 nəfər seçici olmaqla ümumilikdə rayon üzrə seçicilərin sayı 64869 nəfərdir”.
Rövşən Əhmədov əlavə edib ki, Ağcabədi rayonu üzrə 1 şəhər, 1 qəsəbə, 39 kənd bələdiyyəsi olmaqla 41 bələdiyyə var. Həmin bələdiyyələr üzrə 359 nəfər bələdiyyə üzvü seçilməlidir. YAP Ağcabədi rayon təşkilatı tərəfindən bütün yerlər üçün 359 nəfər YAP fəalının bələdiyyə üzvlüyünə namizədliyi irəli sürülüb: “Onu da deyim ki, namizədlər irəli sürülərkən gənclərə və qadınlara üstünlük vermişik. Hazırda bələdiyyə üzvlüyünə namizədliyi irəli sürülənlər üçün imzatoplama kampaniyası həyata keçirilir. Bu kampaniyanı qısa müddət ərzində başa çatdırmaq üçün 100 nəfərə yaxın YAP fəalı imza toplamağa cəlb edilib. YAP Ağcabədi rayon təşkilatı irəli sürülən namizədlərin seçki dairələrində namizədlikləri qeydə alındıqdan sonra təbliğat-təşviqat kampaniyasının həyata keçirilməsi üçün lazımi hazırlıq işlərini həyata keçirəcək”.
Nadir AZƏRİ

Paylaş:

Baxılıb: 1054 dəfə