Müasir dünyada müharibələr fonunda Azərbaycanın sülh siyasəti və Cənab Prezident İlham Əliyevin mövqeyi

Bakı:

26 °C

50 %

6 m/s

AZ RU EN

Ana səhifə / YAP xəbərləri / Müasir dünyada müharibələr fonunda Azərbaycanın sülh siyasəti və Cənab Prezident İlham Əliyevin mövqeyi

Müasir dünyada müharibələr fonunda Azərbaycanın sülh siyasəti və Cənab Prezident İlham Əliyevin mövqeyi

15.07.2026 [16:15]

Müasir dövrdə dünya mürəkkəb geosiyasi proseslərlə müşayiət olunur. Müxtəlif regionlarda baş verən silahlı münaqişələr, beynəlxalq gərginliklər və müharibələr milyonlarla insanın həyatına mənfi təsir göstərir, ölkələrin sosial-iqtisadi inkişafını ləngidir və qlobal təhlükəsizlik üçün ciddi təhdidlər yaradır. Bu gün “biz hazırda müharibələrin əhatəsində yerləşən bir bölgədəyik” fikri reallığı əks etdirən mühüm bir həqiqətdir. Belə mürəkkəb şəraitdə hər bir dövlətin əsas məqsədi öz milli təhlükəsizliyini təmin etməklə yanaşı, regionda davamlı sülh və sabitliyin bərqərar olunmasına töhfə verməkdir.

Azərbaycan Respublikası Prezident İlham Əliyevin rəhbərliyi ilə məhz bu prinsiplərə əsaslanan ardıcıl və məqsədyönlü siyasət həyata keçirir. Dövlətimizin başçısı bütün beynəlxalq platformalarda çıxış edərək vurğulayır ki, Azərbaycan regionda uzunmüddətli sülhün, qarşılıqlı əməkdaşlığın və mehriban qonşuluq münasibətlərinin tərəfdarıdır. Azərbaycanın xarici siyasət kursunun əsas istiqamətlərindən biri beynəlxalq hüququn norma və prinsiplərinə hörmət, dövlətlərin suverenliyi və ərazi bütövlüyünün qorunmasıdır.

Uzun illər Ermənistanın işğalçılıq siyasəti nəticəsində Azərbaycan torpaqları işğal altında qalmış, bir milyondan artıq soydaşımız qaçqın və məcburi köçkün həyatı yaşamışdır. 2020-ci ildə Vətən müharibəsində qazanılmış tarixi Zəfər və sonrakı dövrdə ölkəmizin tam suverenliyinin bərpa olunması nəticəsində regionda yeni siyasi reallıqlar yaranmışdır. Cənab Prezident İlham Əliyev dəfələrlə bəyan etmişdir ki, Azərbaycan hərbi qarşıdurmanın deyil, davamlı sülhün tərəfdarıdır və regionun inkişafı yalnız qarşılıqlı etimad və əməkdaşlıq şəraitində mümkündür.

Hazırda dünyanın müxtəlif bölgələrində davam edən müharibələr bir daha sübut edir ki, sülh və təhlükəsizlik hər bir xalqın rifahının əsas şərtidir. Azərbaycan yerləşdiyi coğrafi mövqeyə görə mühüm strateji əhəmiyyət daşıyan bir regionda yerləşir. Yaxın Şərqdə, Şərqi Avropada və digər qonşu bölgələrdə baş verən hadisələr ölkəmizdən düşünülmüş, çevik və balanslaşdırılmış siyasət aparmağı tələb edir. Cənab Prezident İlham Əliyevin rəhbərliyi ilə həyata keçirilən müstəqil xarici siyasət məhz Azərbaycanın milli maraqlarının qorunmasına, təhlükəsizliyinin möhkəmləndirilməsinə və beynəlxalq nüfuzunun artırılmasına xidmət edir.

Eyni zamanda Azərbaycan beynəlxalq təşkilatlarla fəal əməkdaşlıq edir, humanitar təşəbbüslərdə iştirak edir, enerji təhlükəsizliyinin təmin olunmasına, nəqliyyat-kommunikasiya layihələrinin inkişafına və dövlətlər arasında iqtisadi əməkdaşlığın genişləndirilməsinə mühüm töhfələr verir. Bu siyasət ölkəmizin regionda etibarlı tərəfdaş kimi mövqeyini daha da möhkəmləndirir.

Prezident İlham Əliyev çıxışlarında dəfələrlə qeyd etmişdir ki, sülh yalnız silahların susması deyil, həm də xalqlar arasında qarşılıqlı etimadın, əməkdaşlığın və beynəlxalq hüququn təmin olunması deməkdir. Məhz buna görə də Azərbaycan bölgədə dayanıqlı sülh müqaviləsinin imzalanmasını, kommunikasiyaların açılmasını və regionun inkişafını dəstəkləyir.

Nəticə etibarilə, bugünkü mürəkkəb geosiyasi şəraitdə Prezident İlham Əliyevin həyata keçirdiyi uzaqgörən və praqmatik siyasət Azərbaycanın təhlükəsizliyinin möhkəmləndirilməsinə, milli maraqlarının qorunmasına və regionda davamlı sülhün təmin olunmasına xidmət edir. Müharibələrin davam etdiyi bir dövrdə sülhə çağırış, dialoq və əməkdaşlıq prinsiplərinə sadiqlik dövlətimizin əsas prioritetlərindən biridir. Azərbaycan bundan sonra da beynəlxalq hüququ rəhbər tutaraq regionda sabitliyin, təhlükəsizliyin və davamlı inkişafın təmin olunmasına öz töhfəsini verməyə davam edəcək. Mən hesab edirəm ki, müharibələrin yaşandığı bir dövrdə sülhün, sabitliyin və milli birliyin qorunması hər bir vətəndaşın ən ali məsuliyyətidir. Gənc nəslin vətənpərvərlik ruhunda, sülhə, humanizmə və milli-mənəvi dəyərlərə hörmət ruhunda tərbiyə olunması gələcəyimizin ən etibarlı təminatıdır. Prezident cənab İlham Əliyevin rəhbərliyi ilə həyata keçirilən uzaqgörən siyasətin Azərbaycanın təhlükəsizliyinin, inkişafının və beynəlxalq nüfuzunun daha da möhkəmlənməsinə xidmət etdiyinə inanıram. Əminəm ki, xalqımızın həmrəyliyi və dövlətimizin qətiyyətli siyasəti nəticəsində ölkəmiz bundan sonra da sabitlik, inkişaf və firavanlıq yolunda inamla irəliləyəcəkdir.

Səriyyə Əhmədova

YAP Naxçıvan şəhər təşkilatının ƏPT sədri

Paylaş:

Baxılıb: 291 dəfə