YAP Kəlbəcər rayon təşkilatında 5 Oktyabr – Beynəlxalq Müəllimlər Günü qeyd olunub

Bakı:

21 °C

78 %

4 m/s

Əlaqə

AZ RU EN

Ana səhifə / YAP xəbərləri / YAP Kəlbəcər rayon təşkilatında 5 Oktyabr – Beynəlxalq Müəllimlər Günü qeyd olunub

YAP Kəlbəcər rayon təşkilatında 5 Oktyabr – Beynəlxalq Müəllimlər Günü qeyd olunub

06.10.2026 [11:43]

Yeni Azərbaycan Partiyası Kəlbəcər rayon təşkilatında 5 Oktyabr – Beynəlxalq Müəllimlər Günü münasibətilə tədbir keçirilib.

Tədbirdə əvvəlcə Ulu Öndər Heydər Əliyevin və Azərbaycanın ərazi bütövlüyü və suverenliyi uğrunda canından keçmiş şəhidlərin əziz xatirəsi bir dəqiqəlik sükutla yad edilib.

YAP Kəlbəcər rayon təşkilatının sədri Həbib Misirov çıxışında 5 Oktyabr – Beynəlxalq Müəllimlər Gününün əhəmiyyətindən bəhs olunub, müəllim əməyinin cəmiyyətin inkişafında, savadlı, vətənpərvər və milli-mənəvi dəyərlərə bağlı nəslin yetişdirilməsində mühüm rolunu vurğulayıb.
Sədr Həbib Misirov qeyd edib ki, Ulu Öndər Heydər Əliyev Azərbaycana rəhbərlik etdiyi bütün dövrlərdə təhsilin inkişafına xüsusi diqqət və qayğı göstərib, müəllim əməyini daim yüksək qiymətləndirib. Onun rəhbərliyi dövründə təhsil sisteminin inkişafı, məktəb şəbəkəsinin genişləndirilməsi və təhsilin keyfiyyətinin yüksəldilməsi istiqamətində mühüm addımlar atılıb.

Ulu Öndər Heydər Əliyevin müəyyən etdiyi siyasi kurs bu gün Prezident, Yeni Azərbaycan Partiyasının Sədri cənab İlham Əliyev tərəfindən uğurla davam etdirilir. Birinci vitse-prezident Mehriban xanım Əliyevanın da təhsil sahəsinə göstərdiyi diqqət və qayğı nəticəsində ölkədə təhsil infrastrukturunun yenilənməsi, müasir məktəblərin inşası, təhsil işçilərinin sosial rifahının yaxşılaşdırılması istiqamətində mühüm layihələr həyata keçirilir.

Tədbirdə çıxış edənlər bildiriblər ki, Prezident İlham Əliyevin rəhbərliyi ilə Qarabağ və Şərqi Zəngəzur iqtisadi rayonlarında genişmiqyaslı quruculuq və bərpa işləri aparılır. Azad edilmiş ərazilərdə yeni məktəb binaları inşa olunur, təhsil müəssisələri müasir standartlara uyğun şəkildə yenidən qurulur. Doğma Kəlbəcərdə də təhsil infrastrukturunun bərpası və müasir məktəblərin yaradılması Böyük Qayıdış proqramının mühüm istiqamətlərindən birini təşkil edir.

Çıxış edənlər qeyd ediblər ki, müəllimlərin və təhsil işçilərinin cəmiyyətin gələcəyinin formalaşmasında mühüm xidmətlər göstərdiyini qeyd edərək, onları peşə bayramı münasibətilə təbrik edib, şərəfli və məsuliyyətli fəaliyyətlərində uğurlar arzulayıblar.

Sonda YAP Kəlbəcər rayon təşkilatının ictimai-siyasi fəaliyyətində fəal iştirak edən, partiyanın inkişafına və təhsilin tərəqqisinə xidmətləri olan bir qrup üzvə Fəxri Fərmanlar təqdim olunub.

Paylaş:

Baxılıb: 128 dəfə