CƏMİYYƏTİN GÜZGÜSÜ VƏ MİLLİ MARAQLARIN MÜDAFİƏÇİSİ: MÜASİR AZƏRBAYCAN MƏTBUATI

Bakı:

23 °C

60 %

6 m/s

Əlaqə

AZ RU EN

Ana səhifə / YAP xəbərləri / CƏMİYYƏTİN GÜZGÜSÜ VƏ MİLLİ MARAQLARIN MÜDAFİƏÇİSİ: MÜASİR AZƏRBAYCAN MƏTBUATI

CƏMİYYƏTİN GÜZGÜSÜ VƏ MİLLİ MARAQLARIN MÜDAFİƏÇİSİ: MÜASİR AZƏRBAYCAN MƏTBUATI

21.07.2026 [14:16]

Məlumatın sürətlə yayıldığı, informasiya müharibələrinin və rəqəmsal texnologiyaların qlobal gündəliyi müəyyən etdiyi müasir dövrdə mətbuatın rolu hər zamankından daha kritik və məsuldar xarakter daşıyır. Kütləvi İnformasiya Vasitələri (KİV) yalnız baş verən hadisələri ictimaiyyətə çatdıran vasitə deyil, həm də cəmiyyətin maariflənməsində, dövlətçilik ənənələrinin möhkəmlənməsində və milli maraqların beynəlxalq müstəvidə müdafiəsində aparıcı dayaqlardan biridir.

Azərbaycan Respublikasının Prezidenti cənab İlham Əliyevin mətbuatın fəaliyyətinə dair səsləndirdiyi strateji fikir də bu həqiqəti aydın şəkildə ifadə edir:

“Əlbəttə ki, mətbuatın fəaliyyəti hər bir insanı maraqlandırır. İnsanlar bütün məlumatı mətbuatdan alırlar. Ona görə, hər bir ölkədə, o cümlədən Azərbaycanda mətbuat qərəzsiz olmalıdır, çevik, operativ fəaliyyət göstərməlidir, insanları məlumatlarla tam şəkildə təmin etməlidir. Hesab edirəm ki, biz bunu Azərbaycanda görürük. Çünki bu gün Azərbaycan mətbuatı artıq yüksək səviyyəyə qalxıbdır. Mən həm operativlik, həm milli maraqların müdafiə edilməsi sahəsində mətbuatın fəaliyyətini yüksək qiymətləndirirəm.”

Ölkə rəhbərinin bu fikirləri müasir Azərbaycan jurnalistikasının həm bugünkü reallığını, həm də gələcək inkişaf istiqamətlərini dəqiqliklə müəyyən edən strateji xətt rolunu oynayır.

İnformasiya bolluğu və sosial şəbəkələrin sürətlə genişləndiyi bir dövrdə dəqiq və dürüst xəbərin dəyəri misilsiz dərəcədə artıb. Dövlət başçısının qeyd etdiyi kimi, insanların dünyada və ölkədə baş verənlər haqqında düzgün təsəvvür formalaşdırması məhz mətbuatın obyektivliyindən asılıdır. Mətbuatın qərəzsiz fəaliyyəti cəmiyyətdə etimad mühitinin formalaşması üçün əsas şərtdir.

Digər tərəfdən, çeviklik və operativlik xəbər istehsalında ən mühüm rəqabət üstünlüyünə çevrilmişdir. Gecikmiş məlumat nə qədər dəqiq olsa da, müasir dövrün tələblərinə cavab verə bilmir. Azərbaycan mətbuatı son illərdə rəqəmsal transformasiyaya uğrayaraq məlumatı operativ şəkildə çatdırmaq, yalan və dezinformasiyaların qarşısını dərhal almaq baxımından ciddi nailiyyətlər əldə etmişdir. Bu gün milli media resurslarımız təkcə ölkə daxilində deyil, beynəlxalq məkanda da hadisələrə anında reaksiya vermək bacarığı ilə seçilir.

Azərbaycan mətbuatının üzərinə düşən en mühüm və şərəfli vəzifələrdən biri milli maraqların müdafiəsidir. 44 günlük Vətən müharibəsi və ondan sonrakı postmünaqişə dövrü göstərdi ki, döyüş meydanında qazanılan tarixi Qələbə ilə yanaşı, informasiya cəbhəsində də gərgin və fasiləsiz mübarizə gedir.

Azərbaycanda söz və mətbuat azadlığının təmin edilməsi, media vasitələrinin müstəqilliyinin gücləndirilməsi dövlət siyasətinin prioritet istiqamətlərindəndir. Ümummilli Lider Heydər Əliyev tərəfindən sensuranın ləğv edilməsi ilə başlayan bu inkişaf yolu Prezident İlham Əliyevin rəhbərliyi ilə keyfiyyətcə yeni mərhələyə qədəm qoymuşdur.

Azərbaycan mətbuatı öz tarixi ənənələrinə sadıq qalaraq müasir dövrün çağırışlarına uğurla cavab verir. Prezident İlham Əliyevin mətbuatın fəaliyyətinə verdiyi yüksək qiymət həm də hər bir media işçisi üçün böyük məsuliyyət deməkdir. Qərəzsizlik, operativlik və milli maraqlara sadəqətlikələrini rəhbər tutan Azərbaycan mətbuatı bundan sonra da cəmiyyətin maariflənməsində və dövlətimizin qüdrətlənməsində öz mühüm töhfələrini verməyə davam edəcəkdir.

Nurlana Yusifova

YAP Samux rayon təşkilatının əməkdaşı

Paylaş:

Baxılıb: 250 dəfə