YAP Gəncə şəhər təşkilatında mükafatlandırma mərasimi keçirilib

Bakı:

29 °C

42 %

5 m/s

Əlaqə

AZ RU EN

Ana səhifə / YAP xəbərləri / YAP Gəncə şəhər təşkilatında mükafatlandırma mərasimi keçirilib

YAP Gəncə şəhər təşkilatında mükafatlandırma mərasimi keçirilib

31.05.2014 [09:14]

Dünən Yeni Azərbaycan Partiyası (YAP) Gəncə şəhər təşkilatının qərargahında təşkilatın Ümummilli lider Heydər Əliyevin anadan olmasının 91-ci ildönümünə həsr etdiyi silsilə tədbirlərin yekunu və mükafatlandırma mərasimi keçirilib. Mərasimdə Gəncə şəhər İcra Hakimiyyətinin məsul işçiləri, YAP Gəncə şəhər təşkilatının sədri Naqif Həmzəyev, təşkilatın idarə heyəti və şura üzvləri, partiya fəalları, idarə, müəssisə və təşkilat rəhbərləri, ağsaqqallar, ziyalılar və tələbə-gənclər iştirak ediblər.
Tədbiri giriş sözü ilə YAP Gəncə şəhər təşkilatının sədri Naqif Həmzəyev açaraq bildirib ki, bu tədbir çox əlamətdar bir dövrdə keçirilir: “Bütün gəncəlilər xalqımıza xoşbəxtlik, firavan həyat, əmin-amanlıq bəxş edən Ulu öndər Heydər Əliyevin anadan olmasının 91-ci ildönümünə həsr olunmuş möhtəşəm tədbirlərin qürurlu və sevincli təəssüratları içərisindədir. İki gün bundan əvvəl isə 28 May - Respublika Günü - Azərbaycan Xalq Cümhuriyyətin yaranmasının 96 -cı ildönümünü yüksək təntənə ilə qeyd etdik. Bu tarixi hadisələri xalqımız, eləcə də, Ulu öndərin müdrik siyasi kursuna həmişə sadiq olan, qədirbilən gəncəlilər görkəmli nailiyyətlərlə, həyatımızın bütün sahələrində sürətli inkişaf və tərəqqidən doğan fərəh hissi ilə qarşıladılar”.
N.Həmzəyev daha sonra qeyd edib ki, Yeni Azərbaycan Partiyası Gəncə şəhər təşkilatı Ümummilli lider Heydər Əliyevin anadan olmasının 91-ci ildönümü münasibətilə silsilə tədbirlər keçirib. Həmin tədbirlər çərçivəsində ali və orta ixtisas təhsil müəssisələri arasında futzal, şahmat turnirləri, bilik yarışı geniş yer alıb. Eyni zamanda, bu münasibətlə YAP Gəncə şəhər təşkilatı, Gəncə şəhər Gənclər və idman baş idarəsi, Respublika “Təhsil” İdman Mərkəzi Gəncə filialının birgə təşkilatçılığı ilə gənclər arasında ağırlıqqaldırma, bədii gimnastika, cüdo və yeniyetmələr arasında futzal turniri keçirilib. Bütün yarışlarda ali və orta ixtisas təhsil müəssisələrinin rəhbərləri, fəalları, təşkilatçılar, iştirakçılar, tələbə-gənclər dahi şəxsiyyət Heydər Əliyev ənənələrinə sonsuz sədaqət, məhəbbət, yüksək vətənpərvərlik, coşqu, işgüzarlıq, hərtərəfli bilik, intellekt və bacarıq nümayiş etdiriblər.
Sonra Ulu öndərin anadan olmasının 91-ci ildönümü münasibətilə keçirilən müxtəlif yarış və müsabiqələrin qalibləri mükafatlandırılıblar. Tədbirdə AMEA-nın Gəncə Bölməsinin akademik katibi, akademik Fuad Əliyev, ADAU-nun rektoru, professor İbrahim Cəfərov, AzTU-nun prorektoru Məntiq Cəfərov, GDU-nun rektoru, professor Yusif Yusifov, Gəncə Humanitar Kollecin direktor müavini Təranə Məmmədova çıxış ediblər.

Paylaş:

Baxılıb: 999 dəfə