Avropa İttifaqı Azərbaycanın əsas ticarət tərəfdaşıdır

Bakı:

28 °C

44 %

5 m/s

Əlaqə

AZ RU EN

Ana səhifə / YAP xəbərləri / Avropa İttifaqı Azərbaycanın əsas ticarət tərəfdaşıdır

Avropa İttifaqı Azərbaycanın əsas ticarət tərəfdaşıdır

07.07.2026 [12:42]

İntiqam Quliyev

YAP Ağdam rayon təşkilatının sədr müavini

Azərbaycan müstəqilliyini bərpa etdikdən sonra xarici iqtisadi əlaqələrinin genişləndirilməsinə və dünya iqtisadiyyatına inteqrasiyasına xüsusi önəm vermişdir. Bu istiqamətdə Avropa İttifaqı ölkəmizin ən mühüm iqtisadi tərəfdaşlarından biri kimi çıxış edir. Ticarət dövriyyəsinin həcmi, investisiya qoyuluşu, enerji əməkdaşlığı və nəqliyyat layihələri baxımından Avropa İttifaqı Azərbaycanın əsas ticarət tərəfdaşı hesab olunur. Azərbaycan ilə Avropa İttifaqı arasında iqtisadi münasibətlərin əsasını qarşılıqlı fayda, etibarlı tərəfdaşlıq və uzunmüddətli əməkdaşlıq təşkil edir. Azərbaycan Avropanın enerji təhlükəsizliyinin təmin edilməsində mühüm rol oynayır. Xəzər dənizinin zəngin neft və təbii qaz ehtiyatlarının dünya bazarına çıxarılması məqsədilə həyata keçirilən iri enerji layihələri, xüsusilə Cənub Qaz Dəhlizi, Azərbaycan ilə Avropa ölkələri arasında strateji əməkdaşlığı daha da gücləndirmişdir. Nəticə etibarilə, Avropa İttifaqı Azərbaycanın əsas ticarət tərəfdaşı olmaqla yanaşı, ölkəmizin iqtisadi inkişafında və beynəlxalq əməkdaşlığının genişlənməsində mühüm rol oynayır. Gələcəkdə enerji, ticarət, investisiya, nəqliyyat və yaşıl iqtisadiyyat sahələrində əməkdaşlığın daha da dərinləşməsi həm Azərbaycan, həm də Avropa İttifaqı üçün qarşılıqlı fayda və yeni inkişaf imkanları yaradacaqdır. Avropa Komissiyasının Prezidenti xanım Ursula Fon der Lyayen iyulun 1-də Azərbaycana səfəri Azərbaycan–Avropa İttifaqı münasibətlərinin keyfiyyətcə yeni mərhələyə qədəm qoyduğunu göstərən mühüm siyasi hadisədir. Həmin gün Azərbaycan Respublikasının Prezidenti İlham Əliyevin Avropa Komissiyasının Prezidenti ilə görüşü olub, mətbuata birgə bəyanatlarla çıxış ediblər. Prezident İlham Əliyev cıxış zamanı bildirib ki, Azərbaycan uzun illərdir Avropa üçün etibarlı enerji tərəfdaşıdır və ölkə təbii qazın fasiləsiz tədarükünü təmin etməklə Avropanın enerji təhlükəsizliyinə mühüm töhfə verir. Prezident İlham Əliyev qeyd edib ki, Cənub Qaz Dəhlizi layihəsi Avropanın enerji mənbələrinin şaxələndirilməsində mühüm rol oynayır və Azərbaycanın etibarlı tərəfdaş kimi mövqeyini daha da gücləndirib. Azərbaycan artıq enerji əməkdaşlığını yalnız neft və qazla məhdudlaşdırmır. Ölkədə bərpa olunan enerji layihələri sürətlə inkişaf etdirilir, Xəzər dənizinin zəngin külək potensialından istifadə istiqamətində iri layihələr həyata keçirilir və gələcəkdə yaşıl elektrik enerjisinin Avropaya ixracı nəzərdə tutulur. Bu istiqamətdə həyata keçirilən təşəbbüslər həm Azərbaycanın iqtisadiyyatının şaxələndirilməsinə, həm də Avropanın yaşıl keçid strategiyasına töhfə verəcək. Prezident İlham Əliyev çıxışında regionda sülh gündəliyinə də toxunaraq bildirib ki, Cənubi Qafqazda davamlı sabitliyin təmin olunması iqtisadi əməkdaşlıq və regional inteqrasiya üçün geniş imkanlar yaradır. O vurğulayıb ki, sülh şəraitində nəqliyyat dəhlizlərinin inkişafı, ticarət əlaqələrinin genişlənməsi və qarşılıqlı investisiyaların artması bütün region ölkələrinin rifahına xidmət edəcək. Gələcəkdə Azərbaycan ilə Avropa İttifaqı arasında əməkdaşlığın daha da genişlənəcəyi gözlənilir. Bu əməkdaşlıq hər iki tərəfin iqtisadi maraqlarına xidmət etməklə yanaşı, regional sabitliyin, enerji təhlükəsizliyinin və davamlı inkişafın təmin olunmasına da mühüm töhfə verəcəkdir.

Paylaş:

Baxılıb: 412 dəfə