Şərur rayonunda “Xalqın xilaskarı” adlı tədbir keçirilib

Bakı:

27 °C

51 %

7 m/s

Əlaqə

AZ RU EN

Ana səhifə / YAP xəbərləri / Şərur rayonunda “Xalqın xilaskarı” adlı tədbir keçirilib

Şərur rayonunda “Xalqın xilaskarı” adlı tədbir keçirilib

10.06.2026 [13:09]

10 iyun 2026-cı il tarixdə Yeni Azərbaycan Partiyası Şərur Rayon Təşkilatı tərəfindən Püsyan kənd icra nümayəndəliyində 15 iyun Milli Qurtuluş gününə həsr olunmuş “Xalqın xilaskarı” adlı tədbir keçirilmişdir.

Tədbirdə Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edilmişdir.

Tədbirdə çıxış edən YAP Şərur rayon təşkilatının sədri Əmir Babayev bildirmişdir ki, Azərbaycan xalqının müasir tarixində mühüm yer tutan 15 İyun – Milli Qurtuluş Günü dövlət müstəqilliyimizin qorunmasının, milli birliyin təmin edilməsinin və ölkəmizin gələcək inkişafının əsasını qoyan taleyüklü bir tarixdir. Həmin gün Azərbaycan dövlətçiliyinin xilas edildiyi, xalqın gələcəyinə ümidlə baxmağa başladığı və sonrakı böyük qələbələrə aparan yolun təməlinin atıldığı gün kimi tarixə həkk olunmuşdur.

Yenidən müstəqilliyini bərpa edən Azərbaycan Respublikası ciddi siyasi, iqtisadi və hərbi problemlərlə üz-üzə qalmışdı. Ölkədə hakimiyyət böhranı hökm sürür, iqtisadiyyat tənəzzülə uğrayır, Ermənistanın hərbi təcavüzü nəticəsində torpaqlarımız işğal edilir, daxildə isə separatçılıq və qarşıdurmalar güclənirdi. Dövlət müstəqilliyinin itirilməsi təhlükəsi getdikcə daha real xarakter alırdı. Belə mürəkkəb və həlledici bir zamanda xalqın təkidli tələbi ilə ümummilli lider Heydər Əliyev yenidən siyasi hakimiyyətə qayıtdı.

Əmir Babayev çıxışında həmçinin qeyd etmişdir ki,1993-cü il iyunun 15-də Heydər Əliyevin Azərbaycan Ali Sovetinin sədri seçilməsi ölkənin həyatında yeni bir mərhələnin başlanğıcı oldu. Bu hadisə Azərbaycan dövlətçiliyinin xilası, sabitliyin bərpası və inkişaf strategiyasının müəyyənləşdirilməsi baxımından dönüş nöqtəsinə çevrildi. Məhz buna görə də həmin tarix sonralar Milli Qurtuluş Günü elan edildi. Heydər Əliyevin hakimiyyətə qayıdışından sonra ölkədə siyasi sabitliyin təmin olunması istiqamətində mühüm addımlar atıldı. Hüquqi və demokratik dövlət quruculuğu prosesinə başlanıldı. Cəmiyyət daxilində birlik və həmrəylik möhkəmləndirildi. Azərbaycanın müstəqil dövlət kimi mövcudluğunu təhlükə altına alan amillər aradan qaldırıldı və ölkə inkişaf yoluna qədəm qoydu.Tarix göstərdi ki, 15 İyun yalnız bir qurtuluş günü deyil, həm də gələcək zəfərlərin başlanğıcı idi. Milli Qurtuluşdan sonra yaradılan siyasi sabitlik, iqtisadi güc və hərbi potensial sonrakı illərdə ölkəmizin ən böyük məqsədinə – ərazi bütövlüyünün bərpasına xidmət etdi.işğaldan azad edilmiş torpaqlarda genişmiqyaslı bərpa və yenidənqurma işlərinin aparılması, Azərbaycan Bayrağının Qarabağda və Şərqi Zəngəzurda qürurla dalğalanması Milli Qurtuluş ideyalarının təntənəsidir. Vaxtilə dağılmaq təhlükəsi ilə üzləşən Azərbaycan bu gün güclü iqtisadiyyata, qüdrətli orduya və yüksək beynəlxalq nüfuza malik müstəqil dövlətdir.Milli Qurtuluş Günü Azərbaycan xalqının birlik, həmrəylik və dövlətçilik iradəsinin təcəssümüdür. Məhz buna görə də 15 İyun Azərbaycan tarixində tarixi qələbəyə aparan yolun başlanğıcı, müstəqilliyimizin xilası və dövlətçiliyimizin yenidən yüksəlişi kimi böyük ehtiramla qeyd olunur.

Sonra tədbirdə məruzə ətrafında Püsyan kənd ərazi partiya təşkilatının sədri Tacir Rəcəbov, Püsyan kənd tam orta məktəbinin müəllimi Türkan Şahhüseynova çıxış etmişlər.

Tədbirdə YAP- sıralarına daxil olan bir neçə yeni üzvlərə vəsiqəqlər təqdim olunmuşdur.

Paylaş:

Baxılıb: 290 dəfə