“Zərifə xanım Əliyevanın keçdiyi şərəfli həyat yolu kamillik və müdriklik məktəbidir”

Bakı:

18 °C

77 %

7 m/s

Əlaqə

AZ RU EN

Ana səhifə / YAP xəbərləri / “Zərifə xanım Əliyevanın keçdiyi şərəfli həyat yolu kamillik və müdriklik məktəbidir”

“Zərifə xanım Əliyevanın keçdiyi şərəfli həyat yolu kamillik və müdriklik məktəbidir”

28.04.2026 [17:16]

Görkəmli oftalmoloq-alim və ictimai xadim akademik Zərifə Əliyevanın 103-cü ildönümü münasibəti ilə Gəncə şəhər İcra Hakimiyyəti və Yeni Azərbaycan Partiyasının (YAP) Gəncə şəhər təşkilatının birgə təşkilatçılığı ilə “Zərifə xanım Əliyevanın keçdiyi şərəfli həyat yolu kamillik və müdriklik məktəbidir” adlı dəyirmi masa keçirilib.

Tədbir Ulu Öndər Heydər Əliyevin, akademik Zərifə xanım Əliyevanın, Azərbaycanın ərazi bütövlüyü uğrunda canlarını qurban vermiş şəhidlərimizin xatirəsinin bir dəqiqəlik sükutla yad edilməsi ilə başlayıb.

Gəncə şəhər İcra Hakimiyyətinin başçısının müavini Adil Tağıyev çıxış edərək, bildirib ki, böyük alim və ictimai xadim, nəcib insani keyfiyyətlərə malik görkəmli şəxsiyyət Zərifə xanım Əliyeva böyük alim olmaqla yanaşı, görkəmli ictimai xadim kimi də Azərbaycan tarixində xüsusi yer tutur. Zərifə xanım Əliyevanın həyatında səmimilik, doğma ocağa, xalqa və Vətənə məhəbbət hər zaman öndə olub. Əməksevərliyi, təmənnasız xeyirxahlığı, fitri istedadı hesabına ən ali zirvəni fəth edən Zərifə xanım Əliyevanın xalq qarşısındakı xidmətləri ölçüyəgəlməzdir.

Neçə-neçə gözə şəfa bəxş edən, neçə-neçə görməyən insanların qaranlıq dünyasını işıqlandıran görkəmli oftalmoloq-alim Zərifə xanım Əliyevanın çoxillik fəaliyyəti dövründə Azərbaycan oftalmologiya elminin beynəlxalq aləmdə tanıdmasından danışan YAP İdarə Heyətinin üzvü, millət vəkili Pərvin Kərimzadə vurğulayıb ki, Zərifə xanım Əliyeva Azərbaycan qadınının müdrikliyini, zəkasını, fədakarlığını və yüksək əxlaqını özündə cəmləşdirən nadir bir sima idi.

Gəncə Dövlət Universiretinin prorektoru Gülsüm Fətəliyeva bildirib ki, Zərifə xanım Əliyevanın ömür yolu təsdiq edir ki, bir qadın eyni zamanda alim, ana, həyat yoldaşı və cəmiyyət üçün dəyərli bir şəxsiyyət ola bilər. Onun timsalında Azərbaycan qadının elmə, ailəyə və Vətənə sədaqətin parlaq nümunəsini görürük.

Gəncə Tibb Kollecinin direktoru, Əməkdar həkim Mehman Rzayev qeyd edib ki, Zərifə xanım Əliyeva parlaq zəkası, yüksək insani keyfiyyətləri və Vətəninə olan sonsuz məhəbbəti ilə elmi irsimizdə silinməz iz qoymuş nadir şəxsiyyətlərdən biridir. Eyni zamanda, akademik Zərifə Əliyeva oftalmologiya sahəsində müstəsna xidmətləri ilə yadda qalıb. Onun adı bu gün də Azərbaycan səhiyyəsində yüksək hörmətlə çəkilir.

Gəncə şəhər Oftalmoloji Xəstəxanasının həkimi Ruhiyyə Məmmədova Zərifə xanım Əliyevanın elmi-praktik irsindən söz açaraq, onun elmdə bir çox ilklərə imza atdığını qeyd edib: “Zərifə xanım Əliyeva oftalmologiya elminin inkişafı yolunda əldə etdiyi nailiyyətləri, mükafatları Azərbaycan oftalmologiya elminə verilən yüksək qiymət kimi dəyərləndirib”.

YAP İdarə Heyətinin üzvü, YAP Gəncə şəhər təşkilatının sədri Bayram Aslanov çıxış edərək, akademik Zərifə Əliyevanın zəngin mənəviyyata sahib əsl ziyalı kimi mənalı ömür yolu keçdiyini, əhatəli elmi fəaliyyəti ilə ölkəmizdə tibb sahəsinin inkişafına əhəmiyyətli töhfələr verdiyini vurğulayıb.

Sonda akademik Zərifə Əliyevanın ömür yoluna və zəngin elmi fəaliyyətinə həsr edilmiş sənədli film nümayiş etdirilib.

Paylaş:

Baxılıb: 244 dəfə