“Azərbaycanın müstəqillik tarixinə yazılan şanlı Zəfər” mövzusunda tədbir keçirilib

Bakı:

19 °C

52 %

2 m/s

Əlaqə

AZ RU EN

Ana səhifə / YAP xəbərləri / “Azərbaycanın müstəqillik tarixinə yazılan şanlı Zəfər” mövzusunda tədbir keçirilib

“Azərbaycanın müstəqillik tarixinə yazılan şanlı Zəfər” mövzusunda tədbir keçirilib

25.05.2026 [23:40]

“Şəhərsalma və Memarlıq İli” çərçivəsində Yeni Azərbaycan Partiyasının (YAP) Laçın rayon təşkilatının 35 saylı ərazi partiya təşkilatının təşkilatçılığı ilə Laçın rayonu 10 nömrəli tam orta ümumtəhsil məktəbində “Azərbaycanın müstəqillik tarixinə yazılan şanlı Zəfər” mövzusunda tədbir keçirilmişdir.
Tədbirdə YAP Laçın rayon təşkilatının sədri İlqar İlyasov, şəhid ailələri, Laçın rayonu 10 nömrəli tam orta ümumtəhsil məktəbinin kollektivi, partiya fəalları, valideynlər və ictimaiyyət nümayəndələri iştirak etmişlər.
Əvvəlcə Ümummilli Lider Heydər Əliyevin, həmçinin Azərbaycanın ərazi bütövlüyü və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilmiş, Azərbaycan Respublikasının Dövlət Himni səsləndirilmişdir.
Tədbirdə çıxış edən YAP Laçın rayon təşkilatının sədri İlqar İlyasov Azərbaycanın müstəqillik tarixinin şanlı səhifələrindən, Prezident İlham Əliyevin rəhbərliyi ilə qazanılmış möhtəşəm Zəfərdən və işğaldan azad edilmiş ərazilərdə həyata keçirilən genişmiqyaslı bərpa-quruculuq işlərindən bəhs etmişdir.
İlqar İlyasov qeyd etmişdir ki, 44 günlük Vətən müharibəsində Azərbaycan Ordusu torpaqlarımızı işğaldan azad edərək ölkəmizin ərazi bütövlüyünü və suverenliyini tam təmin etmişdir. O vurğulamışdır ki, hazırda Qarabağ və Şərqi Zəngəzurda müasir şəhərsalma konsepsiyası əsasında geniş quruculuq işləri həyata keçirilir, yeni yaşayış məntəqələri salınır, yollar, məktəblər, xəstəxanalar və digər sosial obyektlər inşa olunur.
Çıxışı zamanı “Böyük Qayıdış” proqramının uğurla icra edildiyini diqqətə çatdıran İlqar İlyasov bildirmişdir ki, keçmiş məcburi köçkünlərin doğma torpaqlarına qayıdışı mərhələli şəkildə təmin edilir və azad edilmiş ərazilər regionun ən müasir yaşayış məkanlarına çevrilir.
Tədbirdə çıxış edən şəhid Nicat Abdullayevin anası Sara Abdullayeva, Laçın rayonu 10 nömrəli tam orta ümumtəhsil məktəbinin direktor vəzifəsini müvəqqəti icra edən Günel Süleymanova, Azərbaycan Memarlıq və İnşaat Universitetinin nəzdində fəaliyyət göstərən İnşaat Kollecinin tərbiyə işləri üzrə direktor müavini Şamama Əmirova, məktəbin ibtidai sinif müəllimi Nərgiz Nəcəfova və Musa Məmmədov Azərbaycanın müstəqillik yolu, şəhidlərin qəhrəmanlığı, gənclərin vətənpərvərlik ruhunda tərbiyəsinin əhəmiyyəti və ölkəmizin inkişaf strategiyası barədə fikirlərini bölüşmüşlər.
Çıxışlarda vurğulanmışdır ki, hər bir xalqın tarixində onun taleyini dəyişən, milli mənliyini ucaldan və gələcəyə inamını möhkəmləndirən taleyüklü məqamlar olur. Azərbaycan xalqı üçün belə bir tarixi mərhələ müstəqillik tariximizin ən parlaq səhifəsi olan Vətən müharibəsində qazanılmış möhtəşəm Zəfərdir.
Qeyd olunmuşdur ki, bu Zəfər yalnız hərbi uğur deyil, eyni zamanda otuz illik yurd həsrətinə son qoyan, milli qüruru bərpa edən və xalqın birliyini bütün dünyaya nümayiş etdirən böyük tarixi hadisədir. 2020-ci ilin payızında yazılmış bu qəhrəmanlıq salnaməsi Azərbaycanın güclü dövlətə, sarsılmaz orduya və həmrəy xalqa malik olduğunu bir daha sübut etmişdir.
Tədbir çərçivəsində Laçın rayonu 10 nömrəli tam orta ümumtəhsil məktəbinə YAP Laçın rayon təşkilatı tərəfindən təşəkkürnamə təqdim edilmişdir.
Sonda məktəblilərin iştirakı ilə vətənpərvərlik mövzusunda hazırlanmış bədii proqram təqdim olunmuşdur.

Paylaş:

Baxılıb: 124 dəfə