“Yay məktəbi” layihəsi gənclərin ictimai-siyasi fəallığının və intellektual potensialının artırılması üçün xüsusi əhəmiyyət kəsb edir

Bakı:

16 °C

88 %

4 m/s

AZ RU EN

Ana səhifə / YAP xəbərləri / “Yay məktəbi” layihəsi gənclərin ictimai-siyasi fəallığının və intellektual potensialının artırılması üçün xüsusi əhəmiyyət kəsb edir

“Yay məktəbi” layihəsi gənclərin ictimai-siyasi fəallığının və intellektual potensialının artırılması üçün xüsusi əhəmiyyət kəsb edir

19.07.2014 [11:11]

Oğuz rayonunda YAP Gənclər Birliyinin “Gənc liderlər” gənc siyasətçilər üçün “Yay məktəbi” layihəsinin II turu başa çatıb
Oğuz rayonunda Yeni Azərbaycan Partiyası (YAP) Gənclər Birliyinin “Gənc liderlər” gənc siyasətçilər üçün “Yay məktəbi” layihəsinin II turu başa çatıb. İyulun 17-də bağlanış mərasimi keçirilib, ziyafət və istedad gecəsi təşkil edilib.
Mərasimdə çıxış edən “Yeni Azərbaycan” qəzetinin baş redaktoru, Oğuz II tur qrupunun rəhbəri Hikmət Babaoğlu “Yay məktəbi” layihəsinin əhəmiyyətinə toxunaraq onun gənclərin inkişafına xidmət etdiyini bildirib. Diqqətə çatdırılıb ki, “Yay məktəbləri” gənc fəallar üçün həm təcrübə, həm də bilik mənbəyidir. Yeni Azərbaycan Partiyasının gənclərə xüsusi diqqət və qayğı göstərdiyini bildirən baş redaktor əlavə edib ki, gənclərin fəaliyyəti üçün bu gün cəmiyyətimizdə bütün imkanlar var və hər bir gənc özünün yaradıcı potensialından səmərəli istifadə edə bilir.
Daha sonra çıxış edənlər dövlət gənclər siyasəti, gənclərə olan diqqət və qayğıdan bəhs edərək Yeni Azərbaycan Partiyasının gənclərin böyük hamisi olduğunu vurğulayıblar. “Yay məktəbi”nin işi yüksək qiymətləndirilib və səmərəli nəticələrin əldə olunduğu bildirilib.
Qeyd edilib ki, bu gün cəmiyyətimizdə gənclərin fəallığı olduqca yüksək səviyyədədir və onlar milli maraqların etibarlı müdafiəsi naminə sıx birləşiblər. Yeni Azərbaycan Partiyasının həyata keçirdiyi gənclər siyasəti sayəsində gənclərin potensialından səmərəli istifadə edilməkdədir.
Sonra tur çərçivəsində formalaşdırılmış 4 komandanın üzvləri öz istedadlarını nümayiş etdirərək fərqli musiqi nömrələri ilə çıxış ediblər, həmçinin, aktual mövzu və məsələlərə həsr olunmuş müxtəlif səhnəciklər təşkil olunub.
Eyni zamanda, “Gənc liderlər” gənc siyasətçilər üçün “Yay məktəbi” layihəsi Oğuz II turunun fəal gəncləri “Təşəkkürnamə” ilə mükafatlandırılıblar. Həmçinin, “Afra Hotel” MMC rəhbərliyi “Gənc liderlər” gənc siyasətçilər üçün “Yay məktəbi” layihəsinin Oğuz II tur qrupuna nümunəvi davranışlarına görə “Təşəkkürnamə” təqdim edib.
Qeyd edək ki, 5 günlük “Yay məktəbi” çərçivəsində gənclər ümumilikdə elmi-nəzəri və praktik nöqteyi-nəzərdən aktuallıq kəsb edən məsələlərə dair diskussiyalar təşkil ediblər. “Ulu öndər Heydər Əliyev müxtəlif siyasi-ideoloji dövrlərdə Azərbaycanda milli dövlət quruculuğunu təmin edən böyük dövlət xadimidir”, “İKT və informasiya təhlükəsizliyi”, “Dünyanın müasir siyasi xəritəsində dövlətlərarası ziddiyyətlər”, “Bədən dili” mövzularında seminar və təlim-treninqlər keçirilib, qarşılıqlı fikir mübadilələri aparılıb. Bununla yanaşı, müxtəlif interaktiv oyunlar və idman yarışları təşkil edilib.
Ümumilikdə, “Yay məktəbi”ndə iştirak edən gənclər məktəbin işini, təşkil olunma səviyyəsini, aparılan diskussiyaları və turun nəticələrini yüksək qiymətləndiriblər. Belə bir qənaət ifadə olunub ki, YAP Gənclər Birliyinin təşkil etdiyi “Gənc liderlər” gənc siyasətçilər üçün “Yay məktəbi” mühüm diskussiya platformasıdır. Bu cür layihələr hər zaman öz səmərəli nəticələri ilə yadda qalıb. “Yay məktəbi” gənclərin ictimai-siyasi fəallığının yüksəlməsi, intellektual potensialının artırılması üçün xüsusi əhəmiyyət kəsb edir. Bunun nəticəsidir ki, gənclər ictimai-siyasi və sosial-mədəni proseslərdə fəal təmsil olunurlar.
Sözügedən layihənin iştirakçısı olan gənclər onlara göstərilən xüsusi diqqət və qayğıya görə Yeni Azərbaycan Partiyasına xüsusi minnətdarlıq ediblər.
NURLAN

Paylaş:

Baxılıb: 1037 dəfə