YAP Gənclər Birliyinin ofisində “Ekologiyasız həyat yoxdur” adlı layihənin bağlanış mərasimi keçirilib

Bakı:

22 °C

60 %

5 m/s

AZ RU EN

Ana səhifə / YAP xəbərləri / YAP Gənclər Birliyinin ofisində “Ekologiyasız həyat yoxdur” adlı layihənin bağlanış mərasimi keçirilib

YAP Gənclər Birliyinin ofisində “Ekologiyasız həyat yoxdur” adlı layihənin bağlanış mərasimi keçirilib

14.10.2014 [09:47]

Dünən Yeni Azərbaycan Partiyası (YAP) Gənclər Birliyinin ofisində “Ekologiyasız həyat yoxdur” adlı layihənin bağlanış mərasimi keçirilib. Tədbiri giriş sözü ilə açan YAP Gənclər Birliyinin sədri Seymur Orucov deyib ki, YAP GB-nin ofisində hər dəfə gənclərimiz üçün maraqlı layihələr təşkil edilir və bu da gənclərimizin maarifləndirilməsinə müsbət töhfə verir: “Məhz buna görə də, YAP Gənclər Birliyi olaraq sentyabr ayını “Ekologiya ayı” elan etdik və bu 1 aylıq müddət ərzində bir-birindən maraqlı ekoloji layihələr və təlimlər həyata keçirdik”.
S.Orucov deyib ki, sözügedən layihə “Azərbaycan - 2020: gələcəyə baxış” İnkişaf Konsepsiyasının 11-ci bəndindəki “Ətraf mühitin qorunması və ekologiya məsələləri” bölməsini əsas tutaraq icra olunub.
Daha sonra çıxış edən ekologiya və təbii sərvətlər nazirinin müavini, YAP Siyasi Şurasının üzvü Firdovsi Əliyev ekologiya ilə bağlı görülən hər bir işin təqdirəlayiq olduğunu bildirib: “Sizin bu layihənin adı da olduqca uğurlu seçilib. Çünki, həqiqətən də, ekologiyasız həyat yoxdur. El arasında belə bir deyim var: “Sağlam bədəndə sağlam ruh olar”. Sağlam bədən isə sağlam ətraf mühit olan yerdə formalaşır”.
Nazir müavini bildirib ki, Ümummilli lider Heydər Əliyevin 1993-cü ildə xalqın təkidli tələbi ilə hakimiyyətə qayıdışı digər istiqamətlər kimi, ekologiya və ətraf mühitin mühafizəsi sahəsində də problemlərin həllinə yol açdı, həyata keçirilən bir-birindən əhəmiyyətli işlər nəticəsində Azərbaycan yaşıllıqlar diyarına çevrildi: “Ulu öndər Heydər Əliyevin bu sahəyə diqqət və qayğısının nəticəsi olaraq müvafiq Sərəncamla Ekologiya və Təbii Sərvətlər Nazirliyi yaradıldı. Nazirliyin yaradıldığı dövrdən ötən müddət ərzində su ehtiyatlarının çirklənməsinin qarşısının alınması, biomüxtəlifliyin qorunması, yaşıllıqların artırılması, atmosfer havasının mühafizəsi, torpaqların deqradasiyasının qarşısının alınması, o cümlədən, neft və digər tullantılarla çirklənmiş torpaqların təmizlənməsi yönündə müəyyən işlər görülüb və artıq bu işlər öz nəticələrini göstərir”.
F.Əliyev deyib ki, Ulu öndərin əsasını qoyduğu siyasət Prezident İlham Əliyev tərəfindən uğurla davam etdirilir: “Dövlət başçısının Sərəncamına müvafiq olaraq neftlə çirklənmiş torpaqların, lay suları altında qalmış sahələrin və digər istehsal tullantıları ilə çirklənmiş ərazilərin ekoloji vəziyyətinin yaxşılaşdırılması, bərk məişət tullantılarının idarə olunmasının təkmilləşdirilməsi və s. tədbirlər uğurla həyata keçirilir. Elə bu tədbirlərin məntiqi nəticəsi kimi, Prezident İlham Əliyevin təşəbbüsü ilə 2010-cu il Azərbaycanda “Ekologiya ili” elan edilib”.
Daha sonra təlim iştirakçıları onları maraqlandıran suallarla qonaqlara müraciət ediblər. Sonda “Ekologiyasız həyat yoxdur” adlı layihənin işində fəallıq göstərən gənclərə sertifikatlar təqdim olunub.
Oktay

Paylaş:

Baxılıb: 1010 dəfə