Kəlbəcərdə şəhid Şahin Çıraqovun xatirəsinə həsr olunan tədbir keçirildi

Bakı:

19 °C

83 %

14 m/s

Əlaqə

AZ RU EN

Ana səhifə / YAP xəbərləri / Kəlbəcərdə şəhid Şahin Çıraqovun xatirəsinə həsr olunan tədbir keçirildi

Kəlbəcərdə şəhid Şahin Çıraqovun xatirəsinə həsr olunan tədbir keçirildi

22.05.2026 [15:39]

Kəlbəcər Rayon İcra Hakimiyyəti, Yeni Azərbaycan Partiyası Kəlbəcər rayon təşkilatı və Tərtər rayonunun Şıxarx qəsəbəsində fəaliyyət göstərən şəhid Şahin Çıraqov adına Kəlbəcər rayon 36 nömrəli tam orta məktəbin birgə təşkilatçılığı ilə 1-ci Qarabağ müharibəsi şəhidi Şahin Çıraqovun xatirəsinə həsr olunmuş tədbir keçirilib.

Tədbirdə YAP Kəlbəcər rayon təşkilatının sədri Həbib Misirov, Kəlbəcər Rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili sektorunun müdiri Tural Orucov, Milli Məclisin deputatı Mircəlil Qasımlının köməkçisi Anar Əliyev, məktəbin direktoru Aidə Ocaqova, şəhidin qohumu, Yol Yaşıllaşdırma və Ekologiya MMC-nin direktoru Nizami Çıraqov, Tərtər Peşə Məktəbinin direktor müavini, aqrar elmlər üzrə fəlsəfə doktoru Bəhruz Nəzərov, Vətən müharibəsi şəhidi Xəyal Aslanovun anası Nəzakət Aslanova, şəhid ailələri və məktəbin kollektivi iştirak ediblər.

Əvvəlcə Ümummilli Lider Heydər Əliyevin və Azərbaycanın ərazi bütövlüyü uğurunda canlarından keçmiş şəhidlərimizin əziz xatirəsi bir dəqiqəlik sükutla yad olunub.

YAP Kəlbəcər rayon təşkilatının sədri Həbib Misirov, Kəlbəcər Rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili sektorunun müdiri Tural Orucov, Milli Məclisin deputatı Mircəlil Qasımlının köməkçisi Anar Əliyev, məktəbin direktoru Aidə Ocaqova, şəhidin qohumu, Yol Yaşıllaşdırma və Ekologiya MMC-nin direktoru Nizami Çıraqov, Tərtər Peşə Məktəbinin direktor müavini, aqrar elmlər üzrə fəlsəfə doktoru Bəhruz Nəzərov, Vətən müharibəsi şəhidi Xəyal Aslanovun anası Nəzakət Aslanova, Məxmər Baxşəliyeva və digər çıxış edənlər bildiriblər ki, Ulu Öndər Heydər Əliyevin hakimiyyətə qayıdışı Azərbaycan dövlətçiliyinin xilasında mühüm rol oynayıb. Qeyd olunub ki, həmin dövrdə ölkədə ictimai-siyasi sabitliyin təmin edilməsi, ordu quruculuğunun gücləndirilməsi və iqtisadi inkişaf istiqamətində mühüm addımlar atılıb. Çıxışçılar vurğulayıblar ki, Ulu Öndərin siyasi kursunu uğurla davam etdirən Azərbaycan Prezidenti İlham Əliyevin rəhbərliyi ilə Vətən müharibəsində tarixi Zəfər qazanılıb, torpaqlarımız işğaldan azad edilərək ölkəmizin suverenliyi tam bərpa olunub.Çıxışlar zamanı qeyd edilib ki, bu gün dövlət tərəfindən şəhid ailələrinə və qazilərə xüsusi diqqət və qayğı göstərilir, onların sosial rifahının yaxşılaşdırılması istiqamətində mühüm tədbirlər həyata keçirilir. Azərbaycan Respublikasının Birinci vitse-prezidenti Mehriban Əliyevanın şəhid ailələrinə göstərdiyi diqqət və həssas münasibət xüsusi vurğulanıb.Çıxış edənlər erməni separatçılarına qarşı mərdliklə mübarizə aparan şəhid Şahin Çıraqovun keçdiyi şərəfli döyüş yolundan, göstərdiyi qəhrəmanlıq və şücaət nümunələrindən ətraflı bəhs ediblər. Bildirilib ki, Şahin Çıraqov Vətən uğurunda gedən döyüşlərdə böyük igidlik göstərərək torpaqlarımızın azadlığı naminə canından keçib və daim xalqımızın qəlbində yaşayacaq qəhrəman oğullarımızdan biridir.Şəhidlərin xatirəsinin əbədiləşdirilməsinin vacibliyindən danışan çıxışçılar qeyd ediblər ki, qəhrəman oğullarımızın keçdiyi şərəfli döyüş yolu gənc nəsilə örnək kimi təbliğ olunmalıdır. Bildirilib ki, məhz belə igid oğullarımızın şücaəti sayəsində Azərbaycanın ərazi bütövlüyü və suverenliyi bərpa olunub.Çıxışçılar şəhid ailələrinə göstərilən dövlət qayğısına görə Prezident İlham Əliyevə və Birinci vitse-prezident Mehriban Əliyevaya minnətdarlıqlarını ifadə ediblər.
Tədbir çərçivəsində məktəblilər tərəfindən şəhidlərə həsr olunmuş vətənpərvərlik mövzusunda şeirlər səsləndirilib.

Sonda Yeni Azərbaycan Partiyasının fəaliyyətində fəallıq göstərən bir qrup üzvə fəxri fərmanlar təqdim olunub.

Paylaş:

Baxılıb: 252 dəfə