Dialoq, həmrəylik, qarşılıqlı hörmət və sülh

Bakı:

25 °C

31 %

2 m/s

Əlaqə

AZ RU EN

Ana səhifə / YAP xəbərləri / Dialoq, həmrəylik, qarşılıqlı hörmət və sülh

Dialoq, həmrəylik, qarşılıqlı hörmət və sülh

21.09.2026 [13:11]

Bakıda Türk Dövlətləri Təşkilatının müsəlman dini rəhbərləri Şurasının 7-ci toplantısının keçirilməsi mühüm əhəmiyyət kəsb edir. Toplantıya müxtəlif ölkələrdən dini liderlərin, alimlərin və ictimai xadimlərin qatılması əlaqələrin daha da möhkəmləndirilməsi baxımından diqqətçəkən hadisədir.

Mütəfəkkir Seyid Yəhya Bakuviyə həsr olunmuş beynəlxalq konfrans iştirakçılarını qəbul edən dövlət başçısı bir sıra nüanslara toxunub. Prezident İlham Əliyev qeyd edib ki, Azərbaycanın zəngin tarixi-mədəni irsi Türk və İslam dünyasının ortaq mənəvi xəzinəsinin mühüm hissəsini təşkil edir: “Böyük şəxsiyyətlərin yaradıcılığı Azərbaycan xalqının dünya mədəniyyətinə verdiyi töhfələrin miqyasını nümayiş etdirir. Onların irsi, əsrlər keçməsinə baxmayaraq, bu gün də sülh, insanlıq, mənəviyyat və kamillik kimi ümumbəşəri dəyərlərin təbliğinə xidmət edir”.

Prezident İlham Əliyev TDT-ni birləşdirən amillər sırasında ümumi etnik kökləri, dil və mədəniyyət yaxınlığını xüsusi vurğulayıb. O bildirib ki, bu mənəvi birlik təşkilat daxilində həmrəyliyin möhkəmlənməsinə mühüm təsir göstərir: “Azərbaycanın İslam həmrəyliyinin gücləndirilməsi istiqamətində fəaliyyəti də ardıcıl xarakter daşıyır. İslam Əməkdaşlıq Təşkilatı və ICESCO çərçivəsində müxtəlif tədbirlərin keçirilməsi, həmçinin Bakının IV İslam Həmrəyliyi Oyunlarına ev sahibliyi etməsi bu siyasətin nümunələrindəndir. Həmin Oyunların yalnız idman yarışları deyil, müsəlman ölkələri arasında birlik və həmrəyliyin nümayişi kimi qiymətləndirilməsi dövlətimizin bu istiqamətdə yanaşmasının mahiyyətini ifadə edirdi. Bu xəttin davamı kimi gələn il İslam Əməkdaşlıq Təşkilatının Zirvə Görüşünün Bakıda keçirilməsi də mühüm hadisə olacaq. Dünyada mürəkkəb proseslərin, müxtəlif bölgələrdə qarşıdurmaların davam etdiyi bir mərhələdə müsəlman ölkələrinin yüksək səviyyəli platformada bir araya gəlməsi dialoq və qarşılıqlı anlaşma baxımından əhəmiyyətlidir. Azərbaycan belə platformalarda birləşdirici və əməkdaşlığa yönəlmiş təşəbbüslərin irəli sürülməsini vacib hesab edir”.

Prezident İlham Əliyev çıxışında dini liderlərin məsuliyyəti məsələsinə də toxunub. Qeyd edib ki, dini rəhbərlərin cəmiyyətlərə ünvanladığı mesajlar geniş ictimai təsirə malikdir.

Hazırkı gərgin geosiyasi proseslərin fonunda Bakının bu tədbirlərə ev sahibliyi etməsi Azərbaycanın Türk dünyası ilə İslam aləmi arasında əlaqələrin möhkəmləndirilməsinə verdiyi əhəmiyyəti nümayiş etdirir. Dialoq, həmrəylik, qarşılıqlı hörmət və sülhü özündə tərənnüm edən Bakı toplantısında xüsusi məqam birgə səylərin artırılmasıdır. Bütün bunlar isə təşkilatın bundan sonrakı fəaliyyətinə müsbət təsir göstərəcək.

Mətanət Səfərli

YAP Nəsimi Rayon Təşkilatının əməkdaşı

Paylaş:

Baxılıb: 241 dəfə