Enerji siyasəti uğurla davam etdirilir

Bakı:

28 °C

44 %

4 m/s

Əlaqə

AZ RU EN

Ana səhifə / YAP xəbərləri / Enerji siyasəti uğurla davam etdirilir

Enerji siyasəti uğurla davam etdirilir

03.06.2026 [10:37]

İntiqam Quliyev

YAP Ağdam rayon təşkilatının sədr müavini

Azərbaycanın müstəqillik tarixində enerji sektoru ölkənin iqtisadi inkişafında və beynəlxalq mövqeyinin möhkəmlənməsində mühüm rol oynamışdır. Azərbaycanın Avropa İttifaqı ilə enerji sahəsində əməkdaşlığı ildən-ilə genişlənir. Avropa ölkələrinin Azərbaycan qazına tələbatı artmaqda davam edir. Bu isə Azərbaycanın etibarlı tərəfdaş kimi qaz təchizatında sabit və məsuliyyətli siyasət yürütməsinin nəticəsidir. Azərbaycan enerji sahəsində üzərinə götürdüyü bütün öhdəlikləri daim vaxtında və tam şəkildə yerinə yetirir. 2026-cı il iyunun 1-də Prezident İlham Əliyev Bakı Enerji Həftəsinin rəsmi açılış mərasimində çıxış edərək Azərbaycanın beynəlxalq enerji sistemində oynadığı mühüm rolu, enerji təhlükəsizliyinə verdiyi töhfələri və gələcək strateji hədəflərini diqqətə çatdırdı. Dövlət başçısının çıxışı ölkəmizin enerji siyasətinin uğurlarını və qlobal enerji əməkdaşlığında artan nüfuzunu bir daha nümayiş etdirdi. Prezident İlham Əliyev enerji keçidi məsələsinə də toxunaraq ənənəvi enerji resursları ilə bərpaolunan enerji mənbələri arasında balansın qorunmasının vacibliyini qeyd etdi. Dövlət Başçısı öz çıxışı zamanı bildirdi ki, Bu gün Avropa enerji bazarının Cənub Qaz Dəhlizi olmadan necə olacağını təsəvvür etmək çətindir. Qeyd etdiyim kimi, biz sayı artmaqda olan ölkələri qazla təchiz edirik. Keçən il burada “Bakı Enerji Həftəsi”ndə mən auditoriyaya məlumat verdim ki, Azərbaycan qazını 12 ölkə alır. Bu gün onların sayı 16-dır və onlardan 10-u Avropa İttifaqına üzv olan ölkələrdir. Bu ölkələrin sayı, əlbəttə ki, artacaqdır. Boru xətti ilə qazın müxtəlif ölkələrə nəql edilməsi, ərazi və coğrafiya kimi parametrlərə baxsanız görərsiniz ki, biz dünyada birinciyik. Biz qaz təchizatımızı artıracağıq. Yeri gəlmişkən, bu gün bizdə bir neçə sənədin imzalanma mərasimi olacaq. Mən xüsusilə “Azəri-Çıraq-Günəşli” dərin qaz layihəsini vurğulamaq istəyirəm, biz bunu belə adlandırırıq. Bu layihə üzrə Abşeron yatağı və bir çox digər yataqlarla yanaşı, əlavə qaz hasil ediləcəkdir. Beləliklə, bizim qlobal enerji təhlükəsizliyinə töhfəmiz, əlbəttə ki, artacaqdır. Forum çərçivəsində səsləndirilən fikirlər göstərir ki, Azərbaycanın enerji siyasəti yalnız karbohidrogen ehtiyatlarının ixracı ilə məhdudlaşmır. Ölkəmiz həm də yaşıl enerji keçidində regional liderə çevrilməkdədir. Bütün bunlar onu göstərir ki, Prezident İlham Əliyevin rəhbərliyi ilə həyata keçirilən uzaqgörən enerji siyasəti Azərbaycanın beynəlxalq nüfuzunu əhəmiyyətli dərəcədə artırıb. Bu platforma Azərbaycanın etibarlı enerji tərəfdaşı kimi beynəlxalq nüfuzunun daha da artmasına xidmət edir.

Bu gün Azərbaycan Respublikası Prezidenti İlham Əliyevin rəhbərliyi ilə enerji siyasəti uğurla davam etdirilir. Neft və qaz layihələri ilə yanaşı, bərpa olunan enerji mənbələrinin inkişafına da xüsusi diqqət yetirilir.

Paylaş:

Baxılıb: 430 dəfə