Azərbaycanın enerji siyasətinin yeni mərhələsi

Bakı:

20 °C

77 %

3 m/s

Əlaqə

AZ RU EN

Ana səhifə / YAP xəbərləri / Azərbaycanın enerji siyasətinin yeni mərhələsi

Azərbaycanın enerji siyasətinin yeni mərhələsi

03.06.2026 [10:07]

2026-cı il iyunun 1-də Azərbaycan Respublikasının Prezidenti cənab İlham Əliyev Bakı Ekspo Mərkəzində keçirilən Bakı Enerji Həftəsinin rəsmi açılış mərasimində çıxış edərək ölkəmizin enerji strategiyasının əsas istiqamətlərini, beynəlxalq əməkdaşlıq sahəsində əldə olunan uğurları və yaşıl enerji gündəliyini geniş şəkildə təqdim edib. Tədbir çərçivəsində 31-ci Beynəlxalq Xəzər Neft və Qaz Sərgisi “Caspian Oil and Gas”, 14-cü Xəzər Beynəlxalq Təmiz Enerji Sərgisi “Caspian Power” və 31-ci “Baku Energy Forum” öz işinə başlayıb.
Prezident İlham Əliyev vurğulayıb ki, vaxtilə əsası qoyulan Xəzər Neft və Qaz Sərgisi müasir Azərbaycanın enerji inkişafının bünövrəsini təşkil edib və illər keçdikcə beynəlxalq enerji ictimaiyyətinin ən nüfuzlu platformalarından birinə çevrilib. Dövlət başçısı qeyd edib ki, məhz bu təşəbbüslər nəticəsində Azərbaycan qlobal enerji təhlükəsizliyinin etibarlı tərəfdaşı kimi mövqeyini daha da möhkəmləndirib.

Çıxışında Prezident İlham Əliyev ölkənin zəngin qaz ehtiyatlarına da toxunaraq bildirib ki, Azərbaycanın mövcud təbii qaz resursları ən azı növbəti yüz il ərzində həm daxili tələbatın, həm də tərəfdaş ölkələrin ehtiyaclarının ödənilməsinə imkan verir. Bununla yanaşı, Azərbaycan yalnız ənənəvi enerji mənbələrinə arxalanmır, eyni zamanda bərpaolunan enerji sektorunun inkişafına böyük həcmdə investisiyalar cəlb edir. Dövlət başçısının sözlərinə görə, bu sahədə investorlar üçün yaradılan əlverişli şərait vaxtilə neft-qaz sektoruna tətbiq edilən uğurlu əməkdaşlıq modelinə əsaslanır.

Prezident İlham Əliyev Azərbaycanın enerji siyasətinin mühüm istiqamətlərindən biri kimi yaşıl enerji keçidini xüsusi vurğulayıb. Qarabağ və Şərqi Zəngəzur iqtisadi rayonlarında həyata keçirilən “yaşıl enerji zonası” layihələrinin ölkənin enerji balansında mühüm rol oynayacağını qeyd edən dövlət başçısı, Azərbaycanın həm ənənəvi enerji ixracatçısı, həm də gələcəyin təmiz enerji mərkəzlərindən biri olmağa iddialı olduğunu bildirib.

Çıxış zamanı beynəlxalq əməkdaşlıq məsələlərinə də geniş yer ayrılıb. Prezident İlham Əliyev Bakı Enerji Həftəsinin artıq qlobal enerji dialoqu üçün mühüm platformaya çevrildiyini qeyd edib, müxtəlif ölkələrin liderlərinin və beynəlxalq təşkilatların tədbirə göstərdiyi diqqətin Azərbaycanın artan nüfuzunun göstəricisi olduğunu vurğulayıb.

Bakı Enerji Həftəsinin rəsmi açılış mərasimində səsləndirilən fikirlər bir daha göstərdi ki, Azərbaycan enerji təhlükəsizliyi, iqtisadi inkişaf və yaşıl enerji transformasiyası istiqamətlərində ardıcıl siyasət həyata keçirir. Prezident İlham Əliyevin çıxışı ölkəmizin enerji sektorunda əldə etdiyi nailiyyətləri nümayiş etdirməklə yanaşı, Azərbaycanın qlobal enerji bazarında etibarlı tərəfdaş və strateji oyunçu kimi mövqeyinin daha da gücləndiyini təsdiqlədi.

Gündüz Alıkişiyev

YAP Tərtər rayon təşkilatının məsləhətçisi

Paylaş:

Baxılıb: 448 dəfə