YAP Ağstafa rayon təşkilatı bələdiyyələrə namizədlərini irəli sürüb

Bakı:

24 °C

58 %

5 m/s

Əlaqə

AZ RU EN

Ana səhifə / YAP xəbərləri / YAP Ağstafa rayon təşkilatı bələdiyyələrə namizədlərini irəli sürüb

YAP Ağstafa rayon təşkilatı bələdiyyələrə namizədlərini irəli sürüb

12.11.2014 [09:53]

Namizədlər müəyyənləşdirilərkən gənclərə və qadınlara üstünlük verilib
Məlum olduğu kimi, Azərbaycanda keçiriləcək növbəti bələdiyyə seçkilərinə rəsmi şəkildə start verilib. Öz növbəsində, ölkəmizdə keçirilən bütün seçkilərdə inamlı qələbə qazanan Yeni Azərbaycan Partiyası (YAP) seçki qanunvericiliyinə uyğun olaraq dekabrın 23-də keçiriləcək bələdiyyə seçkilərinə də yüksək səviyyədə hazırlaşır. Artıq partiyanın yerli strukturlarında seçki qərargahları yaradılıb və bu qərargahlar aktiv fəaliyyət göstərirlər. YAP-ın Ağstafa rayon təşkilatının Seçki Qərargahı da bələdiyyə seçkilərinə fəal şəkildə hazırlaşır. Bu barədə məlumat verən Seçki Qərargahının rəhbəri, YAP Ağstafa rayon təşkilatının sədri Ramiz Tatarov bildirib ki, təşkilatın böyük seçki təcrübəsi var. Hazırda YAP Astafa rayon təşkilatının 5319 nəfər üzvü olduğunu deyən R.Tatarovun sözlərinə görə, onların 52 faizi qadın, 40 faizi isə gənclərdir. Seçki Qərargahının 19 nəfərdən ibarət olduğunu deyən sədr bildirib ki, onlar mütəmadi olaraq toplaşırlar. Bu toplantılarda hər bir qərargah üzvü gördüyü işlərlə bağlı məlumatlar verir.
“Yeni Azərbaycan Partiyası Ağstafa rayon təşkilatı partiyanın Mərkəzi Aparatının müvafiq tapşırıq və tövsiyələrinə uyğun olaraq, tərtib olunmuş plan üzrə işlərini davam etdirir. Ağstafa rayonu üzrə 29 bələdiyyə fəaliyyət göstərir. Yeni Azərbaycan Partiyası bu bələdiyyələr üzrə 265 müvafiq yerlərin hamısına öz namizədlərini irəli sürüb. Seçkilərə rəsmi start verildikdən sonra rayon təşkilatının qərargahında Seçki Məcəlləsinin müvafiq maddələrinə uyğun olaraq namizədlər tərəfindən razılıq ərizələri və səlahiyyətli nümayəndə tərəfindən bildirişlər hazırlanaraq 108 saylı Ağstafa və 106 saylı Tovuz-Qazax-Ağstafa dairə seçki komissiyalarına təhvil verilib və bu iş davam etməkdədir. Namizədlər təsdiq olunduqdan sonra isə imzatoplama prosesi başlayacaq. Bundan başqa, seçki məntəqələrində müşahidə aparacaq şəxslər və məşvərətçi səs hüquqlu üzvləri müəyyənləşdirilib. Bir sözlə, bütün məsələlər seçki qanunvericiliyinə uyğun olaraq həll edilir”, - deyən R.Tatarov vurğulayıb ki, Yeni Azərbaycan Partiyası Ağstafa rayon təşkilatının yüzlərlə üzvü seçkilərə hazırlıq prosesində böyük fəallıq göstərir.
Təşkilat sədri deyib ki, bələdiyyələrə namizədlər arasında gənclər və qadınlara üstünlük verilib. Beləliklə, Yeni Azərbaycan Partiyasının Ağstafa rayon təşkilatının Seçki Qərargahında bələdiyyə seçkiləri ilə əlaqədar çevik, operativ, ciddi işlər gedir. Onu da qeyd edək ki, Ağstafa rayonu üzrə bələdiyyələrdə xeyli sayda YAP üzvləri təmsil olunurlar. Onlar rayonun sosial-iqtisadi inkişafında fəal iştirak edirlər.
N.BAYRAMLI

Paylaş:

Baxılıb: 1078 dəfə