YAP Hacıqabul rayon təşkilatının partiya fəalları və gənc könüllülərinin Şamaxı şəhərinə elmi-praktik ekskursiya təşkil edilib

Bakı:

25 °C

57 %

8 m/s

AZ RU EN

Ana səhifə / YAP xəbərləri / YAP Hacıqabul rayon təşkilatının partiya fəalları və gənc könüllülərinin Şamaxı şəhərinə elmi-praktik ekskursiya təşkil edilib

YAP Hacıqabul rayon təşkilatının partiya fəalları və gənc könüllülərinin Şamaxı şəhərinə elmi-praktik ekskursiya təşkil edilib

21.07.2026 [11:04]

Azərbaycan Respublikasında elan olunmuş "Şəhərsalma və Memarlıq İli" çərçivəsində Yeni Azərbaycan Partiyası (YAP) Hacıqabul rayon təşkilatının təşəbbüsü ilə partiya fəalları və gənclərin iştirakı ilə Şamaxı şəhərinə "Əsrlərin Yaddaşı və Müasir İnnovasiyalar: Şamaxının Tarixi Şəhərsalma Kodu" adlı elmi-praktik ekskursiya keçirilmişdir.

Layihənin əsas məqsədi gənc partiya fəallarına ölkəmizin zəngin mədəni-tarixi irsini tanıtmaq, regional inkişaf və müasir şəhərsalma innovasiyalarını əyani şəkildə nümayiş etdirmək və regional gənclər şəbəkəsini gücləndirmək olmuşdur.

Şamaxı şəhərinə çatdıqdan sonra YAP Hacıqabul rayon təşkilatının fəalları ilk öncə Ümummilli Lider Heydər Əliyevin Şamaxı şəhərinin mərkəzində ucalan abidəsini ehtiramla ziyarət edib, Ulu Öndərin əziz xatirəsi qarşısında baş əyərək tər çiçəklər düzüblər. Daha sonra gənclər Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının xatirəsini yad etmək məqsədilə Şəhidlər Xiyabanını ziyarət ediblər, şəhidlərin ruhuna dərin ehtiramlarını bildiriblər.

Layihə çərçivəsində YAP Şamaxı rayon təşkilatının qərargahında rəsmi görüş və panel müzakirəsi keçirilmişdir. Hər iki rayonun fəallarının və gənclərinin birgə iştirak etdiyi "Dəyirmi masa"da müasir innovasiyalar, rəqəmsal məkanda milli irsin təbliği və gənclərin ictimai aktivliyi və regional partiya layihələri mövzularında geniş fikir mübadiləsi aparılmış, birgə rəqəmsal kontentlər hazırlanmışdır.

Rəsmi ziyarətlərin ardından zəngin proqram əsasında davam edən səfər çərçivəsində Hacıqabul fəalları və könüllüləri Şamaxı Tarix-Diyarşünaslıq Muzeyini, Cənubi Qafqazın ən qədim İslam memarlığı abidələrindən olan Şamaxı Cümə Məscidini ziyarət ediblər. Daha sonra milli maarifçiliyimizin və ədəbiyyatımızın klassikləri Mirzə Ələkbər Sabirin Ev-Muzeyi, Seyidəzim Şirvaninin məqbərəsi (Yeddi Günbəz kompleksi) və orta əsr Azərbaycan memarlıq abidəsi olan Şaxhəndan turbəsi ziyarət olunmuşdur. Gənclər abidələrin tarixi şəhərsalma strukturu ilə yaxından tanış olaraq sosial şəbəkələrdə geniş rəqəmsal təbliğat aparıblar.

Səfər proqramının asudə vaxt hissəsində partiya fəalları üçün Pirqulu kəndinin füsunkar təbiət qoynunda nahar fasiləsi təşkil olunmuşdur. Nahar zamanı regional etno-qastronomiya ilə yaxından tanış olan fəallara Şirvan bölgəsinə məxsus qədim milli mətbəx nümunələri, o cümlədən yerli sac və manqal yeməkləri təqdim edilmişdir. Layihə iştirakçıları rəqəmsal platformalarda milli kulinariya irsimizin zənginliyini əks etdirən maraqlı kontentlər hazırlayaraq paylaşıblar.

Ekskursiyanın növbəti hissəsində gənclər Şamaxı Astrofizika Rəsədxanasında elmi-modernist akademik şəhərcik modeli ilə tanış olub, ardınca qədim sənətkarlıq və müasir etno-turizmin sintezini özündə birləşdirən Dəmirçi kəndində tətbiq olunan yenilikləri və şəhərsalma infrastrukturunu incələyiblər.

Günün sonunda YAP Hacıqabul rayon təşkilatının gəncləri çay süfrəsi ətrafında gün boyu topladıqları vizual materialları, video-bloqları və öyrədici Reels çarxlarını rəsmi platformalarda paylaşaraq "Şəhərsalma və Memarlıq İli"nə rəqəmsal məkanda geniş gənclik töhfəsi vermişlər.

Layihənin icrasında göstərdikləri böyük dəstəyə və qonaqpərvərliyə görə ev sahibi Yeni Azərbaycan Partiyası Şamaxı rayon təşkilatına, təşkilatın sədri Tural Qasımlıya, aparat əməkdaşlarına, Şamaxı rayon rəhbərliyinə və partiya fəallarına təşəkkür edirik

Paylaş:

Baxılıb: 238 dəfə