Tarixi köklər üstündə əbədi dostluq

Bakı:

32 °C

51 %

4 m/s

Əlaqə

AZ RU EN

Ana səhifə / YAP xəbərləri / Tarixi köklər üstündə əbədi dostluq

Tarixi köklər üstündə əbədi dostluq

25.08.2026 [14:45]

Azərbaycan Respublikasının Prezidenti İlham Əliyevin Özbəkistan Respublikasına
dövlət səfəri dost və qardaş ölkələr arasında münasibətlərin bütün istiqamətlər üzrə
inkişafına mühüm töhfə verib. Səfər çərçivəsində keçirilən görüşlər, aparılan müzakirələr,
imzalanan sənədlər və həyata keçirilən bir sıra tədbirlər iki ölkə arasında əməkdaşlığın yeni
mərhələyə yüksəldiyini nümayiş etdirib.
Prezident İlham Əliyev və birinci xanım Mehriban Əliyeva avqustun 24-də
Daşkənddən Buxaraya gəliblər. Buxara Beynəlxalq Hava Limanında Azərbaycan
Prezidentini və birinci xanımı Özbəkistan Prezidenti Şavkat Mirziyoyev və xanımı
Ziroatxon Mirziyoyeva qarşılayıblar. Səfərin Buxara mərhələsi Azərbaycan və Özbəkistan
arasında dostluq münasibətlərinin yalnız siyasi və iqtisadi sahələrlə məhdudlaşmadığını,
xalqlarımızın zəngin tarixi-mədəni irsinin də bu əlaqələr üçün möhkəm əsas yaratdığını bir
daha göstərib.
Buxarada Azərbaycan və Özbəkistan prezidentləri və birinci xanımları şəhərin qədim
tarixi abidələri ilə tanış olublar. İsmayıl Samani türbəsi, “Ark” qalası və “Poyi-Kalon”
kompleksi kimi tarixi məkanların ziyarəti xalqlarımızı birləşdirən ortaq Türküstan irsinin
əhəmiyyətini nümayiş etdirib. Bu görüşlər dövlətlərarası münasibətlərin yüksək səviyyəsi
ilə yanaşı, Azərbaycan və Özbəkistan xalqları arasında mənəvi yaxınlığın da ifadəsi olub.
Səfərin əsas mərhələsi Daşkənddə keçirilib. Burada Azərbaycan və Özbəkistan
prezidentləri arasında təkbətək və geniş tərkibdə görüşlər baş tutub, Ali Dövlətlərarası
Şuranın üçüncü iclası keçirilib və müxtəlif sahələr üzrə Azərbaycan-Özbəkistan
sənədlərinin imzalanması və mübadiləsi mərasimi olub. Prezidentlər mətbuata bəyanatlarla
çıxış edərək iki ölkə arasında siyasi, iqtisadi, nəqliyyat, enerji, humanitar və digər
sahələrdə əməkdaşlığın geniş perspektivlərini vurğulayıblar.
Səfər zamanı Azərbaycanın Özbəkistanda həyata keçirdiyi layihələrin açılış və
təməlqoyma mərasimləri də keçirilib. Prezident İlham Əliyev və Prezident Şavkat
Mirziyoyev Daşkənddə Nizami Gəncəvi adına Milli Pedaqoji Universitetin açılışında
iştirak edib, “Yeni Daşkənd” şəhərsalma layihəsi ilə tanış olublar və Yeni Daşkənd
şəhərində “Azərbaycan” parkının təməlini qoyublar. Bu layihələr Azərbaycan-Özbəkistan
əlaqələrinin təhsil, mədəniyyət, şəhərsalma və investisiya sahələrində də konkret
nəticələrlə müşayiət olunduğunu göstərir.
Azərbaycan və Özbəkistanın strateji tərəfdaşlığı son illərdə davamlı şəkildə
möhkəmlənir. Dövlət başçıları arasında qarşılıqlı etimada əsaslanan siyasi dialoq, iqtisadi
əlaqələrin genişləndirilməsi, nəqliyyat-logistika imkanlarından səmərəli istifadə və
humanitar münasibətlərin inkişafı qarşılıqlı əməkdaşlığın əsas istiqamətlərindəndir. Orta

Dəhlizin imkanlarının genişləndirilməsi də Azərbaycanla Özbəkistan arasında nəqliyyat və
ticarət əlaqələrinin daha da inkişaf etdirilməsi baxımından xüsusi əhəmiyyət daşıyır.
Ümumilikdə, dövlət səfəri Azərbaycan-Özbəkistan münasibətlərinin strateji
tərəfdaşlıq və qarşılıqlı müttəfiqlik ruhunda inkişaf etdiyini bir daha təsdiqlədi. Səfər
zamanı əldə olunan razılaşmalar və yeni layihələr iki ölkənin gələcəkdə də siyasi, iqtisadi,
nəqliyyat, təhsil, mədəniyyət və digər sahələrdə əməkdaşlığını daha da genişləndirəcəyinə
əminlik yaradır. Azərbaycan və Özbəkistanın rəhbərləri arasında formalaşmış yüksək
səviyyəli qarşılıqlı etimad və dostluq münasibətləri xalqlarımızın mənafeyinə xidmət edən
birgə təşəbbüslərin davamlı inkişafı üçün möhkəm zəmin yaradır.
YAP Culfa rayon Camaldın kənd ərazi partiya təşkilatının sədri Ayaz Novruzov

Paylaş:

Baxılıb: 24 dəfə