Tarixi zərurətdən yaranan YAP xalqa xidmət missiyasını şərəflə yerinə yetirib

Bakı:

23 °C

64 %

5 m/s

Əlaqə

AZ RU EN

Ana səhifə / YAP xəbərləri / Tarixi zərurətdən yaranan YAP xalqa xidmət missiyasını şərəflə yerinə yetirib

Tarixi zərurətdən yaranan YAP xalqa xidmət missiyasını şərəflə yerinə yetirib

22.11.2013 [09:14]

Yeni Azərbaycan Partiyası (YAP) Nizami rayon təşkilatı “EKOL” Mühəndislik Xidmətləri QSC ərazi ilk partiya təşkilatında YAP-ın yaradılmasının 21-ci ildönümü münasibətilə tədbir keçirilib.
“EKOL” Mühəndislik Xidmətləri QSC-nin direktoru Ramil Əliyev tədbir iştirakçılarını partiyanın yaranmasının 21 illiyi münasibətilə təbrik edib. Ötən 21 il ərzində YAP-ın keçdiyi şərəfli inkişaf yolundan danışan direktor deyib ki, ağır zamanda Azərbaycan xalqı dövlətin xilası üçün Ulu öndər Heydər Əliyevə üz tutub: “1992-ci il noyabrın 21-də Ümummilli lider Heydər Əliyevin rəhbərliyi ilə təsis edilən YAP müasir Azərbaycanın inkişafının əsasını qoyub”.
O bildirib ki, YAP-ın yaranması və Ulu öndər Heydər Əliyevin partiyaya Sədr seçilməsi insanların gələcəyə olan ümidinin möhkəmlənməsinə yol açıb.
Çıxış edən “EKOL” Mühəndislik Xidmətləri QSC ərazi ilk partiya təşkilatının sədri Fəxrəddin Quliyev Yeni Azərbaycan Partiyasının yaranması və qısa müddətdə ölkədə aparıcı siyasi qüvvəyə çevrilməsində Ümummilli lider Heydər Əliyevin əvəzsiz rolundan, 21 il ərzində partiyanın əldə etdiyi nailiyyətlərdən, ölkəmizin inkişafı və xalqımızın tərəqqisi üçün həyata keçirdiyi işlərdən danışıb. O deyib ki, 1993-cü ildə xalqın təkidli tələbi ilə Azərbaycanda hakimiyyətə qayıtdıqdan sonra Heydər Əliyev ölkəni parçalanmaqdan qoruyub, xalqımızın xilaskarına çevrilib: “Məhz həmin dövrdə yeni yaranan YAP möhkəmlənib və inkişaf edib, ölkədə əmin-amanlığın yaradılmasına, iqtisadi inkişafa başlanmasına töhfələrini verib”.
Tədbirdə fikirlərini iştirakçılarla bölüşən YAP Nizami rayon təşkilatının sədri, millət vəkili Sədaqət Vəliyeva deyib ki, ölkədə ictimai-siyasi proseslərin kifayət qədər mürəkkəb şəraitdə cərəyan etdiyi bir vaxtda dahi şəxsiyyət Heydər Əliyevin rəhbərliyi ilə 1992-ci il noyabrın 21-də təsis edilən Yeni Azərbaycan Partiyası qısa müddətdə ölkənin gələcək taleyini müəyyənləşdirən aparıcı siyasi qüvvəyə çevrilib: “Tarixi zərurətdən yaranan partiya ötən illər ərzində xalqa xidmət missiyasını şərəflə yerinə yetirib. XX əsrin 90-cı illərinin əvvəllərində Azərbaycanı düşdüyü siyasi, iqtisadi, sosial və mənəvi böhrandan xilas edən Ulu öndər Heydər Əliyevin rəhbərliyi ilə ölkəmiz qısa zaman kəsiyində böyük inkişafa nail olub. Bu gün partiyaya rəhbərlik edən Azərbaycan Prezidenti İlham Əliyev iqtisadi, siyasi, mədəni və digər sahələrdə ölkəmizin inkişafı istiqamətində mühüm işlər görüb. Azərbaycan gündən-günə daha sürətlə inkişaf edir. Məhz bunun nəticəsidir ki, ötən ay keçirilən prezident seçkilərində İlham Əliyev yenidən böyük səs çoxluğu ilə Prezident seçilib”.
Tədbirdə çıxış edən Rəşad İsmayılov, Kamil Akimov, Səbuhi Veysəlov və digərləri Ulu öndər Heydər Əliyevin yaradıcısı olduğu Yeni Azərbaycan Partiyasının uğurlarından danışıblar.
Sonda rayonun ictimai-siyasi həyatında fərqlənmiş bir qrup partiya üzvünə Fəxri fərmanlar təqdim edilib.

Paylaş:

Baxılıb: 1343 dəfə