Qarşılıqlı etimad və mehriban qonşuluq prinsipləri

Bakı:

29 °C

42 %

5 m/s

Əlaqə

AZ RU EN

Ana səhifə / YAP xəbərləri / Qarşılıqlı etimad və mehriban qonşuluq prinsipləri

Qarşılıqlı etimad və mehriban qonşuluq prinsipləri

08.04.2026 [10:54]

Prezident İlham Əliyevin rəhbərliyi ilə həyata keçirilən çoxşaxəli və uzaqgörən dövlət siyasəti nəticəsində Azərbaycan müasir dövrün mürəkkəb geosiyasi şəraitində öz milli maraqlarını qətiyyətlə qoruyur. Son illər ərzində ölkəmizin həm regionda, həm də qlobal arenada artan nüfuzu aparılan ardıcıl islahatların və strateji xarici siyasət kursunun məntiqi nəticəsidir. Dövlət başçısının müəyyən etdiyi prioritetlər iqtisadi şaxələndirməni sürətləndirməklə yanaşı, Azərbaycanı Avropanın enerji təhlükəsizliyində əvəzolunmaz tərəfdaşa çevirmiş, irimiqyaslı nəqliyyat-logistika layihələri vasitəsilə ölkəmizin tranzit potensialını maksimum dərəcədə gücləndirmişdir.

Bu strateji xəttin ən önəmli istiqamətlərindən biri qonşu dövlətlərlə, xüsusən də tarixi dostluq köklərinə malik olan Gürcüstanla münasibətlərin keyfiyyətcə yeni müstəviyə qaldırılmasıdır. Cari ilin 6 aprel tarixində Prezident İlham Əliyevin Gürcüstana reallaşdırdığı rəsmi səfər və bu çərçivədə mətbuata verdiyi bəyanat iki ölkə arasındakı strateji tərəfdaşlığın sarsılmazlığını bir daha nümayiş etdirdi. Səfər zamanı aparılan yüksək səviyyəli müzakirələr göstərdi ki, Azərbaycan və Gürcüstan arasındakı əlaqələr təkcə ikitərəfli formatda deyil, həm də regional və qlobal təhlükəsizlik kontekstində böyük əhəmiyyət kəsb edir.

Dövlət başçısı öz çıxışında xüsusi olaraq vurğuladı ki, Azərbaycan və Gürcüstan arasındakı münasibətlər qarşılıqlı etimad və mehriban qonşuluq prinsipləri üzərində qurulub. Bu əməkdaşlıq modeli Cənubi Qafqazda sabitliyin qorunmasında həlledici rol oynayır. Enerji sektorundakı birgə fəaliyyət, xüsusilə Cənub Qaz Dəhlizinin uğurlu istismarı hər iki ölkənin beynəlxalq enerji xəritəsindəki mövqeyini möhkəmləndirir. Azərbaycanın zəngin karbohidrogen ehtiyatlarının Gürcüstan ərazisi vasitəsilə dünya bazarlarına çıxarılması bölgəyə investisiya axınını stimullaşdırır və iqtisadi rifahı təmin edir.

Bununla yanaşı, nəqliyyat və logistika sahəsindəki koordinasiyalı addımlar xüsusi diqqət mərkəzindədir. “Orta Dəhliz” layihəsinin inkişafı istiqamətində görülən işlər Avropa ilə Asiyanı birləşdirən ən qısa və təhlükəsiz marşrutun formalaşdırılmasına xidmət edir. Prezident İlham Əliyev qeyd etdi ki, bu infrastruktur layihələri regionun geosiyasi çəkisini artırmaqla yanaşı, xalqlarımızın gələcək inkişafı üçün yeni imkanlar açır.

Səfərin ən mühüm məqamlarından biri də regional sülh və təhlükəsizliklə bağlı səsləndirilən fikirlər oldu. Dövlət başçısı bəyan etdi ki, Cənubi Qafqazın sülh və əməkdaşlıq zonasına çevrilməsi Azərbaycanın əsas hədəflərindən biridir. Ölkəmizin beynəlxalq hüquq normalarına və suverenliyə hörmət əsasında qurduğu bu siyasət bölgədəki digər dövlətlər üçün də bir inkişaf modeli rolunu oynayır.

Bir sözlə, Prezident İlham Əliyevin bu səfəri və əldə olunan razılaşmalar Azərbaycan-Gürcüstan müttəfiqliyinin dinamik inkişaf etdiyini, qarşıya qoyulan strateji hədəflərin uğurla reallaşdırıldığını təsdiqləyir. Bu dostluq və tərəfdaşlıq əlaqələri regionda uzunmüddətli tərəqqinin və təhlükəsizliyin ən etibarlı zəmanətidir.

Əlişah Rəcəbov

YAP Ağdaş rayon təşkilatının sədri

Paylaş:

Baxılıb: 361 dəfə