Davamlı tərəqqi modeli

Bakı:

24 °C

58 %

5 m/s

Əlaqə

AZ RU EN

Ana səhifə / YAP xəbərləri / Davamlı tərəqqi modeli

Davamlı tərəqqi modeli

05.03.2026 [15:37]

3 mart 2026-cı il tarixində Bakı şəhərində keçirilən Cənub Qaz Dəhlizi Məşvərət Şurasının nazirlərin 12-ci iclası və Yaşıl Enerji Məşvərət Şurasının nazirlərin 4-cü iclası qlobal enerji əməkdaşlığının müzakirə olunduğu mühüm beynəlxalq platformalardan biri kimi diqqət çəkdi. Tədbirdə çıxış edən Prezident İlham Əliyev Azərbaycanın enerji təhlükəsizliyinin təmin edilməsində oynadığı mühüm rolu və ölkəmizin bu sahədə etibarlı tərəfdaş kimi mövqeyini bir daha vurğuladı.

Son illərdə həyata keçirilən məqsədyönlü enerji siyasəti nəticəsində Azərbaycan beynəlxalq enerji bazarında strateji mövqeyini möhkəmləndirib. Bu baxımdan Cənub Qaz Dəhlizi layihəsi xüsusi əhəmiyyət daşıyır. Azərbaycan təşəbbüsü ilə reallaşdırılan bu mühüm enerji layihəsi Xəzər regionunun zəngin enerji resurslarını Avropa bazarlarına çatdırmaqla qitənin enerji təhlükəsizliyinə mühüm töhfə verir.

Prezident İlham Əliyev çıxışında qeyd edib ki, Azərbaycan hər zaman tərəfdaşları qarşısında götürdüyü öhdəliklərə sadiq qalaraq enerji resurslarının etibarlı və dayanıqlı şəkildə nəqlini təmin edir. Bu etibarlı tərəfdaşlıq siyasəti nəticəsində Azərbaycanla enerji əməkdaşlığı genişlənir və yeni layihələrin həyata keçirilməsi üçün əlverişli imkanlar yaranır.

Eyni zamanda, ölkəmiz enerji siyasətində yeni istiqamət kimi bərpa olunan enerji mənbələrinin inkişafına xüsusi önəm verir. Bu baxımdan keçirilən Yaşıl Enerji Məşvərət Şurasının iclası Azərbaycanın enerji strategiyasında yeni mərhələnin formalaşdığını göstərir. Günəş, külək və digər bərpa olunan enerji resurslarından istifadənin genişləndirilməsi ölkəmizin enerji balansında alternativ mənbələrin payının artmasına xidmət edir.

Bu istiqamətdə xüsusilə işğaldan azad olunmuş ərazilərdə həyata keçirilən layihələr diqqət çəkir. Qarabağ və Şərqi Zəngəzur iqtisadi rayonlarının “yaşıl enerji zonası” kimi inkişaf etdirilməsi Azərbaycanın dayanıqlı inkişaf strategiyasının mühüm tərkib hissəsidir.

Bu gün Azərbaycan həm ənənəvi enerji resurslarının ixracında, həm də yaşıl enerji layihələrinin təşviqində mühüm rol oynayan ölkələrdən biridir. Prezident İlham Əliyevin rəhbərliyi ilə həyata keçirilən enerji siyasəti ölkəmizin beynəlxalq nüfuzunu artırmaqla yanaşı, regionda iqtisadi əməkdaşlığın və enerji təhlükəsizliyinin möhkəmləndirilməsinə xidmət edir.

Bakıda keçirilən bu mötəbər toplantı bir daha göstərdi ki, Azərbaycan qlobal enerji əməkdaşlığında mühüm tərəfdaş kimi çıxış edir və gələcəkdə də bu istiqamətdə mühüm təşəbbüslərlə çıxış etməyə davam edəcək.

Fidan Hüseynova

YAP Quba rayon təşkilatının sədri

Paylaş:

Baxılıb: 489 dəfə