YAP Daşkəsən rayon təşkilatının Qadınlar Şurasının IV konfransı keçirilib

Bakı:

26 °C

45 %

5 m/s

Əlaqə

AZ RU EN

Ana səhifə / YAP xəbərləri / YAP Daşkəsən rayon təşkilatının Qadınlar Şurasının IV konfransı keçirilib

YAP Daşkəsən rayon təşkilatının Qadınlar Şurasının IV konfransı keçirilib

30.04.2014 [09:02]

Dünən Yeni Azərbaycan Partiyası (YAP) Daşkəsən rayon təşkilatının Qadınlar Şurasının IV konfransı keçirilib. Konfransda YAP Daşkəsən rayon təşkilatı Qadınlar Şurasının sədri Rəna Aslanova hesabat məruzəsi ilə çıxış edərək Daşkəsən rayonunda qadınların ictimai-siyasi fəallığından, ailədə, təhsil, səhiyyə, mədəniyyət və cəmiyyətin digər sahələrində göstərdiyi şəxsi nümunədən danışıb: “İndi YAP Daşkəsən rayon təşkilatının sıralarında qadınların sayı 42 faizdən çoxdur. Onlardan 385 nəfəri ali, 337 nəfəri orta-ixtisas, 1025 nəfəri isə ümumi orta təhsillidir. Qadın partiya üzvlərimizdən gənclərin sayı isə 513 nəfərdir. Qeyd olunan rəqəmlər son üç ildə daha sürətlə artıb. Son illər qadınların rayonumuzda rəhbər vəzifələrə irəli çəkilməsi gender bərabərliyi sahəsində aparılan düzgün siyasətin əyani təzahürüdür”.
Məruzə ətrafında Daşkəsən şəhər A.Mürsəlov adına 2 saylı tam orta məktəbin direktoru Aybəniz Vəliyeva çıxış edib.
Daha sonra YAP Daşkəsən rayon təşkilatının Qadınlar Şurasının yeni tərkibi müəyyənləşib, Rəna Aslanova yenidən YAP Daşkəsən rayon təşkilatının Qadınlar Şurasının sədri, Aybəniz Vəliyeva və Mehriban Rüstəmova sədr müavini seçiliblər, həmçinin, Qadınlar Respublika Konfransına nümayəndələr seçilib.
YAP Daşkəsən rayon təşkilatının sədri Meydanəli Yolçuyev konfransda yeni tərkibə seçilmiş qadınları təbrik edib və onlara uğurlar arzulayıb.
Sonda çıxış edən rayon İcra Hakimiyyətinin başçısı Əhəd Abıyev deyib ki, bu gün həm siyasi, həm iqtisadi sahədə qadınlarımız cəmiyyətin həyatında çox fəal rol oynayaraq övladlarının sabahı uğrunda səylə çalışırlar. Onların geniş fəaliyyəti üçün ölkədə hər cür şərait yaradılıb. Ulu öndər Heydər Əliyevin rəhbərliyi ilə ölkəmizdə qadınların fəallığının artırılması və onların ictimai proseslərdə iştirakının təşviq edilməsi istiqamətində mühüm işlər görüldüyünü vurğulayan Ə.Abıyev deyib ki, Ümummilli liderin bu müdrik siyasəti indi də Prezident İlham Əliyev tərəfindən uğurla davam etdirilir: “Azərbaycanın birinci xanımı, Heydər Əliyev Fondunun prezidenti, Milli Məclisin deputatı, UNESCO-nun və İSESCO-nun xoşməramlı səfiri Mehriban Əliyevanın, Heydər Əliyev Fondunun vitse-prezidenti Leyla xanım Əliyevanın, ölkənin ictimai-siyasi həyatında şəxsi nümunələri ilə fərqlənən yüzlərlə digər qadınlarımızın gördükləri iş, ölkənin daxilində və xaricində Azərbaycan qadını adına qazandıqları uğurlar hər birimizdə böyük fəxarət doğurur”.
Sonda Ə.Abıyev YAP Daşkəsən rayon təşkilatı Qadınlar Şurasının yeni tərkibinə seçilmiş qadınları təbrik edib və onlara uğurlar arzulayıb.

Paylaş:

Baxılıb: 1153 dəfə