“Xocalı soyqırımı əsrin faciəsidir” adlı dəyirmi masa keçirilib

Bakı:

16 °C

67 %

9 m/s

Əlaqə

AZ RU EN

Ana səhifə / YAP xəbərləri / “Xocalı soyqırımı əsrin faciəsidir” adlı dəyirmi masa keçirilib

“Xocalı soyqırımı əsrin faciəsidir” adlı dəyirmi masa keçirilib

25.02.2026 [14:05]

25 fevral 2026-cı il tarixdə YAP Samux rayon təşkilatında ərazi partiya təşkilat sədrlərinin, partiya fəallarının iştirakı ilə “Xocalı soyqırımı əsrin faciəsidir” adlı dəyirmi masa keçirilib.

Əvvəlcə, Ulu Öndər Heydər Əliyevin, Xocalı soyqırımı qurbanlarının və ölkəmizin ərazi bütövlüyü uğrunda canlarından keçmiş Vətən övladlarının əziz xatirəsi bir dəqiqəlik sükutla yad edilib.

Dəyirmi masanı giriş sözü ilə açan YAP Samux rayon təşkilatının sədri Gündüz Bayramov Xocalı soyqırımının XX əsrin sonlarında insanlığa qarşı törədilmiş ən ağır cinayətlərdən biri olduğunu və bu faciənin Azərbaycan xalqının qan yaddaşında silinməz iz qoyduğunu bildirib. Qeyd edib ki,1992-ci ilin 26 fevralında dinc əhaliyə qarşı həyata keçirilən kütləvi qırğın beynəlxalq humanitar hüququn kobud şəkildə pozulması olmaqla yanaşı, bütövlükdə bəşəri dəyərlərə qarşı yönəlmiş vəhşilik idi. Vurğulayıb ki, Azərbaycan dövləti Xocalı həqiqətlərinin dünya ictimaiyyətinə çatdırılması istiqamətində ardıcıl və prinsipial siyasət həyata keçirir və bu istiqamətdə mühüm nəticələr əldə olunub. Prezident İlham Əliyevin rəhbərliyi ilə ölkəmizin ərazi bütövlüyünün və suverenliyinin tam bərpa olunması şəhidlərimizin ruhuna ən böyük ehtiramın ifadəsidir. Bu gün işğaldan azad olunmuş Xocalıda aparılan genişmiqyaslı tikinti-quruculuq işləri, infrastruktur layihələri və Böyük Qayıdış proqramının icrası tarixi ədalətin bərpasının bariz nümunəsidir.

Daha sonra dəyirmi masada iştirak edən Samux rayon İcra Hakimiyyəti Başçısının müavini- ictimai, siyasi və humanitar məsələlər şöbəsinin müdiri Kəmalə Xəlilova, Samux rayon Ağsaqqallar Şurasının sədri Fidayıl Əliyev, Samux rayon İcra Hakimiyyəti Başçısının Aparatının ərazi-təşkilat və ictimai-siyasi məsələlər şöbəsi müdir müavini- Müharibə iştirakçıları və şəhid ailələri ilə işin təşkili sektorunun müdiri Qurban Həsənov, Samux şəhər 3 saylı tam orta məktəbin tarix müəllimi Səlminə Məmmədova çıxış edərək Xocalı faciəsinin Azərbaycan xalqına qarşı həyata keçirilmiş soyqırımı aktı olduğunu vurğulayıblar.

Çıxışlarda Xocalı həqiqətlərinin beynəlxalq müstəvidə tanıdılması istiqamətində aparılan fəaliyyətin milli maraqlarımızın qorunması baxımından mühüm əhəmiyyət daşıdığı diqqətə çatdırılıb. Bildirilib ki, xalqımız heç vaxt öz tarixini unutmur və şəhidlərin əziz xatirəsi daim uca tutulur. Eyni zamanda vurğulanıb ki, bu gün azad olunmuş Xocalıda həyata keçirilən bərpa və yenidənqurma işləri, müasir infrastrukturun qurulması və keçmiş məcburi köçkünlərin doğma yurdlarına qayıdışı dövlətimizin gücünü və siyasi iradəsini nümayiş etdirir. Çıxış edənlər gənc nəslin vətənpərvərlik ruhunda tərbiyəsinin vacibliyini xüsusi qeyd edərək, Xocalı həqiqətlərinin gələcək nəsillərə çatdırılmasının hər bir vətəndaşın mənəvi borcu olduğunu bildiriblər.

Paylaş:

Baxılıb: 465 dəfə