Azərbaycan güləşinin gələcək perspektivləri

Bakı:

23 °C

68 %

3 m/s

Əlaqə

AZ RU EN

Ana səhifə / YAP xəbərləri / Azərbaycan güləşinin gələcək perspektivləri

Azərbaycan güləşinin gələcək perspektivləri

04.05.2026 [18:09]

Azərbaycan Respublikasının Prezidenti İlham Əliyev Avropa çempionatında komanda hesabında birinci yerə layiq görülən milli güləş komandamızın üzvlərini qəbul edib. Görüş ölkəmizdə idmana göstərilən yüksək diqqət və qayğının növbəti təzahürü olmaqla yanaşı, Azərbaycan güləş məktəbinin beynəlxalq arenada qazandığı uğurların əhəmiyyətini bir daha nümayiş etdirib.

Dövlət başçısı görüş zamanı çıxış edərək idmançıları möhtəşəm qələbə münasibətilə təbrik edib, onların göstərdiyi əzmkarlıq, peşəkarlıq və vətənpərvərlik hissinin hər kəs üçün nümunə olduğunu vurğulayıb. Prezident qeyd edib ki, Azərbaycan idmançıları beynəlxalq yarışlarda ölkəmizi layiqincə təmsil edir, dövlət bayrağını yüksəklərə qaldırır və himnimizi səsləndirirlər. Bu nailiyyətlər həm də ölkədə aparılan məqsədyönlü idman siyasətinin uğurlu nəticəsidir.

Görüşdə bildirilib ki, Azərbaycan son illər idman sahəsində böyük uğurlara imza atıb və xüsusilə güləş növü üzrə əldə olunan nəticələr diqqətəlayiqdir. Qazanılan medallar, komanda hesabında birincilik və beynəlxalq arenada artan nüfuz milli idman strategiyasının düzgün qurulduğunu təsdiqləyir. Prezident İlham Əliyev vurğulayıb ki, dövlət tərəfindən idmançılara hərtərəfli şərait yaradılır, onların hazırlıq prosesinə xüsusi diqqət yetirilir və bu siyasət bundan sonra da davam etdiriləcək.

Milli komandanın üzvləri göstərilən yüksək diqqət və qayğıya görə dövlət başçısına minnətdarlıqlarını bildiriblər. Onlar qeyd ediblər ki, əldə etdikləri uğurların arxasında dövlətin dəstəyi, məşqçilərin zəhməti və ölkədə yaradılmış güclü idman infrastrukturu dayanır. Güləşçilər gələcək yarışlarda da Azərbaycanın idman şərəfini qorumaq və yeni qələbələr qazanmaq üçün əllərindən gələni əsirgəməyəcəklərini bildiriblər.

Görüş zamanı idmanın inkişaf perspektivləri, gənclərin bu sahəyə cəlb olunması və yeni nəsil idmançıların yetişdirilməsi məsələləri də müzakirə olunub. Prezident İlham Əliyev qeyd edib ki, sağlam həyat tərzinin təbliği və idmana marağın artırılması dövlət siyasətinin əsas istiqamətlərindən biridir. Bu baxımdan güləşçilərin uğurları gənclər üçün böyük motivasiya mənbəyidir.

Sonda xatirə şəkli çəkdirilib və idmançılara gələcək yarışlarda uğurlar arzulanıb. Bu görüş bir daha göstərdi ki, Azərbaycanda idmana verilən dəyər və göstərilən diqqət ölkənin beynəlxalq arenada uğurlarını şərtləndirən əsas amillərdən biridir.

Rauf Nəcəfov

YAP Sədərək rayon təşkilatının məsləhətçisi

Paylaş:

Baxılıb: 512 dəfə