Azərbaycan–Slovakiya münasibətlərində yeni mərhələ

Bakı:

26 °C

68 %

10 m/s

Əlaqə

AZ RU EN

Ana səhifə / YAP xəbərləri / Azərbaycan–Slovakiya münasibətlərində yeni mərhələ

Azərbaycan–Slovakiya münasibətlərində yeni mərhələ

17.07.2026 [12:18]

İyulun 14-də Azərbaycanın mədəniyyət paytaxtı Şuşa şəhərində Azərbaycan Respublikasının Prezidenti İlham Əliyev və Slovakiya Respublikasının Prezidenti Peter Pelleqrini mətbuata bəyanatlarla çıxış ediblər. İki ölkə liderinin görüşü Azərbaycan ilə Slovakiya arasında dostluq münasibətlərinin, siyasi dialoqun və qarşılıqlı faydalı əməkdaşlığın daha da genişləndirilməsi baxımından mühüm əhəmiyyət kəsb edir. Şuşada keçirilən bu görüş bir daha göstərdi ki, Azərbaycan beynəlxalq əməkdaşlıq və yüksək səviyyəli siyasi dialoq üçün etibarlı platformaya çevrilib.

Azərbaycan Prezidenti İlham Əliyev bəyanatında ölkələrimiz arasında münasibətlərin yüksələn xətlə inkişaf etdiyini vurğulayaraq siyasi əlaqələrin yüksək səviyyədə olduğunu bildirdi. Dövlət başçısı qeyd etdi ki, qarşılıqlı səfərlər və intensiv siyasi dialoq ikitərəfli münasibətlərin daha da möhkəmlənməsinə xidmət edir. Prezident İlham Əliyevin sözlərinə görə, Azərbaycan və Slovakiya qarşılıqlı hörmətə, etimada və beynəlxalq hüququn prinsiplərinə əsaslanan əməkdaşlıq modelini uğurla davam etdirirlər.

Dövlət başçısı iqtisadi əməkdaşlığın genişləndirilməsinin vacibliyini də xüsusi qeyd etdi. Bildirildi ki, enerji, sənaye, nəqliyyat, investisiya və ticarət sahələrində mövcud potensial iki ölkə arasında iqtisadi əlaqələrin daha da inkişaf etdirilməsi üçün geniş imkanlar yaradır. Azərbaycan Avropanın enerji təhlükəsizliyinin təmin olunmasında mühüm tərəfdaş kimi öz rolunu uğurla davam etdirir və bu istiqamətdə Slovakiya ilə əməkdaşlığın genişləndirilməsi üçün əlverişli perspektivlər mövcuddur.

Prezident İlham Əliyev çıxışında Azərbaycanın həyata keçirdiyi genişmiqyaslı enerji layihələrinin Avropanın enerji təhlükəsizliyinə mühüm töhfə verdiyini diqqətə çatdırdı. Qeyd olundu ki, ölkəmiz etibarlı enerji tərəfdaşı kimi fəaliyyətini uğurla davam etdirir və Avropa dövlətləri ilə qarşılıqlı faydalı əməkdaşlığı daim genişləndirir. Bu baxımdan Slovakiya ilə enerji sahəsində əməkdaşlığın inkişafı da xüsusi əhəmiyyət daşıyır.

Bəyanatda işğaldan azad edilmiş ərazilərdə həyata keçirilən bərpa və yenidənqurma işlərinə də toxunuldu. Prezident İlham Əliyev bildirdi ki, Qarabağ və Şərqi Zəngəzurda həyata keçirilən irimiqyaslı layihələr regionun sosial-iqtisadi inkişafına yeni imkanlar yaradır. Şuşada keçirilən görüş isə Azərbaycanın suverenliyinin tam bərpa olunmasının və bu torpaqlarda həyatın yenidən canlanmasının növbəti bariz nümunəsidir.

Dövlət başçısı beynəlxalq münasibətlərdə qarşılıqlı hörmət, bərabərlik və milli maraqlara əsaslanan əməkdaşlığın vacibliyini vurğulayaraq Azərbaycanın bu prinsiplərə sadiq qaldığını bir daha bəyan etdi. Prezident İlham Əliyevin səsləndirdiyi fikirlər göstərdi ki, ölkəmiz həm regional, həm də beynəlxalq səviyyədə etibarlı tərəfdaş kimi öz mövqeyini daha da möhkəmləndirir.

Şuşada keçirilən bu görüş və mətbuata verilən bəyanatlar Azərbaycan–Slovakiya münasibətlərinin yeni inkişaf mərhələsinə qədəm qoyduğunu nümayiş etdirdi. Prezident İlham Əliyevin bəyanatında əksini tapan əsas mesajlar iki ölkə arasında siyasi dialoqun dərinləşməsinə, iqtisadi əməkdaşlığın genişlənməsinə və qarşılıqlı etimada əsaslanan tərəfdaşlığın gələcəkdə daha da möhkəmlənəcəyinə inamı ifadə etdi.

Sahib Şükürov

YAP Göyçay rayon təşkilatının sədri

Paylaş:

Baxılıb: 44 dəfə