YAP Kəlbəcər rayon təşkilatının qərargahında görüş keçirilib

Bakı:

20 °C

77 %

2 m/s

Əlaqə

AZ RU EN

Ana səhifə / YAP xəbərləri / YAP Kəlbəcər rayon təşkilatının qərargahında görüş keçirilib

YAP Kəlbəcər rayon təşkilatının qərargahında görüş keçirilib

03.03.2026 [14:24]

Yeni Azərbaycan Partiyası (YAP) Kəlbəcər rayon təşkilatının qərargahında partiyanın fəaliyyətində səmərəli xidmətləri ilə seçilən Kəlbəcər rayon 18 nömrəli tam orta məktəbinin direktoru, ƏPT-nin sədri Arzuman Qarayevlə görüş keçirilib.

Görüşdə Kəlbəcər rayon təşkilatının sədri Həbib Müsurov, Kəlbəcər Rayon İcra Hakimiyyətinin məsul əməkdaşı Heydər Bəylərov, rayon həmkarlar komitəsinin sədri Əli Bağırov, ETİHK Kəlbəcər rayon komitəsinin müdiri Şəlalə Məmmədova, Gənclər və idman sektorunun müdiri Musa Məmmədov, ziyalılardan Əhliman Qarayev və Möhübbət Qarayev, ETİHK Kəlbəcər rayon komitəsinin mütəxəssisi Zahid Kazımov, mühasibi Mənzər İsmayılova, Göygöl rayon 4 nömrəli tam orta ümumtəhsil məktəbinin direktoru Nərgiz Əmiraslanova, Göygöl rayon təhsil sektorunun məsul əməkdaşı Qabil Misirov, məktəb direktorları Əlizamin Qarayev, Nazim Orucov, Fazil Kamalov, “Kəlbəcər harayı” qəzetinin redaktoru Zahid Muxtar, əməkdaşı Köçəri Orucoğlu, Statistika idarəsinin məsul əməkdaşı Ədalət Hacıyev, Raqif Səmədov, Əli Alışanov və Bəylər Əliyev iştirak ediblər.

Tədbirdə çıxış edənlər Arzuman Qarayevin uzun illər ərzində rayonun ictimai-siyasi həyatında, təhsilin inkişafında və gənclərin vətənpərvərlik ruhunda yetişdirilməsində göstərdiyi xidmətlərdən geniş bəhs ediblər. Qeyd olunub ki, 1960-cı ildə Kəlbəcər rayonunda anadan olan Arzuman Qarayev əmək fəaliyyətinə 1977-ci ildə “Yenilik” qəzetində başlayıb. 1979–1981-ci illərdə hərbi xidmətdə olub, 1984-cü ildən isə müəllimlik fəaliyyətinə Kəlbəcər rayonu Orta Qaraçanlı kənd orta məktəbində başlayıb. Onun pedaqoji fəaliyyəti 40 ildən artıqdır davam edir.

1986-cı ildə Bakı Dövlət Universitetinin Coğrafiya fakültəsini, 1991-ci ildə isə Bakı Ali Partiya Məktəbini bitirib. Müxtəlif illərdə komsomol və partiya orqanlarında, eləcə də Əmək və Əhalinin Məşğulluq Mərkəzlərində rəhbər vəzifələrdə çalışıb, 1997–2005-ci illərdə özəl sektorda fəaliyyət göstərib.

2008–2011-ci illərdə Kəlbəcər rayon 119 saylı tam orta məktəbdə müəllim işləyib, 2011-ci ildən etibarən isə Kəlbəcər rayon 18 nömrəli tam orta məktəbinin direktoru vəzifəsini icra edir. Çıxış edənlər bildiriblər ki, Arzuman Qarayev müxtəlif məsul vəzifələrdə çalışdığı dövrlərdə rayonun inkişafına töhfələr verib, ziyalı mövqeyi ilə daim nümunə olub.Vurğulanıb ki, Arzuman Qarayev pedaqoq kimi gənclərin milli-mənəvi dəyərlər ruhunda formalaşmasında, təhsilin keyfiyyətinin yüksəldilməsində mühüm rol oynayıb. O, həmçinin

Ümummilli Lider Heydər Əliyev ideyalarının təbliğində və dövlətçilik prinsiplərinin yaşadılmasında fəal mövqe nümayiş etdirib, Prezident İlham Əliyev tərəfindən həyata keçirilən islahatlara daim dəstək verib.

Çıxışlarda qeyd olunub ki, Müzəffər Ali Baş Komandanın rəhbərliyi ilə torpaqlarımızın işğaldan azad olunması və Böyük Qayıdış proqramının icrası nəticəsində doğma Kəlbəcərdə həyat yenidən canlanır, köç prosesi davam edir, təhsil və sosial infrastruktur bərpa olunur.Rayon ziyalıları və tədbir iştirakçıları Arzuman Qarayev haqqında xatirələrini bölüşərək onun rayonun ictimai həyatında oynadığı rolu yüksək qiymətləndirib, ona möhkəm can sağlığı və gələcək fəaliyyətində uğurlar arzulayıblar.Çıxışının sonunda Arzuman Qarayev göstərilən diqqət və xoş sözlərə görə təşəkkürünü bildirib, fəaliyyət göstərdiyi bütün dövrlərdə dövlətə və xalqa xidmət etməyi özünün əsas vəzifəsi hesab etdiyini vurğulayıb. O qeyd edib ki, işğaldan azad olunmuş Kəlbəcərdə aparılan quruculuq işləri, təhsilin bərpası və insanların doğma yurdlarına qayıdışı hər bir kəlbəcərlidə böyük qürur hissi yaradır.Sonda partiyanın fəaliyyətində fəal iştirakına görə Arzuman Qarayev YAP Kəlbəcər rayon təşkilatı tərəfindən Fəxri Fərmanla təltif edilib.

Paylaş:

Baxılıb: 509 dəfə